UCAM Murcia CB

UCAM Murcia
Información xeral
Liga	ACB
Fundación	1985
Historia	AD Juver (1985−1993) CB Murcia (1993−2013)
Cores	Vermello, amarelo
Presidente	José Luis Mendoza
Adestrador	Sito Alonso
Patrocinador	UCAM
Localización
Cidade	Murcia, España
Pavillón	Palacio de Deportes
Capacidade	7 454
Inauguración	1994
Campionatos
Liga LEB	3 (1998, 2003, 2011)
Príncipe	1 (2006)
ucammurcia.com

O UCAM Murcia Club Baloncesto, S.A.D.,^[1] onde UCAM fai referencia á Universidad Católica de Murcia, é un equipo de baloncesto profesional español con sede na cidade de Murcia. Fundado en 1985, actualmente compite na liga ACB, máxima categoría do baloncesto español. O UCAM Murcia xoga os seus partidos como local no Palacio de Deportes de Murcia, pavillón con capacidade para 7 454 espectadores.^[2]

O equipo naceu en 1985 baixo o nome de Agrupación Deportiva Juver. Sendo Juver, empresa elaboradora de zumes, o patrocinador principal do equipo. A empresa murciana foi o espónsor do conxunto ata a temporada 1992−93. O equipo comezou a súa andaina en categoría autonómica. Na temporada 1985−86 adquiriu os dereitos federativos do Logos de Madrid para militar na Primeira División B, participando nesta categoría durante catro anos. Nos play-offs finais da temporada 1989−90 ascendeu á liga ACB logo de proclamarse campión ao vencer o Obradoiro. Posteriormente demostrouse que realizou unha aliñación indebida, falsificando a ficha de Esteban Daniel Pérez Beltrán, e cuxa identidade verdadeira era Esteban Daniel Pérez Spatazza, internacional arxentino. Finalmente, a ACB e a FEB, ascenderon o equipo.

Na Liga ACB permaneceu seis anos consecutivos. Na etapa correspondente a 1993−94, produciuse un cambio na imaxe corporativa do club. O equipo pasouse a denominar simplemente C.B. Murcia e as cores do uniforme pasaron a ser vermellas. Na temporada 1995−96 o club organiza a fase final da Copa do Rei, acadando o Murcia as semifinais após perder por cinco puntos ante o TDK Manresa de Joan Creus. O equipo catalán finalmente foi quen de gañar a Copa ao vencer ao FC Barcelona. Na temporada 1996−97 o equipo volveu descender á Liga LEB. Non tardaría, porén, en volver á máxima categoría do baloncesto español, xa que na temporada seguinte se proclamou campión desta Liga e ascendeu de novo á ACB. Nesta etapa houbo un cambio de patrocinador e o equipo pasou a chamarse Murcia Artel. Durante a temporada 1998−99 participou na ACB cun novo patrocinador, denominándose Recreativos Orenes Murcia. Con todo, o equipo tan só permanece unha temporada antes de regresar á LEB.

En LEB, a partir do ano 2000, o club adopta o nome de Etosa Murcia. Na temporada 2002−03 o equipo proclamouse campión da LEB e consegue de novo o cobizado ascenso á ACB. A temporada 2003−04, novena do club na ACB, comezou cun nuevo espónsor, Polaris World, e co obxectivo de estabilizar o club na máxima competición estatal. Porén, tras unha temporada nefasta, o club volta á Liga LEB. Nela disputaría as dúas seguintes temporadas, nas que o club cambiou de mans. A empresa murciana Polaris World comprou as accións do club ao até entón presidente, Juan Valverde, e fíxose cargo do equipo, sendo o presidente do club Salvador Hernández. Na temporada 2005−06, o club gaña a Copa Príncipe e consegue o ascenso á ACB, pechando por todo o alto o vixésimo aniversario do nacemento do Club.

Tras atinxir a permanencia dous anos na máxima categoría, na temporada 2008-09 o patrocinador Polaris World sae do club. Este ano o club está a piques de regresar á LEB, con todo, grazas a unha vitoria o 9 de maio ante o CAI Zaragoza por 59−60, puido manter a categoría tras unha temporada moi difícil no plano económico. Estas dificultades levaron ao descenso do club na seguinte temporada. Na temporada 2010−11 o Murcia acaba por terceira vez como campión da LEB, logrando o ascenso directo á Liga ACB,^[3] categoría na que permanece desde estón. Cómpre destacar que en 2013 o club pasa ser propiedad da Universidade Católica de Murcia, que muda o nome do club a UCAM Murcia CB.

Por motivo de patrocinio, o club tivo diversos nomes ao longo da súa historia:

• Júver Murcia (1985–1993)
• CB Murcia Artel (1997–1998)
• Recreativos Orenes CB Murcia (1998−1999)
• Etosa Murcia (2000−2003)
• Polaris World Murcia (2003−2008)
• UCAM Murcia (2011–presente)

UCAM Murcia 2022−2023
Xogadores	Adestradores
Pos. # Nac. Nome Altura Peso Procedencia 3.0 !A 0 ! Trice, Travis 1,83 m (6 ft 0 in) 80 kg (176 lb) Śląsk Wrocław (2022) 2.0 !E 1 ! Davis, Jordan 1,88 m (6 ft 2 in) 84 kg (185 lb) Hapoel Tel Aviv (2020) 1.0 !B 3 ! Klavžar, Urban 1,86 m (6 ft 1 in) 80 kg (176 lb) Real Madrid Junior (2022) 4.0 !AP 4 ! Luther, Ryan 2,06 m (6 ft 9 in) 102 kg (225 lb) Gaziantep Basketbol (2022) 1.0 !B 7 ! Bellas, Tomás 1,85 m (6 ft 1 in) 90 kg (198 lb) Baloncesto Fuenlabrada (2020) 4.0 !AP 11 ! Radović, Nemanja 2,08 m (6 ft 10 in) 95 kg (209 lb) Casademont Zaragoza (2020) 2.0 !E 12 ! McFadden, Thad 1,88 m (6 ft 2 in) 82 kg (181 lb) San Pablo Burgos (2021) 5.0 !P 14 ! Pustovyi, Artem 2,19 m (7 ft 2 in) 98 kg (216 lb) Gran Canaria (2022) 5.0 !P 18 ! Sakho, Jordan 2,07 m (6 ft 9 in) 105 kg (231 lb) Río Breogán (2022) 5.0 !P 21 ! Diop, Ilimane 2,07 m (6 ft 9 in) 110 kg (243 lb) Gran Canaria (2022) 3.0 !A 23 ! Anderson, James 1,98 m (6 ft 6 in) 98 kg (216 lb) Anadolu Efes (2022) 3.0 !A 25 ! Jelínek, David 1,94 m (6 ft 4 in) 91 kg (201 lb) MoraBanc Andorra (2022) 3.0 !A 27 ! Rojas, Sadiel 1,98 m (6 ft 6 in) 86 kg (190 lb) Fort Wayne Mad Ants (2014)	Adestrador Sito Alonso Asistente(s) Lucas Pérez Blagota Sekulić Lenda (C) Capitán Lesionado Cadro Actualizado: 01−10−2022

A seguinte é unha lista dos adestradores do UCAM Murcia desde a súa fundación.

LEB Oro

• Campións (3): 1998, 2003, 2011
• Subcampións (1): 2006

Copa Príncipe

• Campións (1): 2006
• Subcampións (1): 2011

• Páxina web oficial do UCAM Murcia
• Perfil do UCAM Murcia en acb.com