Мванза
Горад
Мванза на карце Танзаніі   | ||||||||||||||||
Мванза (суахілі: і англ.: Mwanza) — горад на паўночным захадзе Танзаніі, порт на возеры Вікторыя, адміністрацыйны цэнтр аднайменнай вобласці. Насельніцтва (2012 г.) - 706 543 чал.
Геаграфія
[правіць | правіць зыходнік]Горад Мванза месціцца каля аднайменнага заліва на паўднёвым узбярэжжы возера Вікторыя за 515 км на паўночны захад ад Дадомы, сталіцы Танзаніі, і за 854 км на паўночны захад ад Дар-эс-Салама, найбуйнейшага горада краіны.
Клімат экватарыяльны вільготны. Сярэднегадавая тэмпература трымаецца каля 17,8° C — 28,8° C. Значныя перапады тэмпературы адзначаюцца на працягу сутак у начны і дзённы час. Сярэднегадавая колькасць ападкаў — 1001 мм.
Гісторыя
[правіць | правіць зыходнік]Горад Мванза быў заснаваны германскімі каланіяльнымі ўладамі ў 1892 г. на месцы, населеным народам сукума. Пасля I Сусветнай вайны перайшоў пад кантроль Вялікабрытаніі. У 1928 г. у раёне Мванзы былі адкрыты радовішчы золата, у сувязі з чым пачаўся хуткі рост горада, пракладзена лінія чыгункі. У 1949 г. для арганізацыі аховы здароўя жыхароў заснаваны спецыяльны навукова-даследчы Інстытут медыцынскіх даследаванняў Мванзы. У 1963 г. горад атрымаў статус адміністрацыйнага цэнтра. З 1964 г. у складзе незалежнай Танзаніі.
Эканоміка
[правіць | правіць зыходнік]Эканоміка Мванзы ў значнай ступені залежыць ад гандлю, абслугоўвання транспарту, у тым ліку порта на возеры Вікторыя і аэрапорта, перапрацоўкі прадуктаў сельскагаспадарчай вытворчасці. Развіваецца турызм.
