ඔන්න ඔය පහුගිය සතියේ පොඩි අසනීප ගතියකින් හිටපුනිසා ගේ ඇතුලටමවෙලා තමයි ඉන්න වුනේ.ඔහොම ඉදිද්දී ඉතින් නානාප්‍රකාර දේවල් හිතෙනවනේ.මට හිතුනා අපේ ගෙදර පැත්තකට දාලා තියෙන පරණ රේඩියෝ එකට ආයෙත් පණ දෙන්න පුලුවන්ද කියලා බලන්න.මේක මේ 1960 විතර පරණ රේඩියෝ එකක්.හරියටම නිෂ්පාදිත අවුරුද්ද දන්නේ නෑ.වර්ගය Siemens.Model එක Batteriesuper 440b.ආ .....මේක මේ ජරුමන් රටේ හදොපු එකක්.සිංහලෙන් කිව්වොත් Made In Germany.ඔන්න ඔය විස්තර විතරයි මට හොයාගන්න පුළුවන් වුනේ මේකේ පිටිපස්ස පැත්ත බලලා.මේ කාලේ ඔය Fm අහලාවත් නෑ නොවැ.ඒක නිසා මේකේ වැඩකරලා තියෙන්නේ sw විතරයි.බැටරි කරන්ට් එකෙන් තමයි වැඩකරලා තියෙන්නේ.ඔන්න ඔහොමයි අතීත කතාව.
දැන් වරුතමාන කතාවට එමුකො.ඔන්න මාත් ගෙදර ගබඩා කාමරේ තිබිලා මේක එලියට ගත්තා කියමුකෝ.වටේ පිටේ දුවිලි එහෙම පිහිදාලා ගත්තම මෙන්න මෙහෙමයි මේක තිබුනේ.
ඔන්න මං මගේ ඉස්කුරුප්පු නියන් ටිකත් අරගෙන ඔපරේෂන් එකට බැස්සා.මුලින්ම පිටකවරේ ගලවලා බැලුවා.මෙන්න එතකොට ඇතුල තිබුණු හැටි.
දූවිලි සාගරයයි.දැකුළු මලුත් තිබුනා.කොහොම නමුත් ටික ටික මං ඔපරේෂන් එක කිරියාත්මක කොලා.ඔන්න තියෙනවා පින්තුරටික.විස්තර අවශ්‍ය නෑ පින්වතුනි.රූපරාමු ටික බැලුවම අවශ්‍ය ටික තේරේවි.
ඇතුලේ circuit නම් ගන්න දෙයක් තිබුනේ නෑ.ඔක්කොම ඉවරයි.ඒ ඔක්කොම එම්බාම් කරලා කපලා අහක් කොරා.මේ තියෙන්නේ ඒ බඩවැල් ටික.
ඔන්න ඊටපස්සේ හොදට සුද්ද පවිත්තර කරලා ගත්තු කවරේ තමයි මේ තියෙන්නේ.
ඉරිදා දවල් වෙනකොට ටිකක්විතර සනීපවුණු නිසා මොටෝ බයිසිකලෙන් මාතර ගොහින් අවශ්‍ය කරන අඩුම කුඩුම ටික ගෙනාවා.ඔන්න ඉස්සෙල්ලාම හයිකොරේ ලොකු ඉස්පීකරේ...
ඊට පස්සේ ගෙනාපු amplifier circuit එකයි පොඩි ඉස්පීකර් දෙකයි පිටිපස්සේ කවරේට හයිකොරා මේ වගේ.
ඔන්න ඉතින් ඔයිට පස්සේ ගෙනාපු Usb kit එක හයිකරගන්න වැඩේ තමා තිබ්බේ.මං ඉතින් දන්න ඉලෙක්ට්‍රොනික් දැනුමෙන් ඕක ගොඩ දාගත්තා.කියන්න කනගාටුයි පින්වතුනි මේ වෙලාවේ ෆොටෝ ගන්න අමතකවුනා.මෙන්න තියෙනවා ඒ වැඩේ ඉවරවුනාට පස්සේ පෙනුණු විදිහ.
ඔන්න දැන් ඉතින් වැඩේ අවසාන අදියරේ.ඉස්සරහා මීටරේ ගාව ලස්සනට පේන්න ඇතුලෙන් ලස්සන LED බල්බ් පේලියක් හයිකරා.ඒවාට අමුතුවෙන් සර්කිට් ඕන නෑ.දැන් පොඩිගානකට හදපු ඒවා ගන්න පුළුවන්.මෙන්න ඉතින් තියෙනවා අන්තිමට තියෙන විදිහ.දැන් රේඩියෝ එකට අමතරව Pen Drive,Memory Chip වලිනුත් සින්දු අහන්න පුළුවන්.මොනවද ඉතින් පපුවට පයින් ගහනවා වගේ තමා ඉතින්.....
ආ ..කියන්න අමතකවුනා දැන් මේ රේඩියෝ එකට remote එකකුත් තියෙනවා නොවැ.Knight Rider සර්කිට් එක නම පින්තුර වල පැහැදිලිව පෙන්නේ නෑ.ඒකටනම් ඉතින් වීඩියෝ එකක්ම දාන්න වෙනවා.ඒකටනම් මගේහාව පහසුකම් නැත.ඒත් ඔන්න මේ පල්ලෙහා පින්තුරේ ඒක ටිකක් විතර පේනවා.
ඔන්න ඔහොමයි පින්වතුනි "නිකම් ඉන්න බැරුවට" ජාතකේ තොරණේ විස්තරේ...........
ප.ලි.- මගේ ඉලෙක්ට්‍රොනික් හැකියාව වගේම photoshop හැකියාවත් අන්තිම දුරුවලයි........අඩුම කුඩුම ටිකට මට වියදම් වුනේ රුපියල් දෙදාහකටත් අඩුවෙන්.මේ ටික කොළඹින් ගත්තොත් රුපියල් 1500 කින් විතර වැඩේ ගොඩදාගන්න පුළුවන් වෙයි.
නියමයී ලස්සන වැඩක් ඇන්ටික් බඩුවක් අලුත් විදිහට හදල . පෝස්ට් එක ලියන්නත් පට්ට මහන්සියක් අරන් තියනව අපතෙ යන්නෑ දිගටම ලියන්න ස්තූතියි.
ReplyDeleteතැන්කු මචන්
Deleteනිකන් ඉන්න බැරි කමට කරපු වැඩේ නම් මරු........
ReplyDeleteඑහෙමෙයි...තැන්කු..
Deleteඅපූරු වැඩක්නේ හසරැල් කරලා තියෙන්නේ.. දකින අයගේ ඇස් උඩ යයි වැඩේ දැක්කම..:)
ReplyDeleteදැන් ටිකකට කළින් මාත් ජර්මන් කතාවක් දැම්මා බ්ලොග් එකේ..
අම්මෝ ඒකෙ දිග.කොහෙන්ද මචන් ඔච්චර දිග පොස්ට් ලියන්න වෙලාව.මන්නම් ටයිප් කොරන්න මාර කම්මැලි..
Deleteමේක මරු වැඩේනෙ බං. අපේ ගෙදරත් පරණ වෑල්රස් එකක් තියෙනවා පැත්තක දාලා. තාමත් වැඩද කොහෙද... මෙහෙම වැඩක් ගොඩදැම්මනං කියල වැඩක් නෑ...
ReplyDeleteට්‍රයි එකක් දීලා බලන්න ...
Deleteඅපෙ පරන වයර්ලස් එකක් තිබිල මොඩිෆයි කලා මේ වගේම. අර මම කලින් කතා වක ලියපු හේමේ අංකල්. මේක උබෙම නිර්මානයක් නිසා වටිනව. අනික අරු හදපු එකේ යුඇස්බී ගැහිලි බෑ.ඇෆ් ඇම් විතරයි.
ReplyDeleteඇත්තටම මටත් ඕනේ වුනේ රේඩියෝ අහන්න නෙවි.pen එක ගහලා සින්දු අහන්නයි...
Deleteසිරාම වැඩක්!
ReplyDeleteවැඩේ ප්ලෑන් කරල නියමෙට!
තැන්කු...තැන්කු...
Deleteඅපේ රටේ තිබුණු පැරණි ගුවන්විදුලි යන්ත්‍ර බොහොමයක් දැන් සම්පූර්ණයෙන් අභාවයට ගිහින්. එහෙත් මේ ගුවන්විදුලි යන්ත්‍ර අලුත්වැඩියා කරන්න අවශ්‍ය අමතර කොටස් තවමත් අන්තර්ජාලය මගින් ගෙන්වාගන්න පුළුවන්. ඔබ දන්නවද ඔබ මෙහි පෙන්වා ඇති රේඩියෝව, එහි මුල් ක්‍රියාකාරී තත්වයට ආසන්න තත්වයකවත් තිබුනානම්, අන්තර්ජාලය ඔස්සේ දැන්වීමක් දමා එවැනි පැරණි රේඩියෝ එකතු කරන කෙනෙකුට විකුනන්න තිබුණා සැලකියයුතු මුදලකට.
ReplyDeleteඔබ මෙහි පෙන්වා තිබුන රේඩියෝවේ පින්තූර පරීක්ෂාකර බලනවිට පැත්ත දැක්වෙන කරුණු අනාවරණය වෙනවා.
1. මෙය වෑල්ව් හෙවත් Vacuum Tube වලින් ක්‍රියාත්මක වන ලෙසට සැකසු රේඩියෝවක්. මෙය ක්‍රියාකර තිබෙන්නේ එවකට තිබුණු Dry Battery නමැති බැටරි වර්ගයෙන්. ඒ බැටරි නිෂ්පාදනය අත්හිටවූ නිසා තමයි මේ රේඩියෝ ඉවත දමන්න සිදුවුනේ. නමුත් ඒ බැටරිය වෙනුවට පවර් පැක් එකක් නිපදවුනා. අවාසනාවකට එය ලංකාවට එතරම් ආවේ නැහැ. ආවත් ලංකාවේ එකල විදුලි බලය තිබුනේ සීමිත පිරිසකට පමණයි.
2. මේ රේඩියෝව පසුව ට්‍රාන්සිස්ටර් මගින් ක්‍රියාකරන ආකාරයට සම්පූර්ණ පරිථයම වෙනස් කරලා තියනවා. ඔබ ඉවත් කලේ ඒ ට්‍රාන්සිස්ටර් පරිපථයයි.
3. මේ රේඩියෝ නිපදවුණ කාලයේ FM විකාශන තිබුණා ලෝකයේ දියුණු රටවල පමණක්. 1960 දශකයේ ලංකාවට ගෙන්වූ සමහර රේඩියෝ වල FM Band එක තිබුණා, නමුත් විකාශනයක් තිබුනේ නැහැ. එය ඇරඹුණේ 1970 දශකයේ අන්තිම හරියේදී අත්හදා බැලීමේ මට්ටමෙන්.
4. රේඩියෝවේ අර ජාල කරාම ලකුණ ඇත්තටම භූගත කම්බිය Earth wire සවිවන ස්ථානය තමයි.
මේ රේඩියෝව මෝලම තත්වයෙන් තිබුනානම් පෙනෙන්නේ පහත දැක්වෙන ආකාරයට සමාන විදිහටයි.
http://i.ebayimg.com/00/s/OTY4WDEyOTY=/z/SYwAAOxyOa9R3G-S/$(KGrHqV,!p8FG5s9,8bSBR3G-R6v+g~~/Siemens-Super-C40K-Vacuum-Tube-Radio-Receiver-AM-FM-SW_57.jpg
http://i.ebayimg.com/00/s/MTIwMFgxNjAw/z/KR0AAOxytdlRAc-9/$T2eC16NHJGoE9nuQeSkFBR!c-9Ovjg~~/Siemens-Super-G-41-Tube-FM-Shortwave_57.jpg
http://i.ebayimg.com/00/s/MTIwMFgxNjAw/z/mSoAAMXQjwVRAc-4/$T2eC16FHJHEE9ny2p)s4BR!c-3s50Q~~/Siemens-Super-G-41-Tube-FM-Shortwave_57.jpg
පැරණි රේඩියෝ ගැන මම මගේ අඩවියේ ලියන ලද ලිපියක් මෙතනින් බලන්න
පළමුවෙන්ම ස්තුතියි ඔබගේ කොමෙන්ටුවට.පොස්ට් එකට සැහෙන්න වටිනාකමක් ඒකෙන් එකතුවුනා.ඔබ කියා ඇතිකරුණු සියල්ලම හරි.විකුනන්න පුළුවන් තත්වෙක මේක තිබුනේ නෑ.අනිත් එක මං කරලා තියෙන modify ඕනෙම වෙලාවක ගලවලා ඉවත්කරන්න පුළුවන්.පිටුපස්සේ තියෙන සිදුරු තමයි ඒවාට උපයෝගී කරගෙන තියෙන්නේ.
Deleteබොට දුක හිතෙයිද මන්දා මෙහෙම කිව්වට. ඕක අර තිබ්බ විදියටම ගොඩ දාගන්න විදියක් තිබ්බේ නැද්ද? මම අහන්නේ නවීකරනය නොකර අර ඇන්ටික් බඩුවක් විදියට restore කරන්න කෑලි හොයාගන්නම බැරිද?
ReplyDeleteබෑ dude,අර විචාරක කිව්ව විදිහට පහුකාලයේ කරපු modify නිසා මේකේ එච්චර වටිනාකමක් තිබුනේ නෑ.restore කරන්න අවශ්‍ය භාන්දවත් දැනුමවත් හොයාගන්න එක ලේසි නෑ.සෑහෙන මුදලක් යන්න තිබුනා.අනික එහෙම හැදුවත් දැන් sw channel නැහැනේ.
DeleteShort Wave හෙවත් කෙටි තරංග විකාශන දැනුත් තියනවා. ලංකාවේ චැනල් නැතත් ලෝකයේ බහුලවම තියනවා. SLBC එකෙන් විදේශීය භාෂා කීපයකින් (දෙමල, හින්දි, තෙලිඟු, ඉංග්‍රීසි) අදටත් විකාශන පවත්වාගෙන යනවා. මේ රේඩියෝව මුල් තත්වයේ තිබුනානම් කිසිදු ගැටලුවකින් තොරව ඒවා සහ පිට රටවල කෙටිතරංග විකාශන අහන්න පුළුවන්.
Deleteඇයි දැන් එන රේඩියෝ වලත් SW1 SW2 කියල තියෙන්නෙ. පොඩ්ඩක් කරකවල බලන්නකො. FM තරං පැහැදිලි නැතත් ලෝකෙ බොහෝ රටවල්වල තියෙන චැනල් අහුවෙනව ඒකට.
Deleteමාත් අහලා තියෙනවා ඉස්සෙල්ලම එවරෙස්ට් කන්ද නැගපු සර් එඩ්මන්ඩ් හිලරි කන්ද මුදුනේදී රේඩියෝ එක ටියුන් කරාම අහුවුනේ රේඩියෝ සිලෝන් එක කියලා.ඇත්තක්ද නම් දන්නේ නෑ ...
Deleteඅඩෝ!!!! සුපිරි වැඩේ ඈ! මං ලඟත් තියනවා Unique එකක් මේ වගේ! හදලා ගත්තනම් ගොඩ!
ReplyDeleteunique ද නැත්නම් unic ද ?උත්සාහයක් අරන් බලන්න.බැරිවෙන්නේ නෑ
Deleteමේකම දැන් ඔය විදියට usb පහසුකම් එක්ක අලුතින් එනවා, මන් මේහේ පරණ බදු විකුණන පොලක මේකක් දැකල ගණන් අහල බැලුවා, මේක යුරෝ 150ක් කිව්වා.
ReplyDeleteඑහෙනම් සැහෙන්න වටිනවා ඈ...
Deleteනියමයි නියමයි,,,,,
ReplyDeleteතැන්කු ..
Deleteඅයියෝ සල්ලි වෙන්නෙ නැතිව මහන්සි වෙලා ප්‍රයෝජනවත් වැඩක් කොරල තියෙන්නෙ ඉදගෙන.
ReplyDeleteගෙදර හිටපු එකෙන් පාඩුවක්වුනේ නෑ
Deleteනැවත නගා හිටවන්ඩ බැරි නිසා ඓහම හරි භාවිතයට ගත්ත එක නම් අගෙයි. අපේ ගෙදරත් තියෙනවා අර තොම්ප්සන් හරි මොකක් හරි බ්‍රෑන්ඩ් එකකට ඉස්සර ආපු ලීපෙට්ටියේ තියෙන ඔරලෝසුවක්. අර බට්ටෙක් එක්ක එන්නේ. අඩි දෙකක් දෙක හමාරක් උස, අඩියක් පමණ පලල ඔරලොසුව. මොකක් කරන්නදැයි හිතමින් ඉන්නේ.
ReplyDeleteඒ ඔරලෝසුව නැවත මුල් තත්වයට ගන්න පුළුවන්. විමලධර්ම වැනි ඔරලෝසු සමාගමක් සමග කතාකර බලන්න. අන්තර්ජාලය ඔස්සේ සොයා කොටස් ගෙන්වාගන්න පුළුවන්. මුල් තත්වයට ගත්තොත් විශාල වටිනාකමක් ලැබෙනවා.
Deleteබොහොම ස්තුතියි දැනුවත් කිරීමට. ඒ වැඩේ හොඳයි තමයි. දැනට ඉතුරු වෙලා තියෙන්නේ පෙට්ටියයි, අර කොටස් කිහිපෙකුයි විතරයි. මෑතක් වෙනකම්ම මට මතකයි මෙකෙ බෙල් එක පැය කාලෙන් කාලෙට වදිනවා. වයින් ඔරලෝසුවක් උන මේකේ දුනු එහෙමත් රෙපෙයාර් කරගන්න වෙනවා.
Deleteආ..මාත් අපේ ගෙදර පරණ ඔරලෝසුවකුත් ගොඩ දැම්මා මෙහෙමම...
Deleteබලහං ඉතිං ඒකෙත් හැටි.. නව තාක්ෂණය... පෙට්ටිය විතරයි ඇන්ටික්...
ReplyDeleteඒකත් ලොකු දෙයක්නේ මචං....
Deleteනියම වැඩක් හසරැල් කරල තියෙන්නෙ.
ReplyDeleteඒත් මේක ඔරිජිනල් තත්වෙන් ගොඩ දාගන්න පුලුවන් උනානං තමයි තවත් වටින්නෙ. හැබැයි සෑහෙන ගානක් වියදම් කරන්න වෙයි.
ජර්මන් කාරයො මේක දැක්කොත් මොනව හිතයිද. :D
මාව එහෙට ගෙන්නගන්නත් ඉඩ තියෙනවා...
Deleteහොද අදහසක්.ඇන්ටික් වෑලුව් එකනම් යනව නෙද
ReplyDeleteරැවුලයි කැඳයි දෙකම බෑ නොවැ..
Deleteඇත්තට ම මරු වැඩක්!
ReplyDeleteතැන්කු...තැන්කු...
Deleteටොප් වැඩක් හසරැල්.අපේ නැන්දලාගේ ගෙදරත් තිබුනා ඔය වගේ පුරාණ රේඩියෝවක්. ඒකෙන් තමයි අපි ඉස්සර නාට්ටි අහන්නේ.හැබැයි පුතෝ ඇන්ටික් වටිනාකම නැතිවුනා නේද?
ReplyDeleteඇන්ටික් කියලා ඉතින් දොර වැහෙනවට තියන්න විතරයි තිබුනේ..
Deleteමචන් මේ වැඩේ නම් මරු... මේකට උඹ කඩෙන් ගත්තු අඩුම කුඩුම ලිස්ට් එකත් දාපන්කෝ..... මටත් පොඩි අයිඩියානන්ද පාරක් පහල උනා....
ReplyDeleteස්පීකර් 3 යි ,amp circuit එකයි,usb kit එකයි,powerpack එකයි විතරයි.
Deleteඑලනෙ මචන් නියම වැඩක්...
ReplyDeleteඅපෙ ගෙදරත් තිබුන ඔය ජාතියෙම එකක් ,ඒකෙ මදේ කෑවෙ මම පොඩිකාලෙමයි...
වෙලාවට Body එකනම් සුද්ද කරල අරන්තියල තියනව, මේක දැක්කම තමයි අලුත් මදයක් දාල හදල ගත්තනම් මරු කියල හිතුනෙ...
ලබනසැරේ ගෙදර ගියගමන් වැඩේට බහින්න ඕන.......
:) :)
අනිවා....එකෙන්ම...
Deleteමාර ඇනිටික් බඩුවකට නේ පණ පොවල තියෙන්නේ හරියට අර මොරිස් මයිනර් කාර් එකක්වායු සමනය කළා වගේ... පැරණි දේ පැරණි විදියට තියාගෙන මොඩිෆයි කරපු අපූරු දස්කමක්..
ReplyDeleteසමහර උන් බනිනවනේ අනේ ...
Deleteගෙදර තව ඇන්ටික් බදු ඇති...හොයල බලල හදන්නෝ...
ReplyDeleteහා...හා...
Delete