Surah Al 'Adiyat
| Al 'Adiyat العاديات |
|
|---|---|
| Informasi | |
| Harti | Nu lumpat tarik |
| Golongan | Makkiyah |
| Surah ka | 100 |
| Juz | Juz 30 |
| Statistik | |
| Jumlah ruku' | 1 ruku' |
| Jumlah ayat | 11 ayat |
Surat Al 'Adiyat diwangun ku 11 ayat sarta kagolongkeun kana surat makkiyah, surat ieu diturunkeun sanggeus surat Al Asri. Ngaran Al Adiyat dicokot tina kecap Al 'Aadiyaat anu hartina lumpat tarik anu aya dina ayat kahiji surat ieu.
Poko-poko eusina: Anceman Alloh ka manusa anu jalir sarta anu pohara mikacinta harta bandana yén maranéhanana baris meunang balesan anu satimpal dina mangsa maranéhanana dihudangkeun tina kubur sarta dina mangsa eusi dada maranéhanana diébréhkeun.
Sajarah turunna surat
[édit | édit sumber]Al Bazzar, Ibnu Abi Hatim, jeung Al Hakim ngariwayatkeun ti Ibnu Abbas anu nyaritakeun, "Hiji mangsa, Rosululloh ngirimkeun hiji pasukan. Tapi, nepi ka sabulan kanjeng Rosul henteu ngéngingkeun warta ngeunaan kaayaan pasukan kasebut. Nya, Alloh nurunkeun ieu surat."
Eusi jeung Tarjamah
[édit | édit sumber]| Ayat ka | Tulisan Arab | Tarjamah basa Sunda |
|---|---|---|
| 1. | وَٱلۡعَـٰدِيَـٰتِ ضَبۡحً۬ا
|
Demi kuda perang anu lalumpat tarik ngaharégag . |
| 2. | فَٱلۡمُورِيَـٰتِ قَدۡحً۬ا
|
anu ngaluarkeun seuneu patingburicak tina talapok-talapok sukuna. |
| 3. | فَٱلۡمُغِيرَٲتِ صُبۡحً۬ا
|
anu terus narajang ka tengah pasukan musuh dina wanci subuh. |
| 4. | فَأَثَرۡنَ بِهِۦ نَقۡعً۬ا
|
mangka harita (éta kuda perang téh) ngaburisatkeun kebul taneuh (liliwatanana). |
| 5. | فَوَسَطۡنَ بِهِۦ جَمۡعًا
|
mangka harita (eta kuda perang téh) terus narajang ka tengah-tengah pasukan musuh. |
| 6. | إِنَّ ٱلۡإِنسَـٰنَ لِرَبِّهِۦ لَكَنُودٌ۬
|
Saéstuna manusa téh bedegong ka Gusti Alloh. |
| 7. | وَإِنَّهُ ۥ عَلَىٰ ذَٲلِكَ لَشَہِيدٌ۬
|
Jeung saéstuna maranéhna nyakséni kana kabedegonganana. |
| 8. | وَإِنَّهُ ۥ لِحُبِّ ٱلۡخَيۡرِ لَشَدِيدٌ
|
Jeung saéstuna maranéhna téh kacida mikacintana kana harta kakayaan. |
| 9. | أَفَلَا يَعۡلَمُ إِذَا بُعۡثِرَ مَا فِى ٱلۡقُبُورِ
|
Mangka, naha maranéhna teu nyaho kumaha engké nalika poéan dibudalkeunna saniskara anu aya dina jero kubur? |
| 10. | وَحُصِّلَ مَا فِى ٱلصُّدُورِ
|
Jeung nalika poéan diébréhkeunna saniskara anu aya dina jero dada? |
| 11. | إِنَّ رَبَّہُم بِہِمۡ يَوۡمَٮِٕذٍ۬ لَّخَبِيرُۢ
|
Saéstuna Gusti Alloh maranéhna Maha Waspada kana kaayaan maranéhna dina poé éta. |
Tumbu kaluar
[édit | édit sumber]Rujukan
[édit | édit sumber]- Al-Amin Al-Quran Tarjamah Sunda ku K.H. Qamaruddin Shaleh, C.V. Penerbit Diponegoro, Bandung, 2003.
- Al Quran dan Terjemahnya, Departemen agama, C.V. Toha Putra, Semarang, 1971
- Terjemahan buku Sebab Turunnya Ayat Al-Qur'an karya Jalaludin As-Suyuthi, oleh Tim Abdul Hayyie, Gema Insani, Jakarta, 2008
| Surat sateuacanna: Az Zalzalah |
Surat 100 | Surat saparantosna: Al Qori'ah |
| Al Qur'an | ||
|
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 | ||