Heuvelland

Dit artikel zou beter herschreevn zyn in 't Westhoeks.

Gemêente Heuvelland

Liggienge binn 't arroundissement Yper in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Yper
Liggienge	{{{nb}}} NB {{{ol}}} OL
Coördinoatn	50°46′NB 2°49′OL
Ippervlak	94,24 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	7.862 (01/01/2018) 51,34% 48,66% 83,43 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 21,66% 60,48% 17,86%
Buutnlanders	6,93% (01/01/2018)
Weirklôoseidsgroad	4,42% (01/10/2018)
Polletiek
Burgemêester	Marc Lewyllie (GB)
Coaliesje	Gemeentebelangen
Zetels Gemeentebelangen CD&V N-VA	19 (2019-'24) 12 5 2
Dêelgemêentn me postcode
Postcode	Dêelgemêente
8950 8951 8952 8953 8954 8956 8958	Nieuwkerke Nouter Wulvergem Wytschoate Westouter Kemmel Loker
And're info
Zonenummer	057
Poliesjezone	{{{polz}}}
Webadres	www.heuvelland.be

Heuvelland is e gemêente in de provinsche West-Vloandern e makt geogroafies dêel uut van de Westhoek. Der weun mêer of 7000 menschen in de dêelgemêentn Nieuwkerke, Nouter, Wulvergem, Wytschoate, Westouter, Kemmel en Loker. Oek De Klyte is e stik van Euvelland, mo 't is gin echte dêelgemêente omda 't vroegerder e stik van Rinnegelst wos.

Landschap, met dorptje Loker, vanof de Rôonberg gezien

De noame van de gemêente komt nateurlik van d' heuvels die op da groundgebied leggn: De Kemmelberg (154 m, hoogstn top van Vloandern); de Vidaigneberg (136 m), de Rôonberg (129 m), de Scherpnberg (125 m). In vroeger tydn woarn d'r vele busschn. Moa d'n Eerstn Weireldôorlog e vele kapot gemakt.

In de dêelgemêente Nouter is 't er ieder joar in 't êeste weekend van oest e festival: Festival Dranouter (sedert 2010), doavôorn Folkfestival Dranouter.

Wytschoate is welgekend in hil Vloandern omda 't dorp et tonêel wos van de West-Vlamsche fictiereekse Eigen Kweek. Ounder andere de Sint-Medarduskerke en de platse mè 't us van Chantal (Maaike Cafmeyer) en tpoliesjekantôor zyn te ziene in de serie.

Kernn

De gemêente Heuvelland bestoat uut acht klêne landelikke dorptjes. De dêelgemêenten Nouter, Kemmel, Loker, Nieuwkerke, Westouter, Wytschoate en Wulvergem woarn vroegertyd zelfstandige gemêentn. De Klyte was voe de gemêentelikke fuusjes nie zelfstandig, moa was e dêel van Rinnegelst, da toundertyd nog e zelfstandige gemêente wos.

Kemmel, Wytschoate, Nieuwkerke en Westouter zyn de grotste centra, met mêer dan 1000 iweuners. 't Gemêentuus en de gemêentelikke administroasje zyn gevestigd in Kemmel, juste lik 't poliesjebureau en de post. In Wytschoate legt 't rustôord, de gemêentelikke sportalle en 't oofdkantôor van de gemêentebibliotheke. In Nieuwkerke legt 't containerpark van de gemêente. De vier andere dorpsjes zyn klinder, met minder vorzieniengn.

Buutn die dorpscentra leggn der in de gemêente nog e poar klindere weungroeperiengn. Op d'heuvelruggn van de Rôonberg en de Zwortnberg leggn der azo residentiële weuniengn, met horeca- en handelszoaken. De kern van 't stadje Mêesn et oek nog een uutloper op 't groundgebied van Wytschoate in Heuvelland.

#	Noame	Oppervlak (km²)	Bevolkienge (2001)
I	Kemmel	12,99	1.170
II	Wytschoate	26,24	2.109
III	Wulvergem	3,50	264
IV	Nieuwkerke	17,49	1.513
V	Dranouter	10,73	703
VI	Loker	6,80	572
VII	Westouter	11,64	1.422
VIII	De Klyte	4,93	576