Angela's Ashes (filma)

Angela's Ashes (filma)
Jatorria
Argitaratze-data	1999
Izenburua	Angela's Ashes
Jatorrizko hizkuntza	ingelesa
Jatorrizko herrialdea	Ameriketako Estatu Batuak, Irlandako Errepublika eta Erresuma Batua
Banatze bidea	eskatu ahalako bideo
Ezaugarriak
Genero artistikoa	film dramatikoa, Film biografikoa eta lan literario batean oinarritutako filma
Iraupena	145 minutu
Kolorea	koloretakoa
Deskribapena
Oinarritua	Angela's Ashes
Zuzendaritza eta gidoia
Zuzendaria(k)	Alan Parker
Gidoigilea(k)	Laura Jones Alan Parker
Antzezlea(k)
Emily Watson Robert Carlyle Michael Legge Devon Murray Kerry Condon Alan Parker Pauline McLynn Ronnie Masterson Shane Smith Susan FitzGerald Tim O'Brien Laurence Kinlan Eileen Colgan J. J. Murphy Martin Benson Phelim Drew Stephen Marcus Birdy Sweeney Brendan O'Carroll (en) Eamonn Owens (en) Eileen Pollock Jon Kenny Gerard McSorley Shay Gorman Moira Deady Brendan Cauldwell Liam Carney Pat McGrath (en) [[Kategoria:Brendan O'Carroll (en) antzeztutako filmak]] [[Kategoria:Eamonn Owens (en) antzeztutako filmak]] [[Kategoria:Pat McGrath (en) antzeztutako filmak]]
Ekoizpena
Ekoizlea	David Brown Scott Rudin Alan Parker
Konpainia ekoizlea	Scott Rudin Productions (en) David Brown Productions Dirty Hands Productios (en) [[Kategoria:Scott Rudin Productions (en) ekoitzitako filmak]] [[Kategoria:Dirty Hands Productios (en) ekoitzitako filmak]]
Ekoizle eragilea	Eric Steel (en) Adam Schroeder (en)
Edizioa	Gerry Hambling (en)
Bestelako lanak
Musikagilea	John Williams
Argazki-zuzendaria	Michael Seresin Chris Connier
Fikzioa
Kontakizunaren tokia	New York
Historia
Jasotako sariak	Irish Film & Television Award for Best Feature Film (en) Las Vegas Film Critics Society Award for Best Score (en) Irish Film and Television Award for Best Craft Achievement - Film (en)
Nominazioak	Golden Globe Award for Best Original Score (en) Q21040543 Irish Film & Television Award for Best Actress in a Lead Role – Film (en) BAFTA Award for Best Actress in a Leading Role (en) Jatorrizko soinu banda onenaren Oscar Saria 72. Oscar Sariak John Williams

Angela's Ashes (euskaraz Angelaren errautsak) 1999. urteko Alan Parker ingeles zinema zuzendariaren drama filma bat da. Berez, filma hau izen bereko Frank McCourt idazleak bere familiari buruzko Angela's Ashes eleberriaren zinemarako egokitzapena da.

Gaia eta istorioari dagokionez 2000an Stephen Frearsek zuzendutako Liam filmarekin antzekotasun handia du.

1935. urtea Limerick hiria. McCourt familia aurretik Estatu Batuetan bizitu eta orain Irlandara itzuli den irlandar familia bat da, ohitura legez burutu ohi den emigrazio bidaia atzekoz aurrera eginez. Malachy McCourt (Robert Carlyle) aita alkoholikoa da, gainera jaiotzez Ipar Irlandakoa denez, maiz bere iparraldeko ahoskera Limerickeko jendearentzat oso barregarria da, aldiz bere emaztea den Angela (Emily Watson), jaiotzez Limerick hirikoa, emakume langilea eta beti bere semeen eta familiaren arduraren pisua darama. Zoritxarrez familia Limerick hirira itzuli eta zazpi astetara Angela haurdun zegoelarik esperoan zegoen alaba hil berri zaio. McCourt familiak, garai hartako Irlandako familia asko bezala estualdi ekonomiko larrian bizi da, urez beteriko etxe alokatu batean, aitak lana aurkitu ezinik, eta aurkitzean bere mozkorraldien ondorioz segituan galduaz, bere zaletasun handiena tabernatara joan eta irabazitako diru eskasa edanean xahutzea da, halere berez bihotz oneko gizona da, ez da bere semeekin aita txarra, bere semeei antzinako irlandar mitologia eta Ulstergo Cúchulainn heroiari buruzko kondairak azaldu eta irlandar abesti abertzaleak abestuz gozatu ohi du. Aldiz, Angela emaztea hankak lurrean dituen emakumea da, bere neke guztia familiak aurrera nola edo hala egitean datza, sarritan senarrarek agertzen duen ameskeri eta alferkeriak nazkatu eta berarekin sarri eztabaidatu ohi du. Familiako kideak nondik edo handik aurrera jarraitzen saiatzen dira. Hau da McCourt familia eta Limerick hiriko eguneroko bizimodu latza.

Frank eta Malachy semeak giro honetako lekukoak izango dira. Filman sarritan jende helduak Frank begirada bitxia duen haurra dela diote, bere aitaren antzeko aurpegia duela, aldiz Malachy ilegorria haur moñoñoa dela eta Hollywoodeko aktorea dirudiela diote.

• Emily Watson, Angela McCourt ama
• Robert Carlyle, Malachy McCourt aita
• Devon Murray, Malachy semea
• Joe Breen, Frank semea (haurra denean)
• Ciaran Owens, Frank semea (nerabea denean)
• Michael Legge, Frank semea (heldua denean)
• Kerry Condon, Theresa Carmondy
• Ronnie Masterson, Sheehan amona
• Pauline McLynn, Aggie izeba
• Liam Carney, Pa Keating osaba
• Eanna MacLiam, Pat osaba
• Susan Fitzgerald, Rita aizpa
• Eamonn Owens, Kuasimodo, Frank eta Malachyren haurtzaroko laguna
• Martin Benson, anai kristaua
• Andrew Bennett, narratzailea (ahotsa)
• Alan Parker (kameoa), Campbell doktorea

• Angela's Ashes: Frank McCourt idazlearen eleberria.
• Limerick
• Liam (2000)

• Angela's Ashes filmaren IMDBko fitxa ikusgai (Ingelesez)
• Angela's Ashes filmaren trailerra edo aurreiragarkia ikusgai (Ingelesez)