Boom

E boom is 'n houtachtige vaste plante die bestoat uut 'n hoge stamme mè wortels en e kruune mè takkn en bloarn. Boomn kunn styf oud kommn, sommigte zyn eenigte duuznde joarn oud. Boomn bestoan al 370 miljoen joar. Der zyn noa schattienge roend de drie biljoen vulgroeide boomn in de weireld.

Boomn plantn under meestal voort mè zoad. Ze droagn meugelyks blommn en fruut, moa sommigte boomn, lyk conifeern, hèn kegels in de plekke.

Boomn speeln e belangryke rolle by 't vermindern van erosie en 't mildern van 't klimoat. Z' hoaln koolstofdioxide (CO₂) uut d' atmosfere en ze sloan groote hoeveelheedn carbong ip in hunder weefsels. Boomn en busschn vormn e leefgebied vo vele soortn beestn en plantn. Tropische reegnbusschn zyn by de meest biodiverse gebiedn ter weireld. Boomn zorgn vo schauwte en beschuttienge, hout vo de bouw, brandstoffe vo te verwarmn, fruut vo t' eetn en nog vele andere toepassiengn.

De planete telt noa schattienge tusschn de 60.000 en de 100.000 boomsoortn.

• 
  Blommn van Magnolia × soulangeana
• 
  Noaldn en kegel van de droaidenne (Pinus contorta)
• 
  Tropisch reegnbus, Queensland, Austroalië

Ofbeeldiengn die ier by passn ku je vien in de categorie Trees van Wikimedia Commons.