Artabasdos

Dr Artabasdos (middelgriech. Ἀρταβάσδος; † 743) isch as Usurpator gegen e Konstantin V. byzantinische Kaiser vo 741/42 bis 743 gsi. Er het dr Übernaame Ikonophilos überchoo, wil er zu de Bildervereerer ghöört het.

Kurz nochdäm dr Konstantin 741 dr Droon bestiige het, het dr Armenier Artabasdos mit dr Understützig vo dr starke ikonofile Frakzioon im Klerus und au im Volk, wo gege d Bilderstürmer gsi si, d Macht in Konstantinopel an sich grisse. Er het denn si Soon Nikephoros und villicht au däm si Brueder Niketas, zum Mitkaiser lo erheebe. Dr Konstantin isch in d Bärg vo Isaurie gflüchdet, isch denn aber mit em asiatische Däil vo dr byzantinische Armee zruggchoo und het im Joor 743 im Artabasdos sini Drubbe gschlaage. Zur Stroof het er dr Artbasdos und e Däil vo sine Aahänger lo blände.

• Paul Speck: Artabasdos. Der rechtgläubige Vorkämpfer der göttlichen Lehren. Untersuchungen zur Revolte des Artabasdos und ihrer Darstellung in der byzantinischen Historiographie. Bonn 1981 (= Poikila byzantina 2). [Detailliert, aber problematisch und teils spekulativ.]

• Lynda Garland: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).

Dä Artikel basiert uff ere fräie Übersetzig vum Artikel „Artabasdos“ vu de dütsche Wikipedia. E Liste vu de Autore un Versione isch do z finde.