Neutrón

O neutrón é unha partícula subatómica sen carga neta, presente no núcleo atómico de practicamente todos os átomos, excepto o protio. Aínda que se di que o neutrón non ten carga, en realidade está composto por tres partículas fundamentais cargadas, chamadas quarks, cuxas cargas sumadas son cero.

Neutrón

Contido en quarks do neutrón. A asignación de cor dos quark para a imaxe é arbitraria, mais deben estar presentes as tres cores. As forzas entre quark están mediadas polos gluóns.
Clasificación	Barión
Composición	1 quark arriba, 2 quark abaixo
Familia	Fermión
Grupo	Hadrón
Interacción	Gravidade, interacción débil, interacción forte, electromagnetismo
Antipartícula	antineutrón
Teorizada	Ernest Rutherford
Descuberta	James Chadwick
Masa	1,674 927 471 (21)*10-27
Vida media	881,5 (15) s (neutróns non ligados)
Carga eléctrica	0 e
Spin	1/2
Isospin	1/2
Paridade	+1
Condensado	I(JP) = 1/2 1/2(1/2+)

Un neutrón é un barión neutro formado por dous quarks down e un quark up. Forma, xunto cos protóns os núcleos atómicos. Fóra do núcleo atómico é inestable e ten unha vida media duns 14 minutos^[1] emitindo un electrón e un antineutrino para converterse nun protón. A súa masa é moi similar á do protón.

Algunhas das súas propiedades:

• Masa: m_n = 1.672x10⁻²⁴g
• Vida media: t_n = 886.7 ± 1.9 s
• Momento magnético: m_n = -1.9130427 ± 0.0000005 m_N
• Carga eléctrica: q_n = (-0.4 ± 1.1) x 10⁻²¹ e

O neutrón é necesario para a estabilidade de case tódolos núcleos atómicos (a única excepción é o hidróxeno), xa que interactúa fortemente atraéndose con neutróns e protóns, pero non se repele con ningún, como si o fan os protóns, que se atraen nuclearmente pero repélense electrostaticamente.