Valentina Tereŝkova

Valentina Tereŝkova
Persona informo
Валентина Владимировна Терешкова
Naskonomo	Валентина Владимировна Терешкова
Naskiĝo	6-an de marto 1937 (1937-03-06) (87-jaraĝa) en Bolshoye Maslennikovo
Lingvoj	rusa vd
Ŝtataneco	Sovetunio Rusio vd
Alma mater	inĝeniera aerarmea akademio Ĵukovski (–1969) vd
Partio	Unueca Rusio (2008–) Rusa Partio de Vivo (2003–2008) Nia Hejmo — Rusio (1995–2003) Komunista Partio de Sovetunio (1960–1991) vd
Subskribo
Familio
Edz(in)o	Andrijan Nikolajev (1963–1982) Yuliy Shaposhnikov (en) (–1999) vd
Infanoj	1
Profesio
Alia nomo	Чайка • Valentina vd
Okupo	kosmonaŭto piloto universitata instruisto inĝeniero politikisto militisto membro de la ŝtata Dumao vd
Laborkampo	Politikisto kaj kosmonaŭtiko vd
Aktiva en	Moskvo vd
Postenoj Postenoj membro de la ŝtata Dumao (2011–) people's deputy of union of socialist soviet republics (en) (1989–1991) member of the Presidium of the Supreme Soviet of the USSR (en) (1974–1989) ano de Supera Soveto de Sovetunio (1966–1989) vd
Honorigoj Honorigoj (16-a de junio 2023)  Order of Gagarin (en) ../... 61+ vd
Membrecoj Membrecoj Monda Konsilio de Paco (1966–) Centra Komitato de Komunista Partio de Sovetunio 6th State Duma of the Russian Federation (en) 7th State Duma of the Russian Federation (en) 8th State Duma of the Russian Federation (en) vd
vd	Fonto: Vikidatumoj
v • d • r

Valentina Vladimirovna TEREŜKOVA (ruse Валентина Владимировна Терешкова) (naskiĝis la 6-an de marto 1937 en Maslennikovo, Jaroslavla provinco, Rusio) estas rusa kosmonaŭta inĝeniero, la unua kosmonaŭtino. Ŝi ĉirkaŭflugis la Teron 48 fojojn en la kosmoŝipo Vostok-6 en 1963.^[1] Dum 19 jaroj ŝi restis la sola kosmonaŭtino en la mondo.^[2][3]

Ŝia patro estis traktoristo - mortinta en la dua mondmilito-, ŝia patrino teksaĵ-fabrika laboristino. Ŝi frue ĉesis viziton de la mezlernejo por labori en pneŭa fabriko kaj teksaĵfabriko, do ŝi plu daŭrigis la lernadon en vespera lernejo apud la laboro. Ŝi iĝis teknikistino en 1960. En la libertempo ŝi paraŝutis, unuafoje la 21-an de majo 1959. Ŝi entute paraŝutis 125-foje. Tiuj spertoj helpis ŝian elekton al kosmoflugado en 1963. Ŝi ne tre bone eltenis la kosmoflugadon pro fizikaj kaj pŝiĥaj problemoj. Pro tiuj spertoj la sekva kosmonaŭtino sekvis ŝian flugo nur en 19 jaroj.

Dum la jaroj 1963–1965 ŝia familia nomo estis Nikolajeva, ĉar ŝi estis la edzino de la kosmonaŭto Andrian Nikolajev. Ili geedziĝis en ĉeesto de Hruŝĉov. Ili havis unu filinon, Jelena. La gepatroj divorcis en 1982. Ŝi geedziĝis poste kun ortopediisto Julij Ŝapoŝnikov, kiu mortis en 1999.

De 1969 ĝis 1991 ŝi estis membro de la Centra Komitato de KPSU, ekde 1968 ŝi estis prezidanto de la Soveta Virina Asocio. Ŝi pensiuliĝis laŭ dekreto en 1997.

Ŝi estis de 1994 ĝis 2004 gvidanto de „Rusa Centro por la internacia kultura kaj scienca kunlaboro“.

Ŝi estas sola virina generalmajoro ĉe la Rusaj Aerarmeaj Fortoj.

Kiel hobio, ŝi bredas azian kolombospecon, la t.n. buĥaraj tamburaj kolomboj, kiu alportis internacian famon tiukampe.

Ŝi estas elektita parlamentano ekde 2011, reprezentanto de Unueca Rusio, de Jaroslavla provinco.

Sian kosman flugadon (unuan en mondo flugadon de kosmonaŭtino) ŝi faris en 16-a de junio 1963 en la kosmoŝipo Vostok-6 (ruse «Восток-6») kaj ĝi daŭris preskaŭ tri tagnoktojn. Samtempe sur orbito troviĝis kosmoŝipo Vostok-5 (ruse «Восток-5»), pilotita de kosmonaŭto Valerij Bikovskij (ruse «Валерий Быковский»).

Alnomo de Tereŝkova provizore flugado — «Mevino» (ruse);
Frazo, kiun ŝi elparolas antaŭ starto: "He! Aero, demetu ĉapelon!" (ruse)