Coxcomb (Florence Nightingale)

Coxcomb izeneko diagrama Florence Nightingalek, erizaintzaren aitzindaritzat jotzen denak, 1859 urtean argitaratu zuen datu-diagramari emandako izena da, lehen aldiz eratutako azalera polarreko diagramatzat jotzen dena eta datuen irudikapenaren historian mugarri garrantzitsutzat jotzen dena. Diagraman 1854ko apiriletik 1856ko martxora bitartean Britainiar Armadaren baitan Krimeako Gerran izandako heriotzen bilakaera eta horien kausak agertzen ditu, hiru sailetan banaturik: infekzio-gaixotasunak, zauriak eta bestelako kausak. Diagraman infekzio-gaixotasunen pisu nabarmena azalerazten da, gerrak eragindako kausen gainetik. Horren bitartez, gerran higienearen eta osasun-arreta zorrotzaren beharra nabarmendu nahi zuen, infekzioek eragindako heriotzak murrizteko. Diagramak Diagram of the causes of mortality in the East (euskaraz, Ekialdeko hilkortasunaren kausen diagrama) izenburua darama eta A contribution to the sanitary history of the British army during the late war with Russia liburuskan (euskaraz, Britainiar Armadaren osasun-historiari ekarpena Errusiaren aurkako azken gerran) agertzen da.

Azalera polarreko lehen diagramatzat jotzen bada ere, frogatu da diagramako sektoreko azalerak ez baizik eta horien luzerak direla datuak irudikatzen dituztenak. Horrela, heriotzetan infezkio-gaixotasunek duten pisua artifizialki nabarmentzen da, luzeratik azalerara efektu bisuala askoz ere handiagoa baita.

Hilabetea	Soldadu kopurua	Heriotzak			Heriotza-tasak (milako)
		Infekzio-gaixotasunak	Zauriak	Beste kausak	Infekzio-gaixotasunak	Zauriak	Beste kausak
Apirila 1854	8571	1	0	5	1.4	0	7.0
Maiatza 1854	23333	12	0	9	6.2	0	4.6
Ekaina 1854	28333	11	0	6	4.7	0	2.5
Uztaila 1854	28722	359	0	23	150.0	0	9.6
Abuztua 1854	30246	828	1	30	328.5	0.4	11.9
Iraila 1854	30290	788	81	70	312.2	32.1	27.7
Urria 1854	30643	503	132	128	197.0	51.7	50.1
Azaroa 1854	29736	844	287	106	340.6	115.8	42.8
Abendua 1854	32779	1725	114	131	631.5	41.7	48.0
Urtarrila 1855	32393	2761	83	324	1022.8	30.7	120.0
Otsaila 1855	30919	2120	42	361	822.8	16.3	140.1
Martxoa 1855	30107	1205	32	172	480.3	12.8	68.6
Apirila 1855	32252	477	48	57	177.5	17.9	21.2
Maiatza 1855	35473	508	49	37	171.8	16.6	12.5
Ekaina 1855	38863	802	209	31	247.6	64.5	9.6
Uztaila 1855	42647	382	134	33	107.5	37.7	9.3
Abuztua 1855	44614	483	164	25	129.9	44.1	6.7
Iraila 1855	47751	189	276	20	47.5	69.4	5.0
Urria 1855	46852	128	53	18	32.8	13.6	4.6
Azaroa 1855	37853	178	33	32	56.4	10.5	10.1
Abendua 1855	43217	91	18	28	25.3	5.0	7.8
Urtarrila 1856	44212	42	2	48	11.4	0.5	13.0
Otsaila 1856	43485	24	0	19	6.6	0	5.2
Martxoa 1856	46140	15	0	35	3.9	0	9.1