Vete

Li vete u l' vert, c' est ene coleur dilérece k' on a avou ene maxheure di djaene eyet d' bleu

Èl côde RVB (Rôdje-Vete-Bleu) do vete est: (0-255-0).

I gn a etur 45 eyet 50 tons d' vete. Vocial ene lisse di sacwants tons d' vete :

• vete di foirt
• vete advocåt
• vete amande
• vete anize
• vete aspedje
• vete bontins
• vete botaye
• vete djåde
• vete caki
• vete citron
• vete sôdård
• vete minte
• vete minte a l' aiwe
• vete liken
• vete olive
• vete papegåy
• vete praireye
• vete peme
• vete porete
• vete saedje
• vete sapén
• vete espinasse
• vete tiyoû
• Vert-di-gris
• vete schite d' åwe
• vete waezon^[1]

• 
  vete di foirt
• 
  schite d' åwe k' a dné on ton des vetes
• 
  vert-di-gris
• 
  vete liken
• 
  vete botay
• 
  vete tiyoû
• 
  vete sapén
• 
  sacwants tons bén diferins

I gn a so les cmons Wikipedia des imådjes ou fitchîs son a vey avou les sôres di vete .

El vete, c' est l' coleur di l' espwer, di l' estabilité, då ratuzaedje ey del tchance. Mins néren, èl vete est èl coleur dèl buze ey dèl nén-fôrtune. Èl vete est sovint acmatché avou 'l medicål monde.^[2]

El vete, c' est èl coleur ki est cåzu todi prezint è 'l nateure.^[3]

E l' Beldjike come dins brånmint des ôtes payîs del Daegn, el vete, c' est el coleur politike des ecolodjisses, come Ecolo eyet Groen.^[4]

Portant, i gn a on parti politike e l' Beldjike k' a l' vete come coleur, mins il est nén ecolodjisse, c' est Islam (on parti muzulman)^[5].

Mins dins sacwants payis, el vete n' est nén l' coleur des ecolodjisses, come e l' Irlande, la ki c' est l' coleur dås nåcionålisses ey dås republikins, come li pårti Sinn Fein.^[6]

Gn a do vete dins l' drapea itålyin.

Dins l' drapea amazir, li vete riprezinte les grands bwès, a costé do bleu ki rprezinte li mer et li djaene ki rprezinte di wastene, les troes contrêyes la k' vicnut les amazir-cåzants

Li drapea d' Arabeye sewoudite est tot vete avou des scrijhas e-n alfabet arabe dissu.

• 
  drapea itålyin
• 
  drapea amazir
• 
  drapea d' l' Arabeye sewoudite

I gn a so les cmons Wikipedia des imådjes ou fitchîs son a vey avou l' vete coleur .

1. ↑ https://www.toutes-les-couleurs.com/couleur-vert.php
2. ↑ http://www.code-couleur.com/signification/vert.html
3. ↑ http://www.code-couleur.com/signification/vert.html
4. ↑ «groen», c' est «vete» e neyerlandès.
5. ↑ https://web.archive.org/web/20190624161256/https://www.islam2012.be/
6. ↑ https://www.sinnfein.ie/