Abon
Abon nyaéta salah sahiji kadaharan has Indonésia.[1] Abon mangrupa kadaharan nu bahan dasarna tina daging.[2] Abon biasana warnana semu coklat atawa coklat kolot.[1] Abon téh saperti serat daging, ku sabab abon dijieunna tina daging nu digaringkeun.[1][2] ku sabab abon mah garing, jadi awét nepi ka mangbulan-bulan gé mun disimpen diwadah nu rékép mah.[1] Salian ti bahan dasarna daging, aya ogé nu bahan dasarna téh tina daging hayam, domba, babi, jeung lauk, saperti lauk lélé, tuna, jeung belut.[1] Aya ogé abon tina daging munding, tapi kiwari mah geus jarang, ku sabab daging munding téh kiwari mah langka dipasaran.[1] Abon biasana dipaké keur deungeun sangu, palengkep bubur, eusian lemper atawa pastel.[1][3]
Di Indonésia, daérah nu sok nyieunan abon sapi téh biasana mah di Boyolali, Solo, Salatiga, jeung sabudeureunana.[1] Sadengkeun abon babi mah biasana diproduksi di Bali, abon tina bahan dasar lauk biasana diproduksi di wewengkon nu deukeut ka laut atawa basisir, saperti Makassar, jeung Pangandaran.[1] Biasana abon téh dijual ditempat oleh-oleh.[1]
Cara nyieun
[édit | édit sumber]Pikeun nyieun abon, sadiakeun bahan-bahan, kayaning daging sapi (mun rék nyieun abon sapi), bungbu-bungbu saperti katuncar, gula beureum, uyah, bawang bodas, jsb.[1] Keureutan daging sapi, bungbuan ku uyah jeung kécap, tuluy kulubkeun nepi ka ngagolak jeung serat-serat dagingna marisah, suwiran mun sakirana aya nu acan misah.[1] Geus kitu tuluy garingkeun ku cara dipoé handapeun panon poé atawa di ovén.[1][2] Sanggeus éta, daging meunang moé téh disangray dikatél nu gedé sabari ditutuan nepi ka serat dagingna saperti benang.[1][2] Sabari disangrai, abuskeun bungbu-bungbu nu meunang ngalemeskeun, tuluy digalokeun nepi ka garing.[1]
Rujukan
[édit | édit sumber]- ↑ a b c d e f g h i j k l m n o "Abon Makanan Yang Sangat Khas Indonésia - Kuliner Indonesia" (dalam bahasa en-US). Kuliner Indonesia. 2014-02-28. http://kulinerindonesia.info/2014/02/abon-makanan-yang-sangat-khas-indonesia/. Diakses pada 2017-10-16 Archived 2017-07-08 di Wayback Machine
- ↑ a b c d Repository USU.Abon[tumbu nonaktif] Diaksés ping 16 Oktober 2017.
- ↑ Danadibrata, R.A (2006). Kamus Basa Sunda. Bandung: PT Kiblat Buku Utama. p. 2. ISBN 9793631937. Diakses tanggal (disungsi) 13 Des 2020.
|
Artikel ngeunaan dahareun jeung inuman ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |