Dolný Bar

Dolný Bar, hungare Albár estas vilaĝo en Slovakio en regiono Trnava, en distrikto Dunajská Streda. La nomo signifas suba Bar.

• Areo: 8 km2
• Loĝantaro: 580
• Alto super marnivelo: 114 m

la vilaĝo situas sur ebenaĵo, laŭ ĉefvojo kaj fervojo Komarno-Bratislavo. La plej proksima urbo estas Dunajská Streda 5 km-ojn for. La distrikto troviĝas inter Danubobranĉoj.

La vilaĝo detruiĝis dum la invado de tataroj en 1241. La unua mencio pri la vilaĝo devenis el 1245. Dum la historio estis 2 vilaĝoj supra kaj suba Bar, kiuj unuiĝis. En 1910 loĝis en la vilaĝo 475 da hungaroj. Ĝis 1919 ĝi apartenis al Pozsony (reĝa departemento), al distrikto de Dunaszerdahely, poste al Ĉeĥoslovakio. Inter 1938-1945 la vilaĝo rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš.

• katolika klasikisma preĝejo de 1790, en 1870 rekonstruita
• skulptaĵo de Maria de 1875