Lucht

Lucht is die foar dät moanskelke Ooge sichtboare Deel fon ju elektromagnetiske Stroalenge. In dät Elektromagnetiske Spektrum uumfoatet die Beräk fon dät Lucht Woogenloangten fon sowät 380 nm bit 780 nm. Dit äntspräkt Frequenzen fon sowät 789 THz bit 384 THz. N nau Skeed lät sik nit ounreeke, deer ju Ämpfiendelkhaid fon dät Ooge an do Woarniemengsskeede nit abrupt, man bie litjen ounimt. Do an dät sichtboare Lucht angränsjende Beräkke fon ju Infrarood- (Woogenlaangten twiske 780 nm un 1 mm) un Ultravioletstroalenge (Woogenlaangten twiske 10 nm un 380 nm) wäide oafte ieuwenfals as Lucht beteekend.