Ideja

Në filozofi idetë zakonisht intepretohen si imazhi që pasqyrohet në mendjen e njeriut për ndonjë objekt. Idetë mund të jenë gjithashtu konceptet abstrakte që nuk paraqiten si imazhe mendore ^[1]. Kapaciteti për të krijuar dhe për të kuptuar kuptimin e idesë është konsideruar të jetë një tipar thelbësor dhe përcaktues i qenieve njerëzore. Në një kuptim popullor, një ide lind në një mënyrë refleksive, spontane, edhe pa menduar ose reflektim serioz, për shembull, kur ne flasim për ide për një person ose një vend.

Një pikpamje mbi natyrën e idesë është se ekzistojnë disa ide (të quajtura si ide të lindura), të cilat janë aq të përgjithshme dhe abstrakte sa që ato nuk mund të kenë lindur si një përfaqësim i ndonjë objekti të perceptimit tonë, por sikur të ishin në njëfarë mënyre gjithmonë aty të pranishme. Këto dallohen nga idetë e rastit të cilat janë imazhe ose koncepte të shoqëruara me paragjykimin se ato janë shkaktuar ose shkaktohen nga një objekt i jashtëm ^[1].

 WikiFjalori: Ideja – shfletoni më shumë në fjalorin e lirë

• Ideologjia
• Analiza filozofike
• Koncepti