An Alre

an Alre
Porzh Sant-Sten.
Anv gallek (ofisiel)	Auray
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	an Alre (pennlec'h)
Kod kumun	56007
Kod post	56400
Maer Amzer gefridi	Claire Masson 2020-2026
Etrekumuniezh	An Alre Kiberen Douar Atlantel
Bro velestradurel	Bro an Alre
Lec'hienn Web	(fr)www.auray.fr
Poblañsouriezh
Poblañs	14 155 ann. (2020)[1]
Stankter	2 048 ann./km²
Douaroniezh
Daveennoù lec'hiañ	47° 40′ 07″ Norzh 2° 58′ 53″ Kornôg / 47.668612, -2.981389
Uhelderioù	bihanañ 0 m — brasañ 37 m
Gorread	6,91 km²
an Alre
kemmañ

An Alre zo ur gumun e Bro-Gwened, e Breizh, e departamant ar Mor-Bihan.

Emañ an Alre e penn un aber, Stêr an Alre, e-lec'h m'en em vesk dourioù al Loc'h gant dour sall ar mor. Bevennet eo gant Brec'h er gwalarn, Plunered er reter, ha Krac'h er mervent. Porzh Sant-Sten a oa ur porzh peskaeterien ha kenwerzh gwechall, ul lodenn eus An Alre eo bremañ, war ribl reter ar stêr.

Alrae, 1081 ; Alrae, 1099 ; Auray, 1129 ; Auraio, 1136 ; Auray, 1139 ; Alrae, 1139 ; Alraycum, 1187 ; Alraium, 1208 ; Elrayo, 1233 ; Elraii, 1241 ; Olraium, 1278 ; Elrayo, 1279 ; Auray, 1282 ; Aureio, 1291 ; Elray, Auray, Aurey, 1371 ; Auroy, 1371 ; Tenoualray, 1437 ; Alraii, Alrayo, 1453 ; Alrayo, 1516 ; Aulray, 1561; Auray, Alray, Auroy, 1636.

Kozh

Gwezboellek (neuz all ː talbennanek) etre aour ha glazur. Tiegezh An Alre (D'Auray)[2].

Bremañ

En gul e erminig tremenant, gwakoliet en erminoù ; e gab gwriet en glazur e deir flourdilizenn en aour[3].

• Savet e voe ur voudenn feodel gant ar Vretoned er V^vet kantved. Ken abred ha 1082 e vez graet meneg eus « Castrum Alrea » e diellevr Kemperle. Diskaret e voe ar voudenn-se gant an Normaned. E 1201 e voe savet ur c'hastell dezhañ ramparzhioù en he lec'h gant Arzhur 1añ Breizh. Diskaret e voe e 1558 war urzh ar roue gall Herri IV.

• 
• 

• E 1364 e voe lakaet fin da vrezel hêrezh Breizh etre an tiegezhioù Moñforzh ha Bleiz gant Emgann an Alre. Lazhet e voe Charlez Bleiz eno ha tapet e voe Beltram Gwesklin da brizoniad. Savet e voe ul leandi gant Yann Moñforzh war lec'h an dachenn emgann.

• Trede porzh Breizh e oa an Alre e 1631 war-lerc'h Kemperle hag an Henbont.

• D'ar 4 a viz Kerzu 1776, e penn-kentañ Brezel dieubidigezh ar Stadoù Unanet, e tilestras Benjamin Franklin en Alre, deuet ma oa da c'houlenn sikour Frañs gant Loeiz XVI.

• D'an 9 Thermidor An III (Lun 27 Gouere 1795) e oa savet en Alre ul lez-varn-vrezel evit barn prizonidi tapet e-kerzh dilestradeg ar roueelourien e Kiberen. An darn vrasañ anezhe a voe kondaonet d'ar marv ha fuzuilhet, an ao. de Sombreuil, o jeneral, da gentañ. Digarget evoe al lez-varn-se d'ar 27 er memes miz (Gwener 14 Eost 1795) gant ar jeneral Lemoine hag a ginnigas kas ar brizonidi da Borzh-Loeiz kent bezañ forbannet.
• Melestradurezh : krouet e voe kumun an Alre e 1790^[4]. Gant al lezenn eus an 23 a viz Eost 1790 e voe lakaet an Alre da benn ur c'hanton, hini an Alre, ha da benn ur bann, Bann an Alre^[5], nav c'hanton ennañ : an Alre, Porzh-Lae, Kiberen, Landevant, Lokmaria-Kaer, Mendon, Pleñver, Pleuwigner ha Plunered. Gant Bonreizh Bloaz III (22 a viz Eost 1795) e voe lamet ar bannoù ha bodet e veze kuzulioù-kanton (ne chome tamm emrenerezh ebet gant kumunioù ar c'hanton)^[6]. Brasaet e voe Kanton an Alre e 1801 gant lezenn an 8 pluviôse an IX (28 a viz Genver 1801)^[7], dezhi an titl loi portant réduction du nombre de justices de paix. Lakaet e oa bet en Arondisamant an Oriant krouet e 1800.

• Tizhet eo an Alre gant an hent-houarn e 1862^[8].

• Mervel a reas 226 milour eus an Alre, eleze 3,17 % ag ar boblañs hervez an niveradeg bet graet e 1911, evit Bro-C'hall, 43 e 1914, 56 e 1915, 50 e 1916, 26 e 1917, 44 e 1918 ha 4 e 1919, goude arsav-brezel an 11 a viz Du 1918^[9].

• Fauchie, kentañ eil-maer ar gumun, a voe digarget d'an 28 a viz Kerzu 1941 evit bout bet savet a-enep d'ar gouarnamant^[10],
• d'ar 27 a viz Gouere 1944 e kouezhas un nijerez (Spitfire Vb marilhet AD470 ha kodet LA-?) eus aerlu ar Rouantelezh-Unanet (Royal Air Force) en Alre ; mervel a reas he nijour ha douaret e voe e Gwidel^[11].

• 
  Ar porzh-houarn.
• 
  Ar pont hent-houarn.

• War al linenn hent-houarn Landerne Savenneg emañ An Alre.

Niver a annezidi

• 
  An tour-iliz.
• 
  Diabarzh an iliz.
• 
  Delwenn Sant Weltaz
  en iliz.
• 
  Delwenn-led ar C'hrist
  en iliz.
• 
  Ograoù an iliz.

• Iliz katolik Sant Weltaz, 1636.

• 
  Diavaez.
• 
  Diabarzh.

• Iliz katolik Sant Sten.

• 
  Un ti kozh e kreiz-kêr.
• 
  Tiez kozh e kreiz-kêr.

• Tiez kozh prenn e kêr uhel.

• 
  Ar porzh.
• 
  Ar pont.

• Porzh kozh Sant-Sten, porzh eus ar Grennamzer ha kêr gozh gant e-leizh a dier-prenn kozh.
• Pont maen kozh a-us d'al Loc'h.

• 
• 
• 

• Maner-familh ha Mozoleon Kadoudal e Kerleano e-lec'h ma vez miret relegoù Jorj Kadoudal.

• Monumant ar re varv e Leurgêr ar Marichal Leclerc, luc’hskeudenn ha kartenn-bost^[12]. Dioueliet e voe d’an 11 a viz Du 1925^[13].
• Monumant ar re varv (1914-1918) en iliz katolik Sant Weltaz , luc’hskeudennoù^[14].
• Plakennoù ar re varv (1914-1918) en iliz katolik Sant Sten, luc’hskeudennoù^[15].

Tud bet ganet eno

• 1771 : Jorj Kadoudal, chouan.
• 1817 : Joseph-Marie Bourdy, troour brezhonek.
• 1857 : Arthur de Salins, jeneral ha penn-skout.
• 1914 : Pierre Cogan, marc'hhouarnour.
• 1957 : Roland Becker, soner.

Tud bet marvet eno

• Charlez Bleaz, bet lazhet en Emgann an Alre e 1364.
• Loeiz Herrieu, skrivagner brezhonek, d'an 22 a viz Mae 1953.
• Jean Markale, skrivagner, 1928-2008.
• Pierre Cogan, marc'hhouarnour, 1914-2013.

Ardamezeg ar familhoù

	Jean Aoustin Kabiten an Alre e 1396 (PPC).
	Geoffroi de Malestroit Kabiten an Alre, marvet dibennet e Pariz e 1344.

Deskadurezh

• Abaoe 1999 ez eus ur skol Diwan en Alre.
• E distro-skol 2023 e oa 163 skoliad enskrivet e Diwan hag er skolioù divyezhek (10,7 % eus skolidi ar gumun evit a sell ouzh ar c'hentañ derez)^[16]

Kelenn d'an oadourien

• Ouzhpenn ugent vloaz 'zo e vez graet war-dro ar brezhoneg (kentelioù noz, filajoù,...) gant Kerlenn Sten Kidna.

Ya d'ar brezhoneg

• D'ar 15 a viz Gwengolo 2015 e oa bet votet ar garta Ya d'ar brezhoneg gant kuzul-kêr ar gumun. Al live 1 oa bet roet d'ar gummun.

En em ouestlet he deus kêr An Alre en ul leviadurezh evit an diorren padus.

• Utting (Alamagn), e Bavaria
• Ussèl (Frañs), e Bro-Lemojez
• Caisleán an Bharraigh (Iwerzhon)

• 6 a viz Gouere 2008 : eil tennad-hent Tro Bro-C'hall etre an Alre ha Sant-Brieg ; trec'h eo Thor Hushovd ( Norvegia).

• (fr)Froger Michel & Pressensé Michel ː Armorial des communes du Morbihan. 1999. ISBN 2-908289-10-5
• (fr)de la Gournerie Eugène ː Les Débris de Quiberon. Souvenirs du désastre de 1795, suivi de la liste des victimes. Librairie catholique Libaros. Nantes. 1875. https://gallica.bnf.fr/ark:/12148/bpt6k204262x/f1.image
• (fr)Pol Potier de Courcy : Nobiliaire et armorial de Bretagne

• (fr) porzh Sant-Sten
• (fr) Lec'hienn ar gumun
• (br) Kerlenn Sten Kidna