Val d'Almonecir

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre Val d'Almonecir, un municipio de la provincia d'Castellón. Pa atros usos d' Almonecir, veyer Almonecir (desambigación).

Val d'Almonecir
Municipio d'o País Valenciano
Envista de Val d'Almonecir.
Entidat  • Estau  • Comunidat  • Provincia  • Comarca	Municipio  Espanya  País Valenciano Castellón Alto Palancia
Superficie	21,1 km²
Población  • Total	286 hab. (2013)
Altaria  • Meyana	441 m.
Distancia  • 62 km	enta Castellón de la Plana
Alcalde	Antonio José Cases Mollar
Codigo postal	12414
Coordenadas	39°54’11’’N 0°27’23’’U
Val d'Almonecir Val d'Almonecir en Comunidat Valenciana
Web oficial

Val d'Almonecir (Vall de Almonacid en castellano, La Vall d'Almonesir en catalán) ye un municipio de la provincia de Castellón, situau en la comarca de l'Alto Palancia. La suya población ye de 286 habitants, en una superficie de 21,1 km² con una densidat de población de 13,55 hab/km².

Se dió la primera Carta de población en 1582, pero estioron los sinyors de la familia Ximénez d'Urreya qui concedioron una segunda Carta de población en 1610, repoblando lo lugar con aragoneses.

Almonecir provién de lo latín MONASTIR ("monesterio"), pero la traviés de l'arabe, cambiando lo grupo -st- por -z-.

En 1256, cuan Chaime I d'Aragón ordena a los alcaitz y habitadors de la comarca que deixen pasturar a los bestiars de Segorb en os suyos termins, s'escribe Almonezir.

En un texto de 1319 en idioma aragonés, en lo que Pero Churdán d'Arenoso y la Marquesa Llopiz de Rada ceden a lo suyo fillo Gonzalvo part de la sinyoría d'Arenoso s'escribe Val de Almonezir:

En toponimia menor clama l'atención un caso de diftongación en -ia- en lo sufixo -iello: Fuente de las Balsiallas.

En la val d'Almonecir se charra lo castellano churro, con aragonesismos: esclafar, barral, ansa, pansa, mangrana, molla, rosigar, cal, no cal, plegar, replegar, suco, pescatero, embolicar, teda, tedero, remugar, estraudes.

La palabra pelitaina (Parietaria)^[1] ye local pero d'orichen aragonés (conservación de la xorda intervocalica y con terminación -aina.

Bi ha casos de conservación de lo chenero femenin en sustantivos acabaus en -or: la calor, la sudor, la color, la claror, la negror.

• lexico de la Val d'Almonecir.