Taivaz

Taivaz om avaruz Man vai miččen-ni toižen astronomižen objektan pindan päl. Avaros znamoičendas — ühthine nägu, kudamb lagištase neciš objektaspäi kosmoshasai.

Antikaigan amuižed rahvahad lugiba taivast i mad jumaloiden i ümbrištoiden ezitatoikš. Sättujad taivhale i male jumalad oliba Uran i Geja amuižil grekalaižil, Nut i Geb amuižil egiptalaižil.

Man taivhan nägu rippub päivesen aigaspäi, voz'aigaspäi, säspäi i kaclijan korktusespäi valdmeren pindan päl. Taivhal pil'ved i Man Kudmaine-kaimdai nägudas paksus.

Päivän pil'vetoi taivaz om taivazman mujun. Päiväižen nouzman i laskman aigan taivhal oleskeleb pakuižen, ruskedpakuižen i rusttan ližamujuid, voib nähta vihandad-ki sädeged harvas.

Öližel aigal taivhan muju vajehtase muzasinižeks. Voib nähta sel'ktas Kudmašt, tähthid i toižid astronomižid objektoid. Lunad oleskeldas 90..400 km korktusel. Tähthakaz taivaz om kaikiden paštoimiden ühtmuz, miččid voib nähta öl vai hämäras taivhanröunan päl.

• Poud — pil'vesetoi taivaz.
• Taivazma — sinivauvhan mujun.
• Taivhaline — Ülähäine.
• Taivhansaub, taivhan kareguz — taivhad.

• Eile rad taivhas, a om mas.
• Kacud taivhaze, ka kand regen kukerdab. (ole tark)
• Kittäs, ka kuti taivhale letas. (kittäs liigan)
• Kur'g taivhas, a muna perskes. (pästtud voimusen polhe)
• Rad ei ole taivhal, a om mas.
• Samba libub hagole, meletab, miše jo taivhas om.
• Su avaida, ka taivhaspäi ei lankte.
• Taivaz om korktal, ei kule rahvast.
• Taivaz sanub: sapkad, mö sanum: eile.
• Ühten taivhan al olem. (olem kohtaižed)

• Taivastme ajeleb äi rahvast, ei ni kerdad nägude (angelad).
• Vellen hebošt ei voi tabata, sizaren laudruzuid ei voi kerata (ahav da taivaz).

Taivaz Vikiaitas