" ලේක් "එකේ  විශේෂත්වය වන්නේ දියමත පිහිටි එකම කැරෝකේ ශාලාව එය වන නිසාමත් නොවේ ,රන් පැහැති තහඩුවලින් ආවරණය වූ දොර ඇදවී ඇත්තේ කාලයාගේ ඇවැමෙනුත් නොවේ, විමර්ශන කටයුත්තක් සදහා "බවුන්සර්වරයෙකු" සේ ජීවිතයේ අපල කාලයක්‌ ගෙවා දැමු මා හටද ඒ දොරේ ඇදවීමට සාක්කි ලබා දිය හැකිය  . 


      සිකුරාදා දිනයේ රාත්‍රිය යනු අවන්හල් /සමාජසාලා /කැරෝකේ හට කාර්යබහුලම රාත්‍රියයි , ආයුධ සන්නද්දව ශාලාව තුලට ඇතුලත් වීමට කිසිවෙකුට අවසර නැත ,එය පාතාලයේ ගෝඩ් පාදර් හටද ,කුලියට කට කපන කුඩ්ඩා හටද එකසේ බලපාන නීතියකි .

"32 ක්‌ ඇතුලේ ඉන්නවා නේද "

"ඔව් කපිල අයියා 32 ක්‌ ඉන්නවා "

"තව  රෑ වෙනකොට තව වැඩිවෙයි මල්ලි සෙට් එක එක්ක ටච් එකේ ඉදපන් "

කපිල අයියා යනු අපේ ටීම් එකේ ලොක්කාය නැතහොත් රජ කකුලය

නමුදු  " ලේක්" එක වැඩියෙන්ම වටින්නේ "ආශා" නිසාය , දිග කෙස්කලඔක්‌ තිබුණු නිසාවෙන්ද "ආශා " වටින්නේ නැත ,ආශා වටින්නේ  කොළඔ පිහිටි   කැරෝකේ ශාලා තුල  සිටිනා සුරූපී කෙල්ලන් අතර වඩාත්ම සුරුපිනිය ඇය නිසාය .  කැරෝකේ ශාලා  හිමිකරුවා  අත නොතබන්නේද ඇයට විතරය.

------------------------------------------------------------------------------------------------------------

" රතුපාට GY එක දුවන කෙනා කෝ මල්ලි ?"

"ලග කෑල්ලක් වැදිලා දැන් ගියා විතරයි අයියා "

"මේ නම්බර් එකට කෝල් එකක් දෙන්න කියනවද මල්ලි පොඩ්ඩක් "

"අනිවා ,මැසේජ් එක පාස් කරන්නම් "

ත්‍රි රෝද රථ රියදුරන් යනු හොද විමර්ශකයෝය, අප වැන්නවුන් හට තොරතුරු ලබා ගැනීමට මෙන්ම ගමේ කෙල්ලන්ගේ චරිත සහතික කොල්ලන්ට ඉශූ කරන්නේද මොවුන්ය , සැබවින්ම මොවුන් ද්විත්ව නියෝජිතයන්ද වේ ,නමුදු  අද කාලයේ දී මොවුන් රහිතව විමර්ශනයකදී ඉදිරියට යාම පහසුනම් "කොලොම්බස් මාලිමාව රහිතව ඇමරිකානු මහද්වීපයට ගොඩබසිනු ඇත" .


------------------------------------------------------------------------------------------------------------

"මුලින්ම දුන්නේ මාසෙකට 30 ගානේ "

" ඉල්ලපු ගාන ඒකද මිස්ටර් රංගල  ?'

"ඔවු සොනාලි කිව්වා එයාට  සල්ලි ඕන ළමයා වෙනුවෙන් විතරයි කියලා "

"සාධාරණ ගානක් ඔබතුමාගේ හැටියට බැලුවම "

"ඔව් ,හැබැයි ඩිලිවරි එකට නතර උනේ ප්‍රයිවට් හොස්පිටල් එකක එතන වියදමට මම ලක්ෂ එකහමාරක් දුන්නා "

"එතනදී  වෙන සල්ලි දුන්නේ නැද්ද ?"

"නැහැ පොඩි ගානක් ඉතිරි උනා කිව්වා "

එය සිත පතුලේම රදවාගත යුතුමය , විමර්ශනයේදී "කිවිසුමත්" මතක තබා ගත යුතුය  ,ඒ එය "කිවිසුමක්" වන නිසා නොව "කිවිසුම" යාමට හේතුව පිටුපස වෙනත්  කුමන්ත්‍රණ පැවතිය හැකි නිසාය .
----------------------------------------------------------------------------------------------------
                                          උග්‍ර විෂ ඇත්තේ ගගේ ඉන්නා  "කිබුලාගේ" නොව ගෙදර සිටිනා "හූනා" ගේය, අප කෙදිනකවත් සිතන් නැත්තේද ඒ ගැනය
                                    පලිගැනීම ගැහැණියකගේ සිතට ඇතුළු වූ විට ඇයගේ ඉදිරි ගමනට ඇති සියලුම බාධා  ඇයට නොපෙනී යයි ,නමුදු ලෝකයාට ඇයගේ ගමන කිසිසේත් නොපෙනේ, ඇයගේ ගමන එතරම්ම සූක්ෂම වේ .

"වික්ටර් රංගල" ව්‍යාපාරික ලෝකයේ ධනවතෙකු මෙන්ම පෞද්ගලික රහසිගත ජීවිතයේ සෙල්ලක්කාරයෙකුද වේ ,දැන් විදවන්න වී ඇත්තේ එම ක්‍රියාවන්ගේ අමිහිරි ඵලයන්ය,

"සොනාලි සමරසිංහ" කයිරෝ ටවර් හී වාසය කර ඇත්තේ දැනට වසර 5 කට පෙරය ,ආගිය තැනක් දන්නා අයෙකු සොයාගැනීමට නැත ,

"ගිනි කිකිලියෙක් මහත්තයෝ හැමදාම රෑ දෙගොඩ හරියක් වන ජාමේ කාගේ හරි කරක තමා එන්නේ ,හැබයි කාත් එක්කවත් කතාවක් නැහැ  "

රුපියල්  100ට  හා සිගරට් පැකට්ටුවට මීට වඩා දෙයක් මුරකරුවා දන්නේ නම් ඔහු පවසන බව නොඅනුමානය ,ඔහු පැවසු තොරතුරැ සැබැවින්ම මිල අධිකය ,විශේෂයෙන්ම රට සිගරැට් වලට සෑහෙන දේ කල හැක ....

------------------------------------------------------------------------------------------------------------
"මිස්ටර් තිවංක මේ ප්‍රශ්නේ ගැන දන්නේ මේ ලෝකෙන් මම ඇරුනම තව එක්කෙනෙක් විතරයි ,නයිට් ලයිෆ් එක කියන්නේ අපිට නුපුරුදු එකක් නොවන වග දන්නවනේ ඔබතුමා, අපේ ජීවිතේ ........................."

පුරා පැය 2 කට ආසන්නව මා  සාවධානව  අසා සිටි කතාව පරිදි සිදුවී ඇති දෙය ,සාරාංශ ගත කලෙමි

"සොනාලි"  යනු රාත්‍රී සමාජ සාලාවකදී "රංගල " හට මුණගැසේනා තරුණියකි ,විවාහකයෙකු වන "රංගල "අතින් "සොනාලි" ගැබ් ගනී ,රංගල සොනාලි වෙනුවෙන් මාසිකව වියදම් දරයි ඒ සමාජයේ අන් අය මේ සිදුවීම දැනගැනීමෙන් වලකිනු පිණිසය , මේ වන විට සොනාලී අවසන් වරට රංගලව මුණ ගැසී වසර 2 ක් ඉක්මවා ගොස් ඇත .

සිය පුතුගේ අකල් මරණයෙන් පසු දැන් අවශ්‍යවී ඇත්තේ ,සමාජ අපවාදයෙන් ගැලවෙනු පිණිස ඈත් කල තමාගේ ලෙයින් උපන් පුතු තමා ලගට ගෙන්වා ගැනීමටයි , ඒ සදහා අවශ්‍ය මාර්ගය වනුයේ පෙරදා අනියම් පෙම්වතිය වූ "සොනාලි" සොයා ගැනීමයි .


තෙවැනි කොටසින් නැවත හමුවෙමු .........