Nukleinsüüren

Nukleinsüüren sunt Kätten uut Nukleotide.

Chemiske Struktuur

Ne Nukleinsüüre uut tjo Nukleotide. Dät Sukkermolekül (Hier: Ribose) is rood teekend, die Phosphat-Räst türkis un juu Nuklein-Base is nit meeteekend, oaber deer is beskrifted, wier juu sik anslut. H = Woaterstof; O = Suurstof; P = Phosphor; C = Koolestof.

Älk Nukleotid bestoant uut:

N Sukker
N Phosphoat-Räst
Ne Base: Doo Nuklein-Basen af Nukleo-Basen wäide apdeeld in:
- Purin-Basen:
  - Adenin
  - Guanin
  - Hypoxanthin
  - Xanthin
- Pyrimidin-Basen
  - Cytosin
  - Thymin
  - Uracil

Düsse Nukleotide sunt Deele fon juu Nukleinsüüre.

Biologiske Betjuudenge

In juu belieuwede Natuur rakt dät bloot two Nukleinsüüren: Ribonukleinsüüre (RNA) mäd dän Sukker Ribose un Desoxyribonukleinsüüre (DNA) mäd dän Sukker Desoxyribose. Truch ferskeedene Sequenzen (Riegenfoulgen) fon Nukleotide kon ferskeedene Information spiekerd wäide.

So spiekert juu DNA juu genetiske Information (Äärwgoud) fon doo Lieuweweesen un eenige Viren, wierbie dät uk Viren rakt, doo hiere genetiske Information mäd RNA spiekerje. Normoal is RNA deertou, uum Äärwgoud in Proteine uumetousätten.