Muri ĉe Berno

Muri ĉe Berno situas en la Svisa Mezlando sudoriente de la federacia urbo Berno ĉe la orienta bordo de la rivero Aro. La urbo konsistas el la du proksimume samgrandaj partoj Muri kaj Gümligen.

La areo de la komunumo estas 7,60 km², de kiuj 1,50 km² estas kovritaj de arbaro, 1,9 km² konsistas el agroj kaj herbejoj kaj 3,39 km² troviĝas en la konstruebla zono. La plej alta punkto de la komunumo situas sur alteco de 727 m s.m. sur la monteto Dentenberg, la plej malalta ĉe la bordo de la rivero Aro sur 508 m s.m..

La komunumo limas en nordo al Ostermundigen, Stettlen kaj Vechigen, en oriento al Worb kaj Allmendingen ĉe Berno, en sudo al Belp kaj Kehrsatz, kaj en okcidento al Köniz kaj Berna.

Muri ĉe Berno estas ligita kun tramlinio G de la trafikentrepreno Regionalverkehr Bern-Solothurn kaj kun la tramlinio nr-o 3 al Saali kun la tramreto de la urbo Berno. La stacidomo de Gümligen situas ĉe la trajnlinio de Berno al Thun kaj estas servata de regionaj trajnoj de la Berno-Lötschberg-Sempion-Fervojo.

Tra Muri pasas la nacia aŭtoŝoseo A6 al, kiu la urbo havas tri alirojn. Sudokcidente en la najbara komunumo Belp situas la internacia Flughaveno de Berno.

La unua dokumenta mencio de Muri ĉe Berno datiĝas el la jaro 1180 kiel Mure. Diversaj trovaĵoj el neolitiko kaj bronzepoko pruvas, ke Muri ĉe Berno estis jam loĝita en prahistoria tempo. Proksime de la preĝejo kaj kastelo oni malkovris la fundamentojn de romia vilao.

• Ludwig Ferdinand Schmid, komercisto kaj poeto

• Aliaj lokoj kun la nomo Muri
• Gümligen (stacidomo)

• Oficiala retejo de la urbo Muri ĉe Berno
• Muri ĉe Berno en la Historia Leksikono de Svislando