navea

Tayon-bodje latén « napus », avou l’ cawete « -ea ».

• AFE :
  • diferins prononçaedjes : /na.ˈvja/ /na.ˈvɛː/ /na.ˈve/ /na.ˈvæː/ (betchfessî ea)
  • prononçaedje zero-cnoxheu : /na.ˈvja/  ^{aschoûtez lu}
• Ricepeures : na·vea

navea omrin

1. (plante) (verdeure) verdeure k' on magne si raecinêye, blanke ou djaene, ki l’ sincieus no, c’ est : Brassica rapa rapa.
   • Dji m' a fwait ene sope di naveas — Motî Forir (fråze rifondowe et rarindjeye).
   • Les naveas d' Hesta sont rlomés — Motî Forir (fråze rifondowe).
   • Les lapéns ki magnnut des naveas, leu moustatche rilût come del waerglaece — Pol Bossart (fråze rifondowe)..
   • E l' nivaye ki ride et ki crîne, li ptit tchvå cwirt ene sacwè a magnî; et vola k' i trouve on gros navea, blanc et violé, ki fjheut ene bosse dins l' nivaye — Fré Djhan, divins « Les bons camaerådes » (fråze rifondowe).

1. blanc come on navea pelé deus côps
   1. aveur li dzeu di s' tiesse ossu prôpe k' on navea k' a stî pelé deus côps : esse tchenou
2. djus d' navea : mwaijhe gote.

• nawea
• novea

Lijhoz l’ årtike navea so Wikipedia