Sweet November - Dolce novembre
|
C'l artìcul chè 'l è scrit in
Miranduléś |
 Sweet November
| ||
| Sweet November - Dolce novembre | ||
 Keanu Reeves in na figùra dal film | ||
| Nuvémbar dōls 2001 | ||
|---|---|---|
| Regìa: Pat O'Connor | ||
| Scritōr: William Shakespeare • Gus Van Sant | ||
| Atōr: Keanu Reeves • Charlize Theron • Liam Aiken Jason Isaacs • Greg Germann • Frank Langella Robert Joy • Lauren Graham • Michael Rosenbaum | ||
| Müsica: Christopher Young | ||
| Léngua: Ingléś | ||
| Dürä dal film: 115 minüt | ||
| Nasiōṅ: Stat Unî | ||
Sweet November - Dolce novembre (Nuvémbar dōls) 'l è 'n film dramàtic e rumàntic americàṅ dal 2001 ad Pat O'Connor, arfacimènt dal film Dolce novembre dal 1968.
Al film, ch'l à fat sù da piò ad ssanta-sinc migliòṅ ad dòlar esénd-an custâ quarànta, 'l è stâ numinâ a i Razzie Awards dal 2001 par gl'atōr più lòfi (Keanu Reeves e la Charlize Theron) e par l' arfacimènt più brut.
Sunt
Nelson Moss (Keanu Reeves) 'l è 'n śōv'n e in gamba agînt publisitàri ch'al pénsa sōl a la caréra e a i bèsi anc s'al gh'à na muróśa, l’Angelica (Lauren Graham). Un dè, méntar 'l éra drē a 'rnuvàr la patènt, al cgnós la Sara Deever (Charlize Theron) ch'la capìs subìt che lò al gh'à biśógn 'd ajùt parchè vōd in dl'anma. Alóra la decìd 'd andàr sóta a cà sua par far-as dar 'n pasàǵ in màchina tant par rómp'r al giàs. Quànd chi lò al la para via, lē la férma qvéi dal sò cundumìni dgénd-ag 'd èsar la sò amànta e Nelson 'l è custrét a 'rbasàr al braghi purtànd-la a Oakland. Rivàda a destinasiòṅ, la ragàsa la pòrta via dū cagnulèṅ ch'i gh'ìvan 'd èsar druâ par di esperimènt, pò al śibìs a Moss 'd andàr a star sèg, ma sōl p'r al méś ad Nuvémbar. Cardénd-la na sangvétula e basta, Nelson al gh diś ad nò ma pò a sucéd ch'al pèrd al lavōr e che la sò muróśa la 'l mòla e a finìs acsè ch'al và da lē, ma sōl par pôc dè e sōl parchè lē la và sèmp'r adrē.
Stand insém, la Sara la gh inséggna i valōr e l'impurtànsa dla vita e minga di quèi ch'a gh piàś a lò cuma telefunèṅ, televiśōr, vistî e màchini. Quànd Nelson al s inamóra dabòṅ e al gh śibìs ad spuśàr-la, la dócia ślada: la ragàsa la gh'à 'l càncar, al linfòma 'd Hodgkin, e a n gh'è spransa.