Gran Premio de Mónaco de 1993

Prost logrou a pole por diante de Schumacher, Senna, Hill, Alesi e Patrese. Prost saíu antes de tempo e Berger adiantou a Patrese. A orde foi: Prost, Schumacher, Senna, Hill, Alesi e Berger. A continuación, Prost foi penalizado pola saída cun stop and go. Foi na volta 12, pero parouselle o coche cando estaba tratando de saír. Finalmente, o problema resolveuse, pero perdeu unha volta e quedou no posto 22. Schumacher, líder, adiantouse comodamente, de súpeto comezou a ir máis lento por culpa dun problema hidráulico na volta 33 e retirouse. O principal aliciente foi a remontada de Prost a pesar da dificultade dos adiantamentos no circuíto urbano de Mónaco. No momento das paradas, non houbo cambios nos 6 primeiros, Prost foi o máis beneficiado subiu do posto 10 ao 7. Pasou a ser 6º e entrar nos puntos cando o motor Patrese fallou na volta 54. Prost pasou a Fittipaldi acadando o quinto lugar pouco despois. Na volta 71, Berger atacou a Hill e houbo contacto. Hill, continuou pero Berger, abandonou. Senna gañou por diante de Hill, Alesi, Prost, Fittipaldi e Brundle.

• Líder por volta: Alain Prost 11 (1-11), Michael Schumacher 21 (12-32), Ayrton Senna 46 (33-78)
• Récords: Esta foi a sexta vitoria de Ayrton Senna neste Gran Premio, arrebatando o récord de Graham Hill de vitorias neste circuíto, establecido 28 anos antes.

Clasificación no campionato de pilotos Pos Piloto Puntos 1   Ayrton Senna 42 2   Alain Prost 37 3   Damon Hill 18 4   Michael Schumacher 14 5   Mark Blundell 6

Clasificación do campionato de construtores Pos Construtor Puntos 1   Williams-Renault 55 2   McLaren-Ford 44 3   Benetton-Ford 19 4   Ligier-Renault 11 5   Lotus-Ford 7

• Notas: Só están incluídos os cinco primeiros postos da clasificación.