Крыж Свабоды

Крыж Свабоды
Vabadusrist
Арыгінальная назва	Vabadusrist
Краіна	Эстонія
Тып	Крыж
Дата заснавання	24 лютага 1919
Статус	не ўручаецца
Чарговасць узнагарод
Старэйшая	няма
Малодшая	Ордэн Дзяржаўнага герба
Медыяфайлы на Вікісховішчы

Крыж Свабоды (эст.: Vabadusrist) — дзяржаўная ўзнагарода Эстонскай рэспублікі. Заснаваны 24 лютага 1919 года для ўзнагароджання тых, хто праславіўся ў Вызваленчай вайне, у трох класах, па тры ступені ў кожным класе. I клас (крыжы з белай эмаллю) прызначаўся для ўзнагароджання за ваенныя заслугі. II клас (крыжы з чорнай эмаллю) — за вайсковую доблесць. III клас (крыжы з сіняй эмаллю) — за грамадзянскія заслугі.

Крыж Свабоды Эстоніі аформіў мастак Мікалай Трыйк. Прыкладамі — па меркаванні геральдыста Ханеса Валтэра — паслужылі Крыж Свабоды Фінляндыі (рука з мячом, намаляваная таксама на гербе Карэліі) і крыж вялікіх магістраў Тэўтонскага ордэна (крыж «потэнт» з падоўжанай вертыкальнай лініяй). Як колеры крыжоў, так і колеры стужак (у кожнага класа розная расфарбоўка) былі вытрыманы ў колерах эстонскага нацыянальнага сцяга.

З 19 чэрвеня 1925 года ўзнагароджанне Крыжом Свабоды не праводзіцца.

Крыж Свабоды з'яўляецца галоўным элементам афармлення помніка Перамогі ў Вызваленчай вайне ў Таліне.

1-я ступень	2-я ступень	3-я ступень
I-ы клас
II-гі клас
III-ці клас

	Крыж Свабоды на Вікісховішчы

• Walter, Hannes. Eesti teenetemärgid. Estonian orders and decorations. — Tallinn: Miniplast Pluss, 1998. — 396 lk. — ISBN 9985-9001-7-0. (эст.) (англ.)

• Дзяржаўныя ўзнагароды Эстоніі
• Дзяржаўныя ўзнагароды Эстоніі (эст.)