殿下

殿下，本來指殿階之下，後來成為中國對皇族成員嘅尊稱，次於代表君主嘅陛下。漢朝開始叫太子、諸王做殿下，三國開始皇太后、皇后都叫殿下。唐代之後，得太子、皇太后、皇后叫“殿下”。

中國藩屬國嘅君主亦叫殿下，例如朝鮮王朝叫自己嘅國王做殿下（전하）、宗親叫君主做主上（주상），叫王世子做邸下（저하）。

日本叫自己嘅包括三后（太皇太后、皇太后、皇后）嘅皇族重有攝政、關白、征夷大將軍做殿下。明治維新之後，親王、內親王、王、女王等皇族尊稱殿下，而皇后稱陛下。

喺歐洲國家，殿下相當於英語入面嘅Your/His/Her (Imperial, Royal, Grand Ducal, Ducal Serene, Serene, Illustrious, etc.) Highness。

而家中文將君主制國家嘅王儲、親王、太后、王后、公主等，尊稱殿下。

 呢篇殿下係政治類嘅楔位文章，未完成；麻煩你幫手加下料，充實佢。