Obradoiro Club de Amigos do Baloncesto

Monbus Obradoiro
Información xeral
Nome	Obradoiro Club de Amigos do Baloncesto, S.A.D.[1]
Liga	Primeira FEB
Alcume	Obra
Fundación	6 de outubro de 1970
Cores	Branco, azul, granate
Propietario	Raúl López
Presidente	Raúl López
Director	Héctor Galán
Adestrador	Gonzalo Rodríguez
Patrocinador	Monbus
Vestimenta	GEFF
Mascota	Oca Petroni
Seareiros	Somos Obra
Localización
Cidade	Compostela, Galicia
Pavillón	Multiúsos Fontes do Sar
Capacidade	6.666
Inauguración	1998
Campionatos
Príncipe	1 (2011)
Copa Galicia	10 (2010−2017, 2019, 2023)
obradoirocab.com
Para a actual tempada, ver : Obradoiro CAB 2024/2025

O Obradoiro Clube de Amigos do Baloncesto, S.A.D.^[2], denominado Monbus Obradoiro por razóns de patrocinio, é unha entidade deportiva profesional adicada ó baloncesto, con sede na cidade galega de Compostela. O club foi fundado en 1970, e na actualidade compite na segunda categoría do baloncesto español, a Primeira FEB.

Até 1970 o baloncesto da cidade de Compostela estivo representado nas competicións oficiais por un equipo do SEU e por unha sección da SD Compostela. Nese ano naceu o Obradoiro CAB, fundado por un grupo de 29 afeccionados dispostos a darlle un pulo renovado ó deporte da canastra na cidade. Na tempada 1970-71 o Obradoiro partiu da Terceira División, ocupando a praza da sección de baloncesto da SD Compostela. Naqueles tempos o equipo xogaba no antigo ximnasio universitario, onde na actualidade está o Auditorio da USC.^[3]

Despois de ascender dende a Terceira División á Segunda División no seu terceiro ano de existencia, o Obradoiro CAB acadou a máxima división do baloncesto español ao remate da tempada 1981-82, cando ascendeu tras derrotar o CB Mataró. Formaban parte dese equipo Mario Iglesias, Eduardo Echarri, Jan Lomas, Balagué, Arturo Corts, Javi Vallejo, Montero, José Cobelo, Manolo Vidal, Alberto Abalde, Gil, Popocho Modrego, Julio Bernárdez e Pepe Casal, e Antonio Castro era o presidente da entidade.^[4]

Nesa primeira tempada en primeira división o Obradoiro gañou unicamente dous encontros, e rematou na 14ª e última posición.^[5]

En 1990 tenta de novo ascender a primeira, e ten que xogar a eliminatoria contra o Júver Murcia. No primeiro partido xoga polos murcianos Esteban Pérez, con nacionalidade arxentina, o que daquela supuña un aliñamento indebido.^[6] O Obradoiro reclama o aliñamento e nos seguintes dous partidos da eliminatoria o Júver non inclúe a Pérez. Os tres partidos rematarían coa derrota do Obradoiro, pero este club reclama, primeiro á xustiza deportiva e logo pola vía ordinaria. Mentres se resolve o proceso, o Obradoiro descende varias categorías e móvese durante a década dos noventa e o comezo do século XXI polas categorías inferiores estatais e polas categorías galegas.

Nese tempo naceu e medrou outro club de baloncesto na capital galega, o CB Rosalía, que se converteu no equipo de baloncesto de referencia na cidade durante máis dunha década, chegando mesmo a loitar polo ascenso á Liga ACB na tempada 2007-08.

En 2003 o preito resólvese, e a Xustiza obriga a ACB a readmitir o equipo na primeira división estatal: pero os recursos económicos da entidade non poden facerlle fronte aos avais de 2003, e acoden de novo á xustiza para conseguir unhas condicións de acceso como en 1990. O Tribunal Supremo volve darlles a razón polo que lles concede unha praza na ACB nas condicións daquela tempada, e coa posibilidade de facela efectiva ao longo de tres anos.

Comezou a tempada 2009-10 xogando na casa contra o Barcelona, cunha derrota coma resultado.^[7] Tras catro derrotas nos catro primeiros partidos, a primeira vitoria chegou na 5ª xornada contra o Baloncesto Fuenlabrada por 86-66 no Multiúsos Fontes do Sar.^[8] Malia unha gran primeira volta na que rematou na undécima posición con 7 vitorias e 10 derrotas, rematou por descender á Liga LEB tras conseguir tan só unha vitoria na segunda volta e finalizar na penúltima posición con tan só 8 vitorias. Como feitos destacables cabe salientar a vitoria no Sar na 12ª xornada ante o Real Madrid por 78-68.^[9]

Á tempada seguinte na LEB Ouro, o Obradoiro fixo un equipo de garantías para volver o antes posible á ACB. Xogadores coma Alberto Corbacho, Levon Kendall ou Oriol Junyent chegaron a Santiago para devolver ó Obradoiro á máxima categoría. Todos eles baixo o mando no novo adestrador, o galego Moncho Fernández. O equipo comezou con 13 vitorias nos 13 primeiros partidos e rematou a primeira volta no máis alto da táboa, clasificándose dese modo para a Copa Príncipe. Tras un partido moi igualado, o Obradoiro conseguiu finalmente o trofeo tras derrotar ó CB Murcia por 81-78.^[10] Ademais, Alberto Corbacho foi elixido mellor xogador da Copa Príncipe.

Tras unha segunda volta máis irregular, na que perdeu catro partidos, foi o Murcia quen ascendeu directamente á Liga ACB, e o Obradoiro tivo que disputar os playoffs tras rematar na segunda posición. Ó remate da tempada regular, Oriol Junyent foi incluído no mellor quinteto da tempada da LEB Ouro. Na primeira rolda dos playoffs de ascenso á ACB, o Obradoiro derrotou ó Cáceres Creativa por 3-1. Na segunda rolda agardaba o Leite Río Breogán de Lugo. O derbi galego rematou coa vitoria do Obradoiro por un contundente 3-0. O Ford Burgos, que rematou por detrás do conxunto santiagués na tempada regular, foi o rival na última rolda para o ascenso á ACB. O Obradoiro conseguiu gañar os dous primeiros partidos no Sar para poñer o ascenso a unha soa vitoria. En Burgos, a serie poñíase 2-1 tras unha axustada vitoria do Ford Burgos. No cuarto partido, tras un gran primeiro cuarto do Obradoiro no que tan só encaixou 5 puntos, os santiagueses conseguían o retorno á Liga ACB só unha tempada máis tarde.^[11]

Para a tempada 2011-12, o Obradoiro mantivo a base do equipo que lograra o ascenso o ano anterior e fixo poucas incorporacións, na que destacou a do gabonés Stephane Lasme. Tras unha complicada primeira volta na que tan só conseguiron 4 vitorias e o descenso ameazaba de novo, o Obradoiro fíxose forte no Sar na segunda parte da competición, conseguindo 6 vitorias en 8 partidos na casa e rematando a liga na 13ª posición. A gran tempada de Lasme propiciou o interese de varios equipos europeos e da NBA pola súa incorporación, e finalmente fichou polo Panathinaikos grego ó rematar a tempada.

O Obradoiro, con grandes incorporacións coma Pavel Pumprla, Salah Mejri ou Robbie Hummel, clasificouse por primeira vez na súa historia para os Playoffs da Liga ACB na tempada 2012-13, tras rematar na oitava posición con 18 vitorias en 34 partidos. Na primeira rolda enfrontouse ó Real Madrid por 2-0, equipo que remataría proclamándose campión de liga ó remate dos Playoffs. Nesa tempada salientou o tunesino Salah Mejri, que foi escollido coma xogador revelación da liga tras acadar 9.2 puntos, 5.2 rebotes por encontro, ademais de ser o máximo taponador da liga con 1.6 tapóns por partido. Na votación rematou con 65 puntos, cinco máis que o seu compañeiro Alberto Corbacho e Lucas Nogueira, do Estudiantes.^[12]

A difícil tarefa de repetir presenza nos playoffs non foi posible na seguinte tempada. As marchas de Salah Mejri ó Real Madrid, de Levon Kendall ó Herbalife Gran Canaria e de Robbie Hummel ós Minnesota Timberwolves da NBA foron moi importantes para un Obradoiro que se reforzou co croata Mario Delaš ou o pivote estadounidense Mike Muscala, quen deixou o equipo á metade da tempada para fichar polos Atlanta Hawks da NBA.^[13] Malia todo, o Obradoiro conseguiu rematar na 12ª posición con 13 vitorias e 21 derrotas.

Na tempada 2014-15, o Obradoiro comezou cun equipo practicamente novo. Tan só Alberto Corbacho, Pavel Pumprla e Rafa Luz repetiron no cadro de xogadores do equipo santiagués. Esta tempada deixou un partido para a historia; o 14 de marzo de 2015, o Obradoiro conseguiu o maior triunfo da súa historia e o oitavo da historia da ACB tras derrotar ó UCAM Murcia por 104-52.^[14] O alemán Maxi Kleber e o polaco Adam Waczyński, acabados de chegar a Santiago, axudaron co seu gran rendemento a que o Obradoiro rematara de novo na 12ª posición conseguindo 15 vitorias, o número máis alto dende a clasificación do equipo para os playoffs.

• 1986. Subcampión, fronte ó CB Breogán (70-67) en Ourense.
• 2009. Subcampión, fronte ó CB Breogán (63-57) en Porriño.
• 2010. Campión, fronte ó COB Ourense (72-61) en Lalín.
• 2011. Campión, fronte ó COB Ourense (72-70) en Noia.
• 2012. Campión, fronte ó COB Ourense (86-67) en Ourense.
• 2013. Campión, fronte ó CB Breogán (67-60) en Santiago de Compostela.
• 2014. Campión, fronte ó CB Breogán (74-59) en Lugo.
• 2015. Campión, fronte ó Básquet Coruña (79-69) en Ourense.
• 2016. Campión, fronte ó Básquet Coruña (85-77) en Noia.
• 2017. Campión, fronte ó CB Breogán (75-71) en Marín.
• 2018. Subcampión, fronte ó CB Breogán (75-74) en Marín.
• 2019. Campión, fronte ó COB Ourense (89-65) en Marín.
• 2023. Campión, fronte ó CB Breogán (69-68) en Lugo.

• 2010-2011. Campión, fronte ó CB Murcia (81-78) en Santiago de Compostela.

• 1982-1983. Oitavofinalista, fronte ó OAR Ferrol (74-91) e (94-84).
• 2016. Cuartofinalista, fronte ó Laboral Kutxa Baskonia (77-79)

• 2018. Semifinalista, fronte ó Real Madrid (61-81)

• 1984-1985. Campión de Liga de Segunda División.
• 2022-2023. Basketball Champions League 2023-24 Eliminado na fase previa

A seguinte táboa amosa o percorrido do Obradoiro CAB polas diversas categorías do baloncesto nacional dende a tempada de debut en 1970/71 até a actualidade:^[16]

Categoría	2025	24	23	22	21	20	19	18	17	16	15	14	13	12	11	10	09	08	07	06	05	04	03	02	01	00	99	98	97	96	95	94	93	92	91	90	89	88	87	86	85	84	83	82	81	80	79	78	77	76	75	74	73	72	71
Liga ACB/1ª División		17	11	15	14	14	15	12	13	15	12	12	8	13		17																											14
LEB Ouro/1ª División B															2																			15		5	13	22	6	7		12		3	8			14	8	4	4	8
LEB Prata/2ª División																																									1					2	9
Categorías rexionais

• Tempadas na máxima categoría do baloncesto nacional (Liga ACB ou equivalente): 15

82/83, 09/10, 11/12, 12/13, 13/14, 14/15, 15/16, 16/17, 17/18, 18/19, 19/20, 20/21, 21/22, 22/23, 23/24

• Tempadas na segunda categoría do baloncesto nacional (LEB Ouro ou equivalente): 15

73/74, 74/75, 75/76, 76/77, 77/78, 80/81, 81/82, 83/84, 85/86, 86/87, 87/88, 88/89, 89/90, 91/92, 10/11, 24/25

• Tempadas noutras categorías: 24

78/79, 79/90, 84/85, 90/91, 92/93, 93/94, 94/95, 95/96, 96/97, 97/98, 98/99, 99/00, 00/01, 01/02, 02/03, 03/04, 04/05, 05/06, 06/07, 07/08, 08/09

Os números do Obradoiro CAB en ACB / Primeira División

Tempadas		Xog.	Gañ.	Per.		P+	P-		Postos na Tempada Regular		Resultado final
2023-24		34	11	23		2760	2868		17º de 18		Descenso.
2022-23		34	14	20		2694	2832		11º de 18		Permanencia.
2021-22		34	12	22		2792	2930		15º de 18		Permanencia.
2020-21		36	12	24		2888	3015		14º de 19		Permanencia.
2019-20		23	9	14		1832	1972		14º de 18		Permanencia.
2018-19		34	11	23		2645	2823		15º de 18		Permanencia.
2017-18		34	14	20		2650	2742		12º de 18		Permanencia.
2016-17		32	11	21		2439	2626		13º de 17		Permanencia.
2015-16		34	10	24		2564	2685		15º de 18		Permanencia.
2014-15		34	15	19		2467	2535		12º de 18		Permanencia.
2013-14		34	13	21		2548	2624		12º de 18		Permanencia.
2012-13		34	18	16		2720	2640		8º de 18		Cuartos de final.
2011-12		34	13	21		2405	2481		13º de 18		Permanencia.
2009-10		34	8	26		2519	2814		17º de 18		Descenso.
1982-83		26	2	24		1895	2466		14º de 14		Descenso.

• Xog. Xogados ; Gañ. Gañados ; Per Perdidos ; P+ Puntos anotados ; P- Puntos encaixados.

O Obradoiro CAB xoga os seus encontros como local no Pavillón Multiúsos Fontes do Sar, situado no leste da cidade, nunha zona coñecida como Brañas de Sar, ó pé do Monte Gaiás. O recinto foi inaugurado en 1998, e ten capacidade para acoller a 6.050 seareiros. O equipo comparte este pavillón co Santiago Futsal, o equipo de fútbol sala que compite na máxima categoría da LNFS. Este pavillón é propiedade do Concello de Santiago de Compostela.

O primeiro fogar do Obradoiro CAB foi o Ximnasio da USC (actual Auditorio do Campus Vida). En 1975 mudouse ó Pavillón Brañas do Sar, construído polo propio club.^[17] Nese recinto chegaron os primeiros grandes éxitos da entidade, incluíndo a tempada 1982-83 na que o equipo competiu na máxima categoría da Liga Española de Baloncesto. Coa chegada dos problemas legáis o equipo comezou a xogar no Pavillón Municipal de Santa Isabel, propiedade do concello, que pasou a ser o principal pavillón da cidade. O Obradoiro CAB volveu a Sar en 2009, para xogar no Pavillón Multiúsos Fontes do Sar, construído sobre o antigo Pavillón Brañas do Sar.

• (2009- ......) Pavillón Multiúsos Fontes do Sar
• (1990-2009) Pavillón Municipal de Santa Isabel
• (1975-1990) Pavillón Brañas do Sar
• (1970-1975) Ximnasio da USC

Dende o regreso do Obradoiro CAB á elite do baloncesto nacional, a afluencia media de seareiros que acudiron ós encontros do equipo na ACB 2009-10 foi de 5509 persoas, con máximos de 6050 espectadores (fronte ó FC Barcelona). No seguinte ano, co equipo na LEB Ouro 2010-11, a media baixou a 4297 persoas. De volta na Liga ACB, na tempada 2011-12 a media de seareiros no pavillón medrou ata os 5241.^[18]

• ACB 2016-17 —— 5.066 seareiros por encontro.
• ACB 2015-16 —— 5.263 seareiros por encontro.
• ACB 2014-15 —— 5.065 seareiros por encontro.
• ACB 2013-14 —— 5.049 seareiros por encontro.
• ACB 2012-13 —— 5.438 seareiros por encontro.
• ACB 2011-12 —— 5.241 seareiros por encontro.
• LEB 2010-11 —— 4.297 seareiros por encontro.
• ACB 2009-10 —— 5.509 seareiros por encontro.

Véxase tamén: Xogadores do Obradoiro CAB.

Monbus Obradoiro 2023−2024
Xogadores	Adestradores
Pos. # Nac. Nome Altura Peso Procedencia 1.0 !B 0 ! Howard, Jordan 1,80 m (5 ft 11 in) 82 kg (181 lb) Napoli Basket (2023) 3.0 !A 1 ! Scrubb, Thomas 1,98 m (6 ft 6 in) 91 kg (201 lb) JL Bourg (2021) 1.0 !B 5 ! Zurbriggen, Fernando 1,85 m (6 ft 1 in) 86 kg (190 lb) Obras Sanitarias (2021) 3.0 !A 6 ! Timma, Jānis 2,03 m (6 ft 8 in) 103 kg (227 lb) Darüşşafaka SK (2024) 1.0 !B 7 ! Figueras, Pol 1,85 m (6 ft 1 in) 80 kg (176 lb) Bàsquet Girona (2023) 1.0 !B 8 ! Strēlnieks, Jānis 1,91 m (6 ft 3 in) 88 kg (194 lb) Scafati Basket (2024) 1.0 !B 10 ! Dotson, Devon 1,85 m (6 ft 1 in) 84 kg (185 lb) Capital City Go-Go (2024) 5.0 !P 11 ! Blaževič, Marek 2,11 m (6 ft 11 in) 114 kg (251 lb) Žalgiris Kaunas (2022) 5.0 !P 13 ! Pustovyi, Artem 2,19 m (7 ft 2 in) 89 kg (196 lb) UCAM Murcia (2023) 2.0 !E 26 ! Mendoza, Rigoberto 1,91 m (6 ft 3 in) 82 kg (181 lb) Piratas de La Guaira (2023) 5.0 !P 32 ! Guerrero, Rubén 2,13 m (7 ft 0 in) 110 kg (243 lb) Unicaja Málaga (2022) 3.0 !A 33 ! Muñoz, Álvaro 1,96 m (6 ft 5 in) 91 kg (201 lb) Bàsquet Manresa (2019) 3.5 !AP 44 ! Tinkle, Tres 2,03 m (6 ft 8 in) 102 kg (225 lb) Le Mans Sarthe Basket (2023) 1.0 !B 50 ! Kovliar, Oleksandr 1,91 m (6 ft 3 in) 85 kg (187 lb) BC Kalev/Cramo (2023) 4.0 !AP 93 ! Suárez, Álex 2,06 m (6 ft 9 in) 101 kg (223 lb) CB Canarias (2020)	Adestrador Moncho Fernández Asistente(s) Gonzalo Rodríguez Víctor Pérez Preparador(es) físico(s) Rubén Vieira Tomás Richartz Lenda (C) Capitán Lesionado Cadro Actualizado: 18−03−2024

Dorsais retirados do Obradoiro CAB
N°	Xogador	Posición	Etapa	Data de retiro do dorsal
4	Bernard Hopkins	Ala-pivote	2010-2012	2013 [19]
14	Tonecho Lorenzo	Ala	1971-1976; 1977-1978	16 de outubro de 2021 [20]
15	Oriol Junyent	Pivote	2009; 2010-2014	10 de maio de 2015 [21]

Máis encontros en ACB [editar | editar a fonte] # Xogador Partidos 1 Pepe Pozas 201 2 Alberto Corbacho 164 3 Pavel Pumprla 103 4 Rafa Luz 103 5 Nacho Llovet 95 6 Eimantas Bendžius 94 7 Artem Pustovyi 94 8 Oriol Junyent 91 9 David Navarro 81 10 Álvaro Muñoz 79

Máis puntos en ACB [editar | editar a fonte] # Xogador Puntos 1 Alberto Corbacho 1.782 2 Kassius Robertson 996 3 Kostas Vasileiadis 941 4 Eimantas Bendžius 917 5 Adam Waczyński 819 6 Artem Pustovyi 794 7 Laurynas Birutis 780 8 Pepe Pozas 760 9 Levon Kendall 756 10 Pavel Pumprla 705

Máis rebotes en ACB [editar | editar a fonte] # Xogador Rebotes 1 Levon Kendall 413 2 Nacho Llovet 398 3 Artem Pustovyi 378 4 Eimantas Bendžius 373 5 Pepe Pozas 350 6 Laurynas Birutis 331 7 Oriol Junyent 325 8 Pavel Pumprla 321 9 Juanjo Triguero 304 10 Alberto Corbacho 261

Máis asistencias en ACB [editar | editar a fonte] # Xogador Asistencias 1 Pepe Pozas 701 2 Rafa Luz 345 3 Andrés Rodríguez 309 4 Albert Sàbat 257 5 Kassius Robertson 217 6 Pavel Pumprla 192 7 Mickey McConnell 187 8 Alberto Corbacho 183 9 David Navarro 162 10 Donnie McGrath 155

Máis roubos en ACB [editar | editar a fonte] # Xogador Roubos 1 Pepe Pozas 162 2 Pavel Pumprla 131 3 Alberto Corbacho 116 4 Rafa Luz 109 5 Andrés Rodríguez 75 6 Eimantas Bendžius 70 7 Levon Kendall 68 8 Angelo Caloiaro 68 9 Kostas Vasileiadis 60 10 Kassius Robertson 52

Máis tapóns en ACB [editar | editar a fonte] # Xogador Tapóns 1 Artem Pustovyi 119 2 Stephane Lasme 64 3 Salah Mejri 56 4 Laurynas Birutis 56 5 Levon Kendall 50 6 Vladimir Brodziansky 46 7 Nick Spires 38 8 Pavel Pumprla 33 9 Maxi Kleber 31 10 Juanjo Triguero 30

Datos actualizados ata a tempada 2021-22.^[22]
En letra negra os xogadores que xogan actualmente no equipo.

Partidos en competición europea do Obradoiro CAB
Tempada	Competición	Rolda	Data	Rival	Resultado
2023–24	Clasificación da Basketball Champions League - Grupo III	Cuartos de final	26 de setembro de 2023	KK Mornar Bar	56–90
2023–24	Clasificación da Basketball Champions League - Grupo III	Semifinais	28 de setembro de 2023	Legia Warszawa	66–74
2023–24	Clasificación da Basketball Champions League - Grupo III	Final	30 de setembro de 2023	SIG Strasbourg	82–78

Xogador Revelación da ACB

• Salah Mejri – 2013

Mellor quinteto novo da ACB

• Santiago Yusta – 2016

Xogadores que acadaron o MVP da Xornada da ACB
Xogador	Xornada	Tempada	Valoración
Rafael Hettsheimeir	13	2009–10	35
Kostas Vasileiadis	25	2009–10	35
Stephane Lasme	18	2011–12	37
Levon Kendall	4	2012–13	30
Salah Mejri	26	2012–13	29
Mike Muscala	18	2013–14	32 1
Alberto Corbacho	21	2013–14	31
Maxi Kleber	25	2014–15	45
Adam Waczyński	32	2014–15	30
Adam Waczyński	3	2015–16	36
Nemanja Radović	9	2017–18	29
Kostas Vasileiadis	11	2018–19	31
Vladimir Brodziansky	12	2018–19	37
Vladimir Brodziansky	17	2018–19	25 2
Kostas Vasileiadis
Fletcher Magee	6	2019–20	33
Laurynas Birutis	1	2020–21	42
Laurynas Birutis	9	2020–21	37
Kassius Robertson	15	2020–21	35
Steven Enoch	27	2020–21	34
Laurynas Birutis	4	2021–22	30
Laurynas Birutis	12	2021–22	28
Laurynas Birutis	16	2021–22	37
Kassius Robertson	28	2022–23	40
Thomas Scrubb	6	2023–24	32 3

¹ Compartido con Andy Panko do Baloncesto Fuenlabrada.
² Compartido con Javier Beirán do Iberostar Tenerife.
³ Compartido con Joe Thomasson do Covirán Granada.

Xogadores que acadaron o MVP do Mes da ACB
Xogador	Mes	Tempada	Valoración
Kostas Vasileiadis	Decembro 2018	2018–19	22.6
Laurynas Birutis	Setembro 2020	2020–21	27.7
Artem Pustovyi	Maio 2024	2023–24	22.3

• Páxina web oficial do Obradoiro CAB Arquivado 05 de marzo de 2012 en Wayback Machine.
• Páxina web oficial da Liga ACB (en castelán)
• Páxina web oficial da Federación Española de Baloncesto (en castelán)
• Páxina web oficial da Federación Galega de Baloncesto