Enkidu
Articulu in logudoresu
Enkidu est una figura de sa mitologia sumera. In sos testos est jamadu puru Enkimdu, Eabani ou Enkita. In su raccontu issu fit una persone areste allevadu dae sos animales e chi non connoschiat sa esistenzia de sa soziedade de sos omines. Dapoi de ae' cumbattidu contra a Gilgamesh, fit diventadu s'amigu sou pius fidadu. Su raccontu de sas avventuras issoro constituidi s'Epopea de Gilgamesh.
Sa creazione de Enkidu
[modìfica | modìfica su còdighe de orìgine]Segundu sa contascia, Enkidu est istadu criadu cun s'argilla dae Aruru (sa dea mamma) ca li fit istadu demandadu dae su populu de Uruk pro che torrare su re Gilgamesh in sa deretta via. Aruru at fattu a Enkidu a immagine de Anu deus de su chelu e de Ninurta deus de sa gherra.
Sa metamorfosi de Enkidu
[modìfica | modìfica su còdighe de orìgine]A su cominzu de s'epopea Enkidu reprenta s'archetipu de s'omine areste. Enkidu viviat cun sos animales arestes e lo protegiada distruende sas trappolas. Ma unu catziadore ivvilidu dae custas secustantzias si fit cunfidadu cun su babbu chi l'aiat cossizadu de andare a preguntare s'ite faghere a su re Gilgamesh. Su catziadore andada a ue su re chi li dada a Shamat (una cortigiana) pro «currumpere» s'omine areste. Enkidu benit sedottu immediatamente. Dapoi de ses dies e sette nottes passadas cun Shamat, issu chircat de s'avviare, mais sos animales non lu cheren pius e issu no bi la faghet pius a los sighire. Enkidu at perdidu in fortza ma cominzat a usare s'intelligenzia.
S'incontru cun Gilgamesh
[modìfica | modìfica su còdighe de orìgine]Ispintu dae s'elogiu de Gilgamesh fattu dae Shamat, Enkidu dezidit de andare a affrontare su re e a nde proare sas fortzas. Issa li narat p uru chi Gilgamesh l'aiat sognadu e chi l'est aisettende in Uruk. Enkidu incontrada Gilgamesh, ma su cumportamentu de su re in sos cunfrontos de su populu lu faghede arrabbiare. Incomintzad una lotta titanica. E a sa fine, unu reconnoschet de esse' prezisu a s'atteru, sos duos eroes si jurana una amistade eterna.
Sas impresas
[modìfica | modìfica su còdighe de orìgine]Enkidu ajuada a Gilgamesh in sa gherra sua contra a Humbaba, su mostru guardianu de su buscu de sos cedros. L'ajuat puru pro catziare su Trau celeste mandadu dae sa dea Ishtar.
Sa morte de Enkidu
[modìfica | modìfica su còdighe de orìgine]Poi de unu sonnu feu, Enkidu cominzat a si deprimere: at malaittu su catziadore e sa cortigiana mandadali pro lu civilitzare. Primu 'e morrer, addietro a sas peraulas de su deus Shamash, los at reabilittados. Gilgamesh pianghet disiperadamente s'amigu. Sa dipartida de Enkidu ispinghet Gilgamesh a partire pro chircare s'immortalidade.