Yulian Semyonov

Yulian Semyonov
rus. Юлиа́н Семёнович Семёнов
Doğum adı	Юлиан Семёнович Ляндрес
Təxəllüsü	Yulian Semyonovich Lyandres (rus. Ля́ндрес)
Doğum tarixi	8 oktyabr 1931
Doğum yeri	Moskva, SSRİ
Vəfat tarixi	15 sentyabr 1993 (61 yaşında)
Vəfat yeri	Moskva, Rusiya
Dəfn yeri	Novodeviçye qəbiristanlığı
Milliyyəti	Rus
Atası	Semyon Aleksandroviç Lyanders
Təhsili	Moskva Şərqşünaslıq İnstitutu (1948–), Moskva Dövlət Universiteti
Fəaliyyəti	ssenarist, dramaturq, yazıçı, jurnalist, şair, publisist, tərcüməçi, nasir, ictimai xadim
Fəaliyyət illəri	1955-ci ildən
Əsərlərinin dili	rusca
Janrlar	roman, pyes, hekayə
İlk əsəri	"Adi günlər və bayramlar"(1969)
Tanınmış əsərləri	Baharın on yeddi anı (film, 1973)
Üzvlüyü	SSRİ Yazıçılar İttifaqı
Mükafatları
юлиан-семенов.рус
Vikianbarda əlaqəli mediafayllar

Yulian Semyonov (rus. Юлиа́н Семёнович Семёнов, Rusca tələffüz: [[Beynəlxalq fonetik əlifba|[julʲɪˈan sʲeˈmʲonəvʲɪtɕ sʲeˈmʲonəf]]]), təxəllüsü Yulian Semyonovich Lyandres (rus. Ля́ндрес) (8 oktyabr, 1931 – 15 sentyabr, 1993) — rus yazıçısı.

1969-cu ildə "Znamya" jurnalında ədəbi ictimaiyyətin hələ tanımadığı gənc nasir Yulian Semyonovun bir silsilə hekayəsi işıq üzü gördü. Tayqada yol çəkən sovet adamlarının fədakar əməyindən bəhs edən hekayələr "Adi günlər və bayramlar" başlığı altında yer almışdı. O illərdə belə bir mahnı vardı, mahnının müəllifi bəstəkar Anatoli Novikov və nəğməkar şair Vladimir Xaritonov idi.

"Znamya" jurnalında ilk hekayələri çap olunanda Yulian Semyonovun iyirmi səkkiz yaşı vardı, aradan üç il keçəcək, "Lenfilm" kinostudiyası bu hekayələrin motivləri əsasında bədii film çəkəcək. Pyotr Aleynikovun, Tamara Makarovanın, Sergey Filippovun və başqa populyar aktyorların rol aldıqları filmdə Y.Semyonov da epizodik rolda çəkilib. Filmin qısa məzmununu xatırladım, gənc mühəndis Zotov tayqada dəmiryol çəkilişinin ən ağır sahəsində tikinti rəisi təyin olunur. Gənc kommunizm qurucusu Zotov tayqanın sərt sınağından uğurla çıxır, elə bir gün gəlib çatır ki, Zotov özünün tikdiyi binada mənzil alır, həmən gün Zotov üçün ikiqat bayramdır - nişanlısı böyük şəhərdən tayqaya, sevgilisinin yanına gəlir... Bu bayağı sovet filmindən sonra Yulian Semyonov düz otuz il bədii filmə çəkilmir və otuz ildən sonra Andrey Tarkovskinin məşhur "Solyaris" filmində yenə epizodik rol alır. Əlbəttə, bu illər ərzində Semyonov televiziya filmlərində və sənədli lentlərdə çəkilirdi.

Yulian Semyonov bütün dünyanı gəzib dolaşıb, indi yazıçının səfər macəraları haqqında əlimizdə kifayət qədər bilgilər mövcuddur. Bəzi "znatoklar"ın fikrincə, yazıçının xarici ölkələrə müntəzəm səfərləri xüsusi xidmət idarələri ilə əlaqəli olub. Onu da deyək ki, Semyonovun əsl soyadı Lyandersdir. O, ixtisasca şərqşünasdır.

Atası Semyon Aleksandroviç Lyanders o zamanlar ali məktəb statusuna malik olan, əslində isə orta ixtisas təhsili verən Raborabın yetirməsidir. Raborabda sınaqdan çıxmış, siyasi cəhətdən etibarlı sayılan bolşeviklər təhsil alırdı, bu institut partiya üçün rəhbər kadrlar hazırlayırdı. N.S.Xruşşov, İosif Stalinin arvadı Svetlana Aliluyeva və b. bu institutun məzunlarıdır. Semyon Aleksandroviç iyirmi üç yaşında ağır sənaye xalq komissarlığında yüksək vəzifəyə çəkilir, daha sonralar xalq komissarı Serqo Orconokidzenin köməkçisi, "İzvestiya" qəzetinin baş redaktor müavini və s. vəzifələrdə çalışır. Maraqlıdır ki, Stalin repressiyası Buxarinçi Semyon Lyandersdən yan keçdi, Lyanders "İzvestiya" qəzetində Buxarinin müaviniydi, bəlkə öz şefini güdaza verənlərdən biri elə Lyandersdir?

Yalnız 1952-ci ildə, Kremldə antisemitizm dağlaları baş qaldıranda Lyandersə kontra Buxarinlə əlaqələrini xatırlatdılar, amma Lyanders bu dəfə də kəfəni yırtdı. Sonralar Lyanders nəşriyyatlarda çalışmış və hətta Sovet Yazıçılar İttifaqının konsultantı olmuşdur.

Əsas məqalə: Baharın on yeddi anı (film, 1973)

Yulian Semyonov Sovet vətəndaşlarının sevimli qəhrəmanı Otto fon Ştirlis haqqında kitabında yazır ki, Valter Şellenberqin casusları İsveçdə olan Allen Dallesi hər addımbaşı izləyir, onun hətta nələri mütaliə elədiyi haqda da qaynar məlumatları şefə ötürürmüşlər. "Abver" rəhbərinə gələn məlumatlar arasında Tövratın vərəqləri üzərində olunmuş qeydlərin fotosu da varmış. Cənab Dalles Tövratda bəşəriyyətin əzəl çağlarında casusluğun ilkin işartılarını axtarır və tapırmış.

Yazıçı ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.