Hoyus

Hoyus
Hoyus
	Entidad subnacional
	;
	; Escudo;
	; Ubicación de Hoyus
Coordenadas	40°10′09″N 6°43′17″O / 40.169166666667, -6.7213888888889
Capital	Hoyos
Entidad	Monicipiu d'España
• País	España
Superficii
• Total	15 km²
Altol
• Media	400 m s. n. m.
Puebración (2023)
• Total	851 hab.
• Densidá	56,73 hab/km²
Gentilíciu	Soyanu
Huso horario	UTC+01:00
Código postal	10850
	Sitio web oficial
	[editar datos en Wikidata]

La Villa de Hoyus, IPA [ˈbiʎae ˈɦɔʑʊ^h], es un monicípiu el norti la província de Caçris, ena Comuniá Autónoma d'Estremaura (España). Arraya al norti con Treveju i Acebu, al sul con Moraleja i Cillerus, al esti con Peralis del Puertu, i al oesti con Cillerus. Preteneci a la Comarca Sierra Gata (es la su capital almenistrativa).

Comélciu

Nesta localiá tien la su sé el Conseju Regulaol la Denominación d'Origin el azeiti “Gata Hurdes”. Es sé la Mancomuniá Monicípius Sierra Gata, que cuenta con: Oficina Comarcal d'Urbanismu, Oficina ARI, Oficina Comarcal la Vivienda, Selvíciu Social de Basi, Parqui Maquinária, Selvícius d'Arrecogia resíduus sólius, Monitoris Deportivus, Pograma família i esclusión social. Amás, tamién es sé d'ADISGATA con un Centru Desarrollu Rural.

El monicípiu holma parti la zona produción tres produtus que destacan pola su caliá: el jamón, l'azetuna mesa (Mançanilla Cacereña) i el azeiti oliva vilgin estra.

Monumentus

La Elésia Parroquial, la Mtra. Sra. el Güen Varón (sigrus XV i XVI), d'origin romanu, que conselva una portá duna eificación anteriol. Destacan unas puertas góticas i nel enteriol emburaca una talla la Vilgin i un retabru barrocu el sigru XIII.

Dessisti tamién un conventu franciscanu, Conventu el Espíritu Santu, ogañu platicamenti barrumbau. Es de la segunda metá el sigru XVI, inque terminassi definitivamenti en 1641, fecha que fegura sobri el Blasón Pablo Pérez.

Artesania

Destacan los trebajus en maera, encaji bolillus proceenti d'Acebu i ganchillu.

Fiestas

Las fiestas grandis Hoyus son:

San Linu: tien lugal el 23 de Setiembri. Se has una furriona ena praça i ativiais curturalis pa zagalis i mayoris.
San Lorençu: la mas emportanti, cuyu dia grandi es el 10 d'Agostu. Tola semana preceenti las peñas consuman tol trebaju anual nel espaceamientu general. Tolas nochis ai verbena i la genti desfruta sanamenti.

Eportis

Cabi destacal el torneu fubu, que tien lugal la primel quinzena Agostu en onol a San Lorençu.

Referencias

↑ Worldpostalcodes.org, código postal n.º 10850.

Atijus p'ahuera

En Commons ai conteníu multimedia sobre Hoyus.
Página el Ayuntamientu Hoyus
Hoyus vistu dende satéliti

[1] Worldpostalcodes.org, código postal n.º 10850.

[1]