Julia Roberts

Julia Roberts
Roberts in 2011 by ’n première van Jesus Henry Christ.
Geboortenaam	Julia Fiona Roberts
Geboorte	28 Oktober 1967 (1967-10-28) (57 jaar oud) Smyrna, Georgië, Verenigde State
Nasionaliteit	Amerikaans
Beroep(e)	Aktrise
Aktiewe jare	1987-

Julia Fiona Roberts (gebore op 28 Oktober 1967)^[1] is ’n Amerikaanse aktrise en rolprentvervaardiger. Sy het ’n Hollywood-ster geword ná haar verskyning in die romantiese komedie Pretty Woman (1990). Sy het drie Golden Globes (uit agt benoemings) gewen en is vier keer vir ’n Oscar benoem. Sy het laasgenoemde vir beste aktrise gewen vir haar spel in Erin Brockovich (2000).

Haar flieks sluit in Mystic Pizza (1988), Sleeping with the Enemy (1991), Hook (1991), The Pelican Brief (1993), My Best Friend's Wedding (1997), Conspiracy Theory (1997), Notting Hill (1999), Runaway Bride (1999), Ocean's Eleven (2001), Mona Lisa Smile (2003), Ocean's Twelve (2004), Valentine's Day (2010) en Eat Pray Love (2010). Sy is een van die aktrises wat die meeste geld by die loket laat inrol het.^[2]