Union Europeane
| |
|
La Union Europeane (UE in curt) e je une organizazion sorenazionâl che al dì di vuê e cjape dentri 28 stâts. L'an de nassude de Union al è il 1992, cuant che al fo fat bon il Tratât di Maastricht, che al cjape il non de citât olandese dulà che al è stât firmât. Prime di cheste date a si cjatin putropis organizazions, come la Comunitât Europeane e prime ancjemò la Comunitât Economiche Europeane, nassude uficialmentri ai 1 di Zenâr 1958.
Lis ativitâts de Union Europeane a cuvierzin dutis lis areis, de salût ae protezion dal ambient, de difese ae economie, ma lis sôs competencis a gambiin une vore: par esempli pe agriculture, la Union e à une politiche comun, ma par la difese spes lis opinions dai stâts a son diviersis e chest al causione problemis.
Istituzions
[cambie | modifiche il codiç]La Union e à une vore di istituzions:
- il Parlament European, cun 732 membris;
- il Concili de Union Europeane (o Concili dai ministris), 25 membris;
- la Comission Europeane, 25 membris;
- la Cort di Justizie, 25 membris;
- la Cort dai Conts, 25 membris.dullio
A chestis a van zontadis chês economichis, come la Bancje Centrâl Europeane, e lis agjenziis che a àn di puartâ indevant politichis par setôrs specifics.
-
Il parlament european a Strasburc
-
L'Eurotower a Francfurt
-
Sît de commission europeane a Bruxelles
Paîs membris
[cambie | modifiche il codiç]La Union Europeane e à 28 paîs membris, une superficie di 4.326.253 km² e cirche 495 milions di citadins tal 2006. Se e fos un stât unic, al sarès il setim par dimension e il tierç daûr a Indie e Cine pe popolazion.
Dai sîs paîs dal inizi, par mieç di putrops slargjaments si è rivâts a 28 paîs membris.
| An | Stât |
|---|---|
| 1952 | Belgjiche, France, Gjermanie Ocidentâl, Italie, Lussemburc, Paîs Bas (membris fondadôrs) |
| 1973 | Danimarcje, Irlande, Ream Unît |
| 1981 | Grecie |
| 1986 | Portugal, Spagne |
| 1990 | Gjermanie Orientâl, cu la riunificazion |
| 1995 | Austrie, Finlande, Svezie |
| 2004 | Cipri, Republiche Ceche, Estonie, Ongjarie, Letonie, Lituanie, Malte, Polonie, Slovachie, Slovenie |
| 2007 | Bulgarie, Romanie |
| 2013 | Cravuazie |
Notis:
- La Groenlande e à lassât la Union tal 1985, decision cjapade cuntun referendum.
- Il Ream Unît al à lassât la Union tal 2020, decision cjapade cuntun referendum clamât Brexit .
Membris futûrs e altris paîs
[cambie | modifiche il codiç]- La Macedonie dal Nort e la Turchie a son candidâts uficiâls a deventâ membris
- Islande, Norvegje e Svuizare no son membris ma a àn speciâi tratâts cu la Union.
Lenghis
[cambie | modifiche il codiç]
|
Par aprofondî l'argoment viôt la vôs Lenghis de Union Europeane. |
Inte Union Europeane a esistin 23 lenghis uficiâls, e ducj i documents presentâts dai citadins aes istituzions Europeanis a puedin jessi scrits in une des lenghis uficiâls. Inte Comission Europeane, purpûr, dome 3 (inglês, francês e todesc) a son dopradis come lenghis di lavôr.
Leams esternis
[cambie | modifiche il codiç]
|
Stâts membris de Union Europeane |
|
|---|
