tender

• Etimoloxía: do latín tendĕre.

• Pronuncia: /tɛn.'dɛr/ (AFI)

tender

1. Estender, estirar ou despregar o que está engurrado ou amontoado.
   • Exemplo: Segou e tendeu a herba ao sol. Os mariñeiros tenderon de noite o xeito para apañaren as sardiñas.
     
     
2. Colgar nunha corda roupa mollada, ou estendela no chan para que seque.
   • Exemplo: Tendín a roupa no prado á beira do río onde a lavei. Non puiden tender a roupa no patio porque ameazaba chuvia
     
     .
3. Colocar unha persoa ou un animal sobre unha superficie horizontal.
   • Exemplo: Tenderon a rapaza desmaiada na cama e intentaron reanimala. Tendemos o porco no banco para a mata
     
     .
4. Colocar ou construír algo apoiándoo en dous ou máis puntos.
   • Exemplo: Tender unha corda para secar a roupa. Tenderon unha nova ponte no río
     
     .
5. Colocar unha trampa ou un artificio contra alguén.
   • Exemplo: Na comarca hai moitos xabarís e tivemos que tender trampas para protexer a leira do millo. Tendéronlle unha emboscada
     
     .

1. Na 1ª acepción son sinónimos espallar, esparexer e estender.

tender

1. Dirixirse de maneira natural cara a algo.
   • Exemplo: As temperaturas tenden a subir
     
     .
2. Dito dunha persoa ou dunha cousa, ter unha tendencia, calidade, característica, disposición ou inlinación non ben definida, ou a moverse ou evolucionar nunha determinada dirección ou maneira.
   • Exemplo: A situación tende a empeorar. É un home que tende a deprimirse moi facilmente
     
     .
3. Ter algo unha característica ou calidade pouco definida.
   • Exemplo: Esa saia tende a marrón.
     
     
4. (Matemáticas) Aproximarse unha variábel ou unha función a un valor determinado sen chegar nunca a alcanzalo.
   • Exemplo: No cálculo diferencial a pendente dunha recta tanxente a unha curva pódese encontrar por medio da pendente dunha recta que pasa por dous puntos cuxa distancia entre si tende a cero.
     
     

1. Na 3ª acepción é sinónimo tirar.

tenderse

1. Colocarse unha persoa ou un amimal sobre unha superficie horizontal.
   • Exemplo: O gato tendeuse na solaina á raioliña. Tendeuse na cama e quedou durmida
     
     .