Vearba

Vearbbat (dahkansánit) leat sátneluohkká, mii muitala mii dahkkojuvvo ("oađán" ja "čállá"), mii dáhpáhuvvá ("báitá") dahje mii lea ("orrut").

Davvisámegielas leat guovttelágan vearbbat:

• finihttavearbbat
• infinihttavearbbat

Finihttavearbbat sojahuvvojit vuogi (modusa), áiggi (tempusa), persovnna ja logu (numerusa) dáfus, muhto infinihttavearbbat eai sojahuvvo dahjege dain eai leat persovdnagehčosat.

Buot vearbbaid sáhttá juohkit golmma luohkkái sojahanminstara mielde:

• bárrastávvalvearbbat (-at, -it ja -ut)
• bárahisstávvalvearbbat (leat, biehttalanvearba ja -it)
• kontrakšuvdnavearbbat (-át, -et ja -ot)

Sámegiela giellaoahpa mielde juohke cealkagis lea unnimusat okta predikáhtta, omd.:

• Báhcet dearvan!
• In.
• Mu viellja oađđá ja skuhra.

Dát ii leat seamma go omd. indoeurohpálaš gielain, main subjeavtta ja vearbba geavaheapmi cealkagis lea bággu:

• It's raining. (eaŋgalsgillii)
• Det regnar. (ruoŧagillii)

• Davvisámegiel grámmatihkka.