Sant-Maloù

	Sant-Maloù; Saint-Malo; Saent-Malô
	Comuna de Francia
	; Puesta de sol en Sant-Maloù
Estau; • País; • Rechión; • Departam.; • Districto; • Cantón	Francia; Bretanya; Bretanya; Il-ha-Gwilen (subprefectura); Sant-Maloù (capital); Capital de dos cantons:; Sant-Maloù-1 y 2
Mancomunidat	Mancomunidat d'o País de Sant-Maloù
Superficie	36,58 km²
Población; • Total; • Densidat	; 47 323 hab. (2013); 1 385 hab/km²
Altaria; • Meyana; • Maxima; • Minima	; 8 m; 51 m; 0 m
Alcalde	Gilles Lurton
Codigo postal	35400
Codigo INSEE	35288
Coordenadas	48°38’57’’N 2° 1’33’’U
	Sant-Maloù Sant-Maloù en Francia

Sant-Maloù (en bretón; en francés Saint-Malo, en galó Saent-Malô) ye una comuna francesa, en o departamento d'Il-ha-Gwilen y en a rechión de Bretanya, que ye capital d'o districto de Sant-Maloù y ye subprefectura d'o suyo departamento.

O suyo termin municipal, a o canto d'a Canal d'a Manga, tien una superficie de 36,58 km², una población de 49.600 habitants en 2006 y una densidat de población de 1.385 hab/km².

Cheografía

Sant-Maloù ye un puerto de mar, en a desembocadura d'o río Rance, en a Canal d'a Manga.

O casco antigo d'a ciudat ye murallato, estas murallas fuoron construitas entre os sieglos XII y XIX, y as islas y os isletas que son amanatos d'a ciudat fuoron fortificatos en os sieglos XVI y XVII.

Ye situato a sisanta kilometros d'o Mont Sant-Michel

As mareas

As mareas de Sant-Maloù son as mas importants d'Europa, por ser provocatas por a concentración d'as auguas en o centro d'una gran badía que s'estiendila dende Bretanya dica la peninsula de Cotentin.

Historia

A historia de Sant-Maloù ye anterior a la plegata d'os romanos enta as Galias; Sant-Malo yera a capital d'o pueblo d'os galos corosiolites, un pueblo celta.

En 541 plegó en Sant-Maloù sant Maclovio, procedent de Galas, qui dio o suyo nombre a la ciudat.^[1]

En a Edat Meya, Sant-Maloù estió obchecto de guerras por a suya posesión entre o reino de Francia y lo ducau de Bretanya. Sant-Maloù proclamó a suya independencia en 1490, y estió independient durant cuatre anyos. A ciudat fue incorporata pa cutio a Francia en 1493.^[2]

O prencipal desembolique d'a ciudat estió dimpués d'o descumbrimiento d'America, con as actividaz corsarias y con os exploradors maritimos, destacando Jacques Cartier.

Mientres a batalla de Normandía (Segunda Guerra Mundial), as destruccions por os bombardeyos estausunidenses estioron d'un 80% d'a ciudat,^[3] que fue reconstruita dimpués d'a guerra.

Demografía

Datos de población
(Fuent: Cassini^[4] y INSEE^[5])

1793	1800	1806	1821	1831	1836	1841	1846	1851
10.730	9.147	9.934	9.949	9.981	9.744	10.053	10.076	9.997

1856	1861	1866	1872	1876	1881	1886	1891	1896
10.809	10.886	10.693	12.316	10.295	11.212	10.500	11.896	11.476

1901	1906	1911	1921	1926	1931	1936	1946	1954
11.486	10.647	12.371	12.390	13.137	12.864	13.836	11.311	14.339

1962	1968	1975	1982	1990	1999	2006	2007	2011
17.137	42.297 (1)	45.030	46.347	48.057	50.675	-	-	-

Ta os censos dende 1962 dica 1999, a población legal corresponde a la población sin duplicidaz seguntes define l'INSEE.

(1) Fusion de tres ciudaz: Sant-Maloù, Sant-Servan (14.963 habitants en 1962) y Parame (8.811 habitants en 1962).

Economía

A economía de Sant-Maloù estió historicament dominata por o suyo puerto, que ye hue uno d'os mas importants d'a Canal d'a Manga. En 2000, yera o 16^eno puerto de Francia en importancia, y ye un important puerto de transport de personas ta Irlanda y ta lo Reino Uniu.