Worb

Worb estas komunumo de la aglomeraĵo de la federacia urbo Berno. Ĝi situas sudoriente de Berno en la tiel nomita valo Worbletal ĉe la bordo de la rivereto Worble iomete flanke de la ĉefaj trafikvojoj. Al la urbo Worb apartenas krom Worb mem la lokoj Enggistein, Richigen, Ried, Rüfenacht, Vielbringen, Wattenwil kaj Bangerten.

Worb limas en oriento al Walkringen, Biglen kaj Schlosswil, en sudo al Trimstein kaj Rubigen, en okcidento al Allmendingen ĉe Berno kaj Muri ĉe Berno kaj en nordo al Vechigen.

 

En Worb situas kapa stacio de la unumetra ŝpurreto de la fervojkompanio Regionalverkehr Bern-Solothurn. De Worb estas linio al Gümligen kaj Berno kaj alia linio Ittigen. Iomete ekster la urbocentro situas ankaŭ la stacidomo Worb SBB de la Svisaj Federaciaj Fervojoj de la linio de Langaŭ en Emme-Valo al Berno. Ek de decembro 2004 tiu-ĉi linio estas servata de la Berno-Lötschberg-Sempion-Fervojo per la regiontrajnlinio S2.

La vidindaĵo de la urbo estas la Kastelo Worb, kiu estis konstruita por la Baronoj de Worb.

En Worb estis trovitaj vilao kaj tombejkampo el romia epoko. En mezepoko Worb fariĝis baronejo, tio estis speco de nobela regejo, kvazaŭ ŝtato interne de la ŝtato de Berno. Ĉirkaŭ la jaro 1100 la baronejo estis posedaĵo de la nobela familio de Worwo, kiuj tiel menciiĝis unuan fojon en la jaro 1130. Sekvis la Baronoj von Kien, la familioj Diessbach, Graffenried kaj von Sinner. Al la baronejo apartenis la lokoj Worb vilaĝo, Richigen, Ried, Enggistein, Wattenwil, Vielbringen kaj Rüfenacht kaj poste ankaŭ Bangerten. La baronoj disponis pri la terena suvereneco kaj la malsupera kaj meza jurisdikcio kaj la ekleziimpoŝtoj, ĉi en la jaro 1798 la Helveta Revolucio forbalais la malnovan reĝimon kun helpo de la francaj trupoj.

• Worben
• Worb Dorf (stacidomo)
• Worb SBB (stacidomo)
• Worbboden (stacidomo)
• Tramtransporto en Berno

• Oficiala retejo de la urbo Worb
• Retejo pri la baronejo kaj komunumo Worb