Quark

Hai seis tipos ou "sabores^[1]" distintos de quarks que os físicos nomearon do seguinte xeito: "up" (arriba), "down" (abaixo), "charm" (encantado), "strange" (estraño), "top" (cume) e "bottom" (fondo), ademais dos correspondentes antiquarks.

É un tipo de partícula elemental, que compoñen outras partículas subatómicas, coma o protón e o neutrón, e que non existen de maneira illada.

Os quarks non se atopan ceibes na natureza senón formando hadróns, estes divídense en dous tipos:

• mesóns : formados por un quark e un antiquark (pións, kaóns, ...)
• barións : formados por tres quarks (protóns, neutróns, ...)

Amais dunha carga eléctrica fraccionaria de -1/3 ou +2/3, os quarks teñen outra carga de cor, que non ten nada que ver coa cor real destas partículas, e que mantén unidos aos quarks a través da forza forte, ademais de se-la responsable da formación destes hadróns. Esta interacción está descrita pola cromodinámica cuántica (QCD). Hai tres tipos de carga de cor: vermella, azul e verde. Os antiquarks presentan ademais cargas opostas, antivermella, antiazul e antiverde. Os quarks permanecen unidos entre si grazas ao intercambio de partículas virtuais mediadoras da interacción fuerte: os gluóns.

Xunto aos leptóns, os quarks forman case toda a materia que temos ao noso redor, en concreto os dous primeiros quarks, xa que son os que forman os protóns e os neutróns que á súa vez forman os núcleos atómicos.

O termo quark, que en realidade non ten significado ningún, é obra de Murray Gell-Mann, traballando entón no Instituto Tecnolóxico de California, sacado dunha novela de James Joyce, Finegan's wake, máis concretamente do verso Three Quarks for Mr. Mark.

A seguinte táboa é un resumo dos seis quarks coñecidos:

Xeración	Isospin Débil	Sabor	Nome	Símbolo	Carga / e	Masa / MeV.c-2
1	+ 1/2	Iz=+1/2	Up	u	+ 2/3	1.5 - 4.0
1	− 1/2	Iz=−1/2	Down	d	− 1/3	4 - 8
2	− 1/2	S=−1	Strange	s	− 1/3	80 - 130
2	+ 1/2	C=1	Charm	c	+ 2/3	1150 - 1350
3	− 1/2	B′=−1	Bottom	b	− 1/3	4100 - 4400
3	+ 1/2	T=1	Top	t	+ 2/3	172500 ± 2300

• Masas do quark top tomadas de Tevatron Electroweak Working Group
• Outras masas dos quarks tomadas de Particle Data Group.
• OS números cuánticos dos quarks top e bottom aparecen ás veces coma "truth" (verdade) e "beauty" (beleza)

1. ↑ Biron, Lauren. "10 words that mean something different to physicists". symmetry magazine (en inglés). Consultado o 2019-03-29. 

Wikimedia Commons ten máis contidos multimedia na categoría:  Quark

• Antiquark
• Física de partículas

Particle Data Group (en inglés) La Aventura de las Partículas Arquivado 11 de marzo de 2005 en Wayback Machine. (en castelán)