Zwortnberg

De Zwortnberg is een getuugnheuvel en gehucht in de gemêente Euvelland. De heuvel ligt up de Frans-Belgische grenze, met den top up een hoogte van 152 meter. An de Franse kant noemt de hellienge Mont Noir, noa 't gehucht mè dezelste noame teegn den top. De heuvel ligt up de grenze van Westouter in België, en Sint-Janskappel en het grondgebied van Boeschepe in Vrankryk. De noame kom van de familienoame "De Zwarte" achter de familie die de berg in de 13^e en 14^e êeuwe in under bezit haan.

De Zwortnberg ligt teegn de Vidaigneberg, Rôonberg en Baneberg. Op de Zwortnberg liggn der veel wienkeltjes en horecabedoeniengn, die in 't weekend voarol deur de Fransn bezocht wordn.

De hellienge is bekend uut 't wielrennen en is dikwils beklommn in Gent-Wevelgem, ounder andere in 1957, 1993, 1994 en 1995. Je kan zôwel vanuut Vrankrijk (Mont Noir) of vanof de Vidaigneberg (Zwortnberg) beklommmn wordn.

Verder kan 't je ook beklommn wordn via de Langendreve en de Gemenestroate vanuut Westouter. De weg goat êest een poaqr kilometers icht omhoge toedat den echte klem begint. Up den top liggen der omtrent 30 meters kolsyn. Ander is 't er de meugelikheid voa de Zwortnberg vanuut 't gehucht Croix de Poperinghe (uut de richtienge Belle via de D223 te beklemmn, den deen endigt zoan 2/3 deel ounder den top van de Zwortnberg vanuut de richtienge Vidaigneberg.

De helling is ook upgenoomn in de Vierdoagsche van Duunkerke, de Driedaagse van West-Vloandern en 't Circuit Franco-Belge.