ᱰᱟᱱᱴᱮ ᱟᱞᱤᱜᱷᱤᱭᱮᱨᱤ

ᱰᱩᱨᱟᱱᱴᱮ ᱰᱮᱜᱞᱤ ᱟᱞᱤᱜᱷᱤᱭᱮᱨᱤ (Italian: [duˈrante deʎʎ aliˈɡjɛːri]), ᱟᱥᱚᱠᱟᱭ ᱛᱮ ᱰᱟᱱᱴᱮ ᱟᱞᱤᱜᱷᱤᱭᱮᱨᱤ ᱟᱨ ᱵᱟᱝ ᱥᱚᱡᱷᱮ ᱰᱟᱱᱴᱮ (Italian: [ˈdante], UK: /ˈdænti/, US: /ˈdɑːnteɪ/; c. ᱑᱒᱖᱕ – ᱑᱓᱒᱑), ᱫᱚ ᱛᱟᱭᱚᱢ ᱛᱟᱞᱟ ᱡᱩᱜ ᱨᱤᱱᱤᱡ ᱢᱤᱫ ᱜᱟᱹᱠᱩᱲ ᱚᱱᱦᱚᱬᱤᱭᱟᱹᱭ ᱛᱟᱦᱮᱸᱠᱟᱱᱟ . ᱟᱡᱟᱜ ᱯᱚᱛᱚᱵ ᱰᱤᱵᱷᱟᱭᱤᱱ ᱠᱚᱢᱮᱰᱤ (ᱱᱟᱦᱟᱜ ᱤᱴᱟᱞᱤ ᱛᱮ: Commedia) ᱟᱨ ᱚᱱᱟ ᱛᱟᱭᱚᱢ ᱵᱳᱠᱟᱪᱤᱭᱳ ᱦᱟᱜ ᱠᱷᱨᱤᱥᱴᱮᱱ ᱰᱤᱵᱷᱤᱱᱟ ᱠᱚᱫᱚ ᱛᱟᱞᱟ ᱡᱩᱜ ᱨᱮᱱᱟᱜ ᱟᱨ ᱜᱚᱱᱚᱝ ᱟᱱ ᱚᱱᱦᱚᱬᱮ ᱟᱨ ᱤᱴᱟᱞᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱥᱮᱬᱟ ᱥᱟᱶᱦᱮᱫ ᱠᱟᱹᱢᱤ ᱠᱟᱱᱟ ᱾ ^[᱑][᱒]

ᱛᱟᱭᱚᱢ ᱛᱟᱞᱟ ᱡᱩᱜᱽ ᱨᱮ ᱡᱟᱹᱥᱛᱤ ᱚᱱᱦᱚᱬᱮ ᱞᱟᱴᱤᱱ ᱯᱟᱹᱨᱥᱤ ᱛᱮ ᱚᱞᱚᱜ ᱛᱟᱦᱮᱸᱫ ᱟᱨ ᱚᱱᱟᱠᱚᱫᱚ ᱡᱟᱥᱹᱛᱤ ᱥᱤᱠᱷᱤᱛ ᱦᱟᱠᱟᱱ ᱯᱟᱹᱴᱷᱣᱟ ᱠᱚᱜᱮ ᱯᱟᱲᱦᱟᱣ ᱨᱮᱱᱟᱜ ᱛᱟᱠ ᱠᱚ ᱧᱟᱢ ᱛᱟᱦᱮᱸᱫ ᱾ ᱤᱱ ᱰᱤ ᱵᱷᱳᱞᱜᱟᱨᱤ ᱮᱞᱳᱠᱮᱱᱥᱤᱭᱟ ᱨᱮ ᱟᱡ ᱴᱚᱴᱷᱟ ᱯᱟᱹᱨᱥᱤ ᱦᱚᱸ ᱥᱟᱶᱦᱮᱫ ᱨᱮ ᱵᱮᱵᱷᱟᱨ ᱞᱟᱹᱜᱤᱫ ᱮ ᱡᱩᱨ ᱠᱮᱫᱼᱟ ᱾ ᱡᱮᱢᱚᱱ ᱡᱷᱚᱛᱚ ᱯᱟᱹᱨᱥᱤ ᱨᱤᱱ ᱦᱚᱲ ᱥᱟᱶᱦᱮᱫ ᱠᱚ ᱯᱟᱲᱦᱟᱣ ᱫᱟᱲᱮ ᱦᱟᱜ ᱛᱟᱵᱚᱱᱟ ᱾ ᱴᱩᱥᱠᱟᱱ ᱯᱟᱹᱨᱥᱤ ᱛᱮ ᱫᱚ ᱱᱤᱭᱩ ᱞᱟᱭᱤᱯᱷ (᱑᱙᱒᱕)ᱟᱨ ᱰᱤᱵᱷᱟᱭᱤᱱ ᱠᱚᱢᱮᱰᱤ ᱯᱚᱛᱚᱵ ᱟᱹᱠᱤᱱᱟᱜ ᱠᱩᱨᱩᱢᱩᱴᱩ ᱨᱮᱱᱟᱜ ᱚᱨᱡᱚ ᱠᱟᱱᱟ ᱾ ᱛᱟᱭᱚᱢ ᱵᱤᱫᱟᱹᱞ ᱚᱱᱟ ᱨᱮᱱᱟᱜ ᱚᱨᱥᱚᱝ ᱛᱮᱜᱮ ᱚᱱᱚᱞᱤᱭᱟᱹ ᱯᱮᱴᱨᱟᱨᱪ ᱟᱨ ᱵᱳᱠᱟᱥᱤᱭᱚ ᱮᱢᱟᱱ ᱤᱴᱟᱞᱤ ᱯᱟᱹᱨᱥᱤ ᱛᱮ ᱚᱞ ᱠᱚ ᱛᱚᱝᱜᱮ ᱤᱫᱤ ᱠᱮᱫᱼᱟ ᱾

ᱰᱟᱱᱴᱮ ᱫᱚ ᱯᱷᱞᱳᱨᱮᱱᱥ ᱨᱮ ᱡᱟᱱᱟᱢ ᱞᱮᱱᱟᱭ ᱡᱟᱦᱟᱸ ᱱᱟᱦᱟᱜ ᱫᱚ ᱤᱴᱟᱞᱤ ᱵᱚᱱ ᱢᱮᱛᱟᱜ ᱠᱟᱱᱟ ᱾ᱟᱡᱟᱜ ᱴᱷᱟᱹᱣᱠᱟᱹ ᱡᱟᱱᱟᱢ ᱢᱟᱦᱟᱸ ᱫᱚ ᱵᱟᱝ ᱵᱟᱰᱟᱭ ᱦᱟᱠᱟᱱᱟ ᱤᱠᱷᱟᱹᱱ ᱡᱟᱦᱟᱸ ᱦᱚᱲ ᱠᱚ ᱢᱮᱱᱼᱟ ᱑᱒᱒᱕ ᱥᱩᱨ ᱠᱚᱨᱮ ᱡᱟᱱᱟᱢ ᱠᱚᱼᱟᱭ ᱾ ᱟᱡᱟᱜ ᱰᱤᱵᱷᱟᱭᱤᱱ ᱠᱚᱢᱮᱰᱤ ᱠᱷᱚᱱ ᱥᱚᱡᱷᱮ ᱵᱟᱝ ᱠᱟᱛᱮᱫ ᱨᱮᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱤᱱᱟᱹ ᱚᱠᱛᱚ ᱫᱚ ᱓᱕ ᱥᱟᱞ ᱦᱩᱭ ᱠᱚᱣᱟᱭ ᱾ ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱟᱞᱤᱜᱷᱤᱭᱨᱳ ᱰᱤ ᱵᱮᱞᱤᱱᱥᱤᱭᱳᱱ ᱾ ᱟᱡ ᱟᱭᱚ ᱵᱮᱞᱟ ᱫᱚ ᱢᱤᱫ ᱚᱱᱦᱚᱬᱤᱭᱟᱹᱭ ᱛᱟᱦᱮᱸᱠᱟᱱᱟ ᱾ ᱰᱟᱱᱴᱮ ᱑᱐ ᱥᱟᱞ ᱩᱢᱮᱨ ᱨᱮᱜᱮ ᱟᱡ ᱟᱭᱚᱭ ᱵᱚᱸᱜᱟ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱟᱡ ᱟᱭᱚ ᱫᱳᱲᱦᱟ ᱞᱟᱯᱟ ᱰᱤ ᱪᱤᱭᱟᱨᱤᱥᱢᱳ ᱥᱟᱞᱟᱜᱼᱮ ᱵᱟᱯᱞᱟ ᱮᱱᱟᱭ ᱾᱑᱒ ᱥᱟᱞ ᱩᱢᱮᱨ ᱨᱮ ᱰᱳᱸᱟᱴᱤ ᱜᱷᱟᱨᱚᱸᱡ ᱨᱤᱱᱤᱡ ᱢᱟᱱᱮᱴᱳ ᱰᱳᱸᱟᱴᱤ ᱦᱚᱯᱚᱱ ᱮᱨᱟ ᱡᱮᱢᱟ ᱰᱤ ᱢᱟᱱᱮᱴᱳ ᱥᱟᱞᱟᱜ ᱵᱟᱯᱞᱟ ᱞᱟᱹᱜᱤᱫ ᱪᱩᱠᱛᱤ ᱦᱩᱭ ᱮᱱᱟ ᱾ ᱩᱱᱫᱤᱱ ᱱᱚᱸᱠᱟ ᱪᱩᱠᱛᱤ ᱟᱛᱮ ᱵᱟᱯᱞᱟ ᱫᱚ ᱟᱭᱢᱟ ᱜᱮ ᱦᱩᱭᱩᱜ ᱛᱟᱦᱮᱸᱫ ᱾^{[᱓] [᱔]}

ᱟᱡᱟᱜ ᱡᱟᱱᱟᱢ ᱞᱮᱠᱟ ᱮᱛᱚᱦᱚᱵ ᱚᱞᱚᱜ ᱯᱟᱲᱦᱟᱣ ᱦᱚᱸ ᱴᱷᱟᱹᱣᱠᱟᱹ ᱯᱚᱨᱢᱟᱬ ᱫᱳ ᱵᱟᱱᱩ ᱟᱹᱱᱤᱡ ᱾ ᱢᱮᱱ ᱟᱠᱚ ᱟᱡ ᱫᱚ ᱚᱲᱟᱜ ᱨᱮ ᱟᱨ ᱵᱟᱝ ᱪᱟᱯᱴᱟᱨ ᱟᱥᱲᱟ ᱡᱟᱦᱟᱸ ᱪᱚᱨᱪ ᱢᱤᱥᱱᱟᱨᱤ ᱦᱚᱛᱮ ᱪᱟᱹᱞᱩᱜ ᱛᱟᱦᱮᱸᱫ ᱚᱱᱰᱮ ᱚᱞᱚᱜ ᱮ ᱮᱛᱚᱦᱚᱵ ᱡᱟᱦᱟᱱ ᱠᱟᱜᱼᱟ ᱾ ᱟᱡᱟᱜ ᱵᱳᱞᱜᱚᱱᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱢᱩᱪᱟᱹᱫ ᱥᱮᱪᱮᱫ ᱮ ᱯᱩᱨᱟᱣ ᱠᱮᱫᱼᱟ ᱾ ᱱᱚᱣᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱫᱚ ᱤᱱᱟᱹ ᱚᱠᱛᱳ ᱨᱮᱱᱟᱜ ᱡᱷᱳᱛᱳ ᱠᱷᱚᱱ ᱧᱩᱛᱩᱢᱟᱱ ᱵᱤᱨᱫᱟᱹᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱵᱤᱨᱫᱟᱹᱜᱟᱲ ᱨᱮ ᱟᱡ ᱥᱮᱨ ᱵᱨᱩᱱᱮᱴᱳ ᱞᱟᱴᱤᱱᱤ ᱥᱟᱞᱟᱜ ᱥᱟᱹᱜᱟᱹᱭ ᱨᱮ ᱦᱮᱡ ᱮᱱᱟᱭ , ᱡᱟᱦᱟᱸᱭ ᱟ ᱦᱩᱫᱤᱥ ᱛᱮ ᱟᱡ ᱚᱞ ᱛᱚᱞ ᱞᱟᱹᱜᱤᱫ ᱟᱹᱰᱤᱜᱟᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾

ᱱᱚᱣᱟ ᱵᱟᱰᱟᱭ ᱟᱱ ᱠᱟᱛᱷᱟ ᱠᱟᱱ ᱜᱮᱭᱟ ᱡᱮᱢᱚᱱ ᱟᱡ ᱴᱩᱥᱠᱟᱱ ᱚᱱᱦᱚᱬᱮ ᱟᱹᱰᱤ ᱜᱮ ᱠᱩᱥᱤ ᱦᱟᱠᱟᱫ ᱟᱭ ᱾ ᱟᱡ ᱵᱳᱞᱳᱜᱱᱮᱡ ᱚᱱᱦᱚᱬᱤᱭᱟᱹ ᱦᱩᱭᱤᱰᱳ ᱜᱩᱭᱤᱱᱤᱡᱮᱞᱤ ᱦᱟᱜ ᱚᱱᱦᱚᱬᱮ ᱟᱹᱰᱤ ᱜᱮ ᱠᱩᱥᱤ ᱦᱟᱫ ᱛᱟᱦᱮᱸᱫ ᱾ᱡᱟᱦᱟᱸᱛᱤᱨᱮ ᱥᱤᱠᱞᱤ ᱨᱮᱱᱟᱜ ᱥᱤᱞᱤᱠᱟᱱ ᱥᱠᱩᱞ ᱧᱩᱛᱩᱢ ᱢᱤᱫ ᱞᱟᱠᱪᱟᱨ ᱜᱟᱫᱮᱞ ᱴᱩᱥᱠᱟᱱᱤ ᱨᱮ ᱧᱩᱛᱩᱢ ᱯᱟᱥᱱᱟᱣ ᱠᱟᱱ ᱛᱟᱦᱮᱸᱫ ᱩᱱᱡᱚᱦᱚᱜ ᱰᱟᱱᱴᱮ ᱯᱩᱨᱜᱟᱴᱳᱨᱤᱭᱳ XXVI ᱨᱮ ᱜᱩᱭᱤᱰᱳ ᱫᱚ ᱟᱯᱟᱛ ᱢᱮᱱᱛᱮᱫ ᱮ ᱵᱟᱠᱷᱮᱬ ᱞᱮᱫᱮᱭᱟ ᱾ ᱟᱡᱟᱜ ᱨᱟᱹᱥᱠᱟᱹ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱨᱮᱱᱟᱜ ᱚᱱᱦᱚᱬᱮ ᱨᱮ ᱟᱡᱟᱜ ᱜᱚᱨᱚᱡ ᱛᱟᱦᱮᱸᱞᱮᱱ ᱠᱷᱟᱛᱤᱨ ᱟᱡ ᱴᱚᱴᱷᱟᱡᱟᱹᱱᱤᱡ ᱚᱱᱦᱚᱬᱮ ᱯᱟᱱᱛᱮ ᱨᱮ ᱛᱟᱦᱮᱸᱮᱱᱟᱭ ᱡᱮᱢᱚᱱ ᱴᱨᱳᱵᱟᱰᱳᱨᱥ ᱨᱮᱱᱟᱜ ᱚᱱᱦᱚᱬᱮ, ᱟᱨᱱᱚᱴ ᱰᱟᱱᱤᱭᱮᱞ , ᱞᱟᱴᱤᱱ ᱚᱱᱚᱞᱤᱭᱟ ᱥᱤᱥᱤᱨᱳ, ᱳᱵᱷᱤᱰ, ᱟᱥᱚᱠᱟᱭ ᱛᱮ ᱵᱷᱤᱨᱜᱤᱞ ᱮᱢᱟᱱ ᱠᱚᱣᱟ ᱚᱱᱦᱚᱬᱮ ᱯᱟᱸᱡᱟ ᱞᱮᱫᱼᱟᱭ ᱿

ᱰᱟᱱᱴᱮ ᱢᱮᱱᱟᱭ ᱟᱡ ᱙ ᱥᱟᱞ ᱩᱢᱮᱨ ᱨᱮ ᱯᱷᱳᱞᱠᱳ ᱯᱚᱨᱛᱤᱱᱟᱨᱤ ᱦᱚᱯᱚᱱᱮᱨᱟ ᱵᱤᱴᱨᱟᱭᱤᱥ ᱯᱚᱨᱛᱤᱱᱟᱨᱤ ᱥᱟᱞᱟᱜ ᱵᱟᱝ ᱨᱚᱯᱚᱲ ᱛᱮ ᱯᱩᱭᱞᱩ ᱧᱮᱯᱮᱞ ᱨᱮᱜᱮ ᱫᱩᱞᱟᱲ ᱠᱮᱫᱮᱭᱟᱭ ᱾ ᱑᱘ ᱥᱟᱞ ᱛᱟᱭᱚᱢ ᱞᱮᱛᱟᱲ ᱞᱮᱛᱟᱲ ᱧᱟᱯᱟᱢ ᱨᱮᱦᱚᱸ ᱨᱚᱯᱚᱲ ᱫᱳ ᱵᱟᱭ ᱨᱚᱯᱚᱲ ᱞᱮᱱ ᱛᱟᱦᱮᱸᱫ ᱟᱨ ᱩᱯᱨᱩᱢ ᱦᱚᱸ ᱵᱟᱭ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱾ ᱢᱮᱱ ᱞᱮᱠᱷᱟᱱ ᱱᱚᱣᱟ ᱫᱩᱞᱟᱹᱲ ᱫᱚ ᱟᱹᱰᱤ ᱢᱟᱱ ᱟᱱ ᱡᱩᱫᱟᱹᱦᱟᱱ ᱫᱩᱞᱟᱹᱲ ᱨᱮᱱᱟᱜ ᱥᱟᱹᱜᱟᱹᱭ ᱡᱚᱲᱟᱣ ᱮᱱᱟ ᱾ ᱱᱚᱣᱟ ᱫᱩᱞᱟᱹᱲ ᱜᱮ ᱰᱳᱞᱥᱮ ᱥᱴᱤᱞ ᱱᱳᱵᱷᱳ ᱨᱮ ᱨᱮᱱᱟᱜ ᱚᱱᱦᱚᱬᱮ ᱨᱮ ᱡᱷᱟᱞᱥᱟᱣ ᱞᱮᱱᱟ ᱾ᱟᱡᱟᱜ ᱟᱹᱰᱤᱜᱟᱱ ᱚᱱᱦᱚᱬᱮ ᱨᱮ ᱟᱡ ᱟᱡᱟᱜ ᱫᱩᱞᱟᱹᱲ ᱨᱮᱱᱟᱜ ᱵᱚᱝᱜᱟ ᱢᱚᱦᱚᱨ,ᱵᱚᱝᱜᱟ ᱛᱷᱩᱢ, ᱫᱷᱤ , ᱫᱟᱲᱮ , ᱫᱤᱥ ᱦᱩᱫᱤᱥ ᱪᱮᱫ ᱞᱮᱠᱟᱭ ᱧᱟᱢ ᱦᱟᱠᱟᱫᱼᱟ ᱱᱟ ᱠᱚᱭ ᱚᱞ ᱥᱚᱫᱚᱨ ᱦᱟᱠᱟᱫᱼᱟ ᱿ ᱵᱤᱛᱨᱟᱭᱤᱥ ᱑᱒᱙᱐ ᱨᱮ ᱥᱮᱨᱢᱟ ᱫᱤᱥᱚᱢ ᱮᱱ ᱛᱟᱭᱚᱢ ᱰᱟᱱᱴᱮ ᱞᱟᱴᱤᱱ ᱥᱟᱶᱦᱮᱫ ᱥᱮᱫ ᱮ ᱢᱚᱱᱮ ᱠᱮᱫᱼᱟ ᱾ᱥᱟᱱᱴᱟ ᱢᱟᱨᱤᱭᱟ ᱱᱳᱵᱷᱮᱞᱟ ᱨᱮᱱᱟᱜ ᱰᱳᱢᱤᱱᱤᱠᱟᱱ ᱞᱮᱠᱟᱱᱟᱜ ᱫᱷᱚᱨᱚᱢ ᱟᱥᱲᱟ ᱠᱚᱨᱮ ᱯᱷᱤᱞᱚᱥᱚᱯᱤᱠᱟᱞ ᱯᱟᱲᱦᱟᱣ ᱨᱮ ᱵᱟᱹᱭ ᱮᱱᱟᱭ ᱾ ᱑᱘ ᱥᱟᱞ ᱩᱢᱮᱨ ᱨᱮ ᱰᱟᱱᱴᱮ ᱜᱩᱭᱰᱳ ᱠᱟᱵᱷᱟᱞᱠᱟᱱᱴᱤ ᱥᱟᱞᱟᱜ ᱮ ᱧᱟᱯᱟᱢ ᱮᱱᱟ, ᱞᱟᱯᱳ ᱜᱤᱭᱟᱱᱤ, ᱥᱤᱱᱳ ᱫᱟ ᱯᱤᱥᱴᱳᱼᱤᱭᱟ ᱚᱱᱟ ᱛᱟᱭᱚᱢ ᱵᱨᱩᱱᱮᱴᱳ ᱞᱟᱴᱤᱱᱤ ᱥᱟᱞᱟᱜ ᱮ ᱧᱟᱯᱟᱢ ᱮᱱᱟ ᱾ ᱩᱱᱠᱩ ᱡᱷᱚᱛᱚ ᱰᱳᱞᱥᱤ ᱥᱴᱤᱞ ᱱᱳᱵᱷᱳ ᱨᱤᱱᱤᱡ ᱟᱹᱜᱩᱣᱟᱹᱱ ᱮᱱᱟ ᱠᱚ ᱾

ᱰᱤᱵᱷᱟᱭᱤᱱ ᱠᱚᱢᱮᱰᱤ ᱨᱮ ᱦᱮᱞ (ᱤᱱᱯᱷᱮᱨᱱᱳ),ᱯᱩᱨᱜᱮᱴᱳᱨᱤ (ᱯᱩᱨᱜᱮᱴᱳᱨᱤᱳ), ᱯᱟᱨᱟᱰᱟᱭᱤᱡ (ᱯᱟᱨᱟᱰᱤᱥᱳ) ᱮᱢᱟᱱ ᱥᱟᱞᱟᱜ ᱰᱟᱱᱴᱮ ᱭᱟᱜ ᱥᱟᱶᱦᱮᱫ ᱛᱟᱲᱟᱢ ᱰᱟᱦᱟᱨ ᱩᱫᱩᱜ ᱦᱟᱠᱟᱱᱟ ; ᱯᱩᱭᱞᱩ ᱫᱳ ᱟᱡ ᱨᱳᱢᱟᱱ ᱚᱱᱦᱚᱬᱤᱭᱟ ᱵᱷᱤᱨᱜᱤᱞ ᱟᱨ ᱚᱱᱟ ᱛᱟᱭᱚᱢ ᱵᱤᱴᱨᱟᱭᱤᱥᱼᱟ ᱫᱤᱥ ᱦᱩᱫᱤᱥ ᱛᱮ ᱚᱞ ᱠᱮᱫᱼᱟᱭ ᱾ᱱᱟᱦᱟᱜ ᱯᱚᱲᱦᱚᱱᱤᱭᱟᱹ ᱠᱚ ᱞᱟᱹᱜᱤᱫ ᱦᱮᱞ ᱫᱚ ᱯᱩᱥᱴᱟᱹᱣ ᱥᱟᱹᱦᱤᱧ ᱥᱚᱫᱚᱨ ᱡᱷᱟᱞᱠᱟᱣ ᱦᱟᱠᱟᱱᱟ ᱤᱠᱷᱟᱱ ᱮᱴᱟᱜ ᱚᱱᱦᱚᱬᱮ ᱠᱚ ᱵᱩᱡᱷᱟᱹᱣ ᱞᱟᱹᱜᱤᱫ ᱫᱚ ᱜᱟᱹᱦᱤᱸᱨ ᱜᱮᱭᱟᱱ ᱥᱟᱶ ᱛᱟᱺᱜᱤ ᱫᱟᱲᱮ ᱞᱟᱹᱠᱛᱤ ᱢᱮᱱᱟᱜᱼᱟ ᱾ᱯᱩᱨᱜᱟᱴᱳᱨᱤ ᱯᱮᱭᱟ ᱚᱱᱦᱚᱬᱮ ᱠᱷᱚᱛ ᱠᱷᱚᱱ ᱨᱟᱦᱟ ᱯᱚᱨᱛᱟᱲ ᱟᱱᱟ ᱾ᱯᱟᱨᱟᱰᱟᱭᱤᱡ ᱫᱚ ᱜᱟᱹᱦᱤᱸᱨ ᱧᱮᱛᱮᱞ ᱜᱮᱭᱟᱱ ᱯᱮᱨᱮᱡ ᱚᱱᱦᱚᱬᱮ ᱠᱟᱱᱟ ᱾

ᱠᱚᱱᱵᱷᱤᱵᱷᱤᱭᱳ ᱫᱚ ᱵᱟᱝ ᱢᱩᱪᱟᱹᱫ ᱢᱳᱷᱚᱨ ᱨᱚᱲ ᱟᱱ ᱡᱤᱞᱤᱧ ᱚᱱᱦᱚᱢᱬᱮ ᱥᱟᱢᱴᱟᱣ ᱠᱟᱱᱟ ᱾ ᱢᱚᱱᱟᱨᱠᱤᱭᱟ ᱞᱟᱴᱤᱱ ᱯᱟᱹᱨᱥᱤ ᱛᱮ ᱨᱟᱡᱟᱹᱨᱤ ᱧᱮᱛᱮᱞ ᱨᱮᱱᱟᱜ ᱚᱱᱦᱚᱬᱮ ᱥᱚᱱᱫᱷᱤ ᱠᱟᱱᱟ ᱾ ᱡᱟᱦᱟᱸ ᱰᱟᱱᱴᱮ ᱜᱚᱡ ᱮᱱ ᱛᱟᱭᱚᱢ ᱯᱟᱯᱟᱞ ᱞᱮᱜᱟᱴᱮ ᱵᱮᱨᱴᱨᱟᱱᱰᱳ ᱰᱮᱞ ᱯᱳᱜᱮᱴᱴᱳᱭ ᱟᱛᱟᱨ ᱟᱨ ᱱᱤᱫᱟᱹᱣ ᱞᱮᱫᱼᱟ ᱾ ᱯᱟᱯᱟᱞ ᱞᱟᱭ ᱨᱳᱢᱟᱱ ᱠᱟᱛᱷᱳᱞᱤᱠ ᱪᱚᱨᱪ ᱫᱤᱥ ᱦᱩᱫᱤᱥ ᱛᱮ ᱫᱷᱟᱹᱨᱛᱤ ᱨᱮ ᱥᱟᱹᱱᱛᱤ ᱞᱟᱹᱜᱤᱫ ᱢᱚᱱᱟᱨᱠᱤ ᱨᱮᱱᱟᱜ ᱯᱟᱥᱱᱟᱣ ᱞᱟᱹᱠᱛᱤ ᱢᱮᱱᱟᱜᱼᱟ ᱢᱮᱱᱛᱮᱫ ᱮ ᱞᱟᱹᱭ ᱞᱮᱫᱼᱟ ᱾

ᱵᱷᱤᱴᱟ ᱱᱩᱣᱳᱵᱷᱟ ᱫᱳ ᱴᱩᱥᱠᱟᱱ ᱯᱟᱹᱨᱥᱤ ᱛᱮ ᱟᱡᱟᱜ ᱫᱩᱞᱟᱹᱲ ᱨᱮᱱᱟᱜ ᱚᱱᱦᱚᱬᱮ ᱜᱟᱫᱮᱞ ᱠᱟᱱᱟ ᱾ ᱱᱚᱣᱟ ᱞᱟᱦᱟ ᱨᱮ ᱜᱮᱯᱮ ᱥᱟᱭᱟᱝ ᱨᱮ ᱦᱚᱸ ᱴᱚᱴᱷᱟ ᱦᱟᱱ ᱯᱟᱹᱨᱥᱤ ᱛᱮ ᱨᱟᱦᱟ ᱯᱚᱲᱛᱟ ᱚᱱᱦᱚᱬᱮ ᱚᱞᱚᱜ ᱠᱟᱱ ᱛᱟᱦᱮᱸᱫ ᱿

ᱟᱡᱟᱜ ᱚᱠᱛᱚ ᱨᱤᱱ ᱥᱟᱱᱟᱢ ᱯᱷᱞᱳᱨᱮᱱᱴᱟᱭᱤᱱ ᱮ ᱠᱩᱥᱤ ᱦᱟᱠᱚ ᱛᱟᱦᱮᱸᱫ ᱿ ᱑᱑ ᱡᱩᱱ ᱑᱒᱘᱙ ᱥᱟᱞ ᱨᱮ ᱜᱩᱞᱮᱯᱷ ᱥᱟᱞᱟᱜ ᱥᱟᱶ ᱠᱟᱛᱮᱫ ᱠᱟᱢᱯᱟᱞᱰᱤᱱᱳ ᱞᱟᱹᱰᱷᱟᱹᱭ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱱᱚᱣᱟ ᱞᱟᱹᱰᱷᱟᱹᱭ ᱟᱨᱮᱡᱡᱳ ᱜᱷᱤᱵᱮᱞᱞᱤᱱᱥ ᱥᱟᱞᱟᱜ ᱦᱩᱭ ᱞᱮᱱᱟ ᱾ ᱤᱱᱟᱹ ᱛᱟᱭᱚᱢ ᱑᱒᱙᱔ ᱥᱟᱞ ᱨᱮ ᱟᱱᱡᱳᱣ ᱨᱤᱱᱡᱤ ᱪᱟᱨᱞᱥ ᱢᱟᱨᱴᱮᱞ ᱟᱜ ᱮᱥᱠᱚᱨᱴ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱨᱟᱡ ᱟᱹᱨᱤ ᱡᱤᱭᱚᱱ ᱨᱮ ᱟᱨ ᱢᱤᱫ ᱦᱟᱥᱞᱟ ᱞᱮᱠᱟ ᱟᱡ ᱯᱷᱟᱨᱢᱟᱥᱤᱥᱴ ᱮᱱᱟᱭ ᱾ ᱨᱟᱡᱟᱹᱨᱤ ᱦᱚᱲ ᱦᱤᱥᱟᱹᱵ ᱛᱮ ᱩᱱᱟᱹᱜ ᱨᱟᱹᱥᱠᱟᱹ ᱵᱟᱝ ᱨᱮᱦᱚᱸ ᱨᱟᱡᱟᱹᱨᱤ ᱵᱷᱤᱲᱠᱟᱹᱣ ᱚᱠᱛᱚ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱴᱷᱟᱶ ᱨᱮ ᱟᱰᱤ ᱱᱟᱯᱟᱭ ᱮ ᱠᱟᱹᱢᱤ ᱞᱮᱫᱼᱟ ᱾

᱑᱓᱐᱑ ᱥᱟᱞ ᱨᱮ ᱯᱷᱨᱟᱱᱥ ᱨᱟᱡ ᱯᱷᱤᱞᱤᱯ ᱔ ᱤᱡ ᱵᱚᱭᱦᱟ ᱵᱷᱟᱞᱳᱭᱤᱥ ᱨᱤᱱᱤᱡ ᱪᱟᱨᱞᱥ ᱯᱷᱞᱳᱨᱮᱱᱥ ᱛᱮ ᱦᱟᱹᱡᱩᱜ ᱨᱮᱱᱟᱜ ᱛᱟᱦᱮᱸᱠᱟᱱᱟ ᱾ᱪᱮᱫᱟᱜ ᱥᱮ ᱟᱡ ᱯᱳᱯ ᱥᱟᱹᱱᱛᱤ ᱵᱮᱱᱟᱣ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱫᱮᱭᱟ ᱾ ᱤᱠᱷᱟᱹᱱ ᱤᱱᱟᱹ ᱞᱟᱦᱟ ᱨᱮ ᱱᱟᱜᱟᱨ ᱥᱚᱨᱠᱟᱨ ᱯᱳᱯᱤᱡ ᱫᱩᱛ ᱟᱹᱰᱤ ᱵᱟᱹᱲᱤᱡ ᱮ ᱵᱮᱵᱷᱟᱨ ᱞᱮᱫᱮᱭᱟ ᱾

ᱚᱱᱟ ᱠᱷᱟᱛᱤᱨ ᱠᱟᱣᱱᱥᱤᱞ ᱨᱳᱢ ᱛᱮ ᱢᱤᱫ ᱰᱮᱞᱤᱜᱮᱥᱚᱱ ᱮ ᱵᱷᱮᱡᱟ ᱠᱮᱫᱟᱭ ᱾ᱚᱱᱟ ᱰᱮᱞᱤᱜᱮᱴ ᱨᱮ ᱰᱟᱱᱴᱮ ᱦᱚᱸ ᱥᱟᱶ ᱮ ᱛᱟᱦᱮᱸ ᱠᱟᱱᱟ ᱾

ᱯᱳᱯ ᱵᱳᱸᱤᱯᱷᱮᱥ ᱞᱟᱜᱮ ᱥᱟᱱᱟᱢ ᱰᱮᱞᱤᱜᱮᱴ ᱮ ᱠᱷᱟᱨᱚᱡ ᱠᱮᱫᱼᱟ ᱟᱨ ᱰᱟᱱᱴᱮ ᱥᱩᱢᱩᱝ ᱨᱳᱢ ᱨᱮ ᱛᱟᱦᱮᱱ ᱞᱟᱹᱜᱤᱫ ᱮ ᱢᱮᱛᱟᱫᱮᱭᱟ ᱾ ᱤᱱᱟᱹ ᱚᱠᱛᱚ (᱑ ᱱᱚᱵᱷᱮᱢᱵᱚᱨ ᱑᱓᱐᱑) ᱵᱞᱟᱠ ᱜᱩᱞᱮᱯᱷ ᱥᱟᱶ ᱵᱷᱟᱞᱳᱭᱤᱥ ᱨᱤᱱᱤᱡ ᱪᱟᱨᱞᱥ ᱥᱟᱞᱟᱜ ᱯᱷᱞᱳᱨᱮᱱᱥ ᱮ ᱵᱚᱞᱚᱭᱮᱱᱟ ᱟᱨ ᱛᱩᱨᱩᱭ ᱢᱟᱦᱟᱸ ᱵᱷᱤᱛᱨᱤ ᱨᱮ ᱱᱟᱜᱟᱨ ᱮ ᱨᱟᱹᱯᱩᱫ ᱠᱮᱫᱼᱟ ᱟᱨ ᱵᱟᱹᱭᱨᱤ ᱠᱚᱭ ᱜᱚᱡ ᱠᱮᱫ ᱠᱚᱣᱟ ᱾ ᱢᱤᱫ ᱱᱟᱣᱟ ᱵᱞᱟᱠ ᱜᱩᱞᱮᱯᱷ ᱥᱚᱨᱠᱟᱨ ᱛᱤᱸᱜᱩ ᱮᱱᱟ, ᱠᱟᱱᱴᱮ ᱰᱮ ᱜᱟᱵᱨᱭᱮᱞᱤ ᱰᱟ ᱜᱩᱵᱤᱵᱳ ᱱᱟᱜᱟᱨ ᱨᱤᱱᱤᱡ ᱯᱳᱫᱮᱥᱴᱟ ᱞᱮᱠᱟᱛᱮᱠᱚ ᱵᱟᱦᱟᱞ ᱠᱮᱫᱮᱭᱟ ᱾ ᱢᱟᱨᱪ ᱑᱓᱐᱒ ᱨᱮ ᱰᱟᱱᱴᱮ ᱟᱨ ᱜᱷᱮᱨᱟᱰᱤᱱᱤ ᱜᱷᱟᱨᱚᱸᱡ ᱥᱟᱶ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱫᱤᱥᱚᱢ ᱠᱷᱚᱱ ᱠᱚ ᱩᱰᱩᱠ ᱟᱨ ᱟᱰᱤᱹᱜᱟᱱ ᱜᱚᱱᱚᱝ ᱛᱮᱠᱚ ᱡᱩᱨᱤᱢᱟᱱᱟ ᱞᱮᱫᱮᱭᱟ ᱾᱑᱓᱐᱐ ᱥᱟᱞ ᱨᱮ ᱵᱟᱨ ᱪᱟᱸᱫᱚ ᱞᱟᱹᱜᱤ ᱱᱟᱜᱟᱨ ᱯᱨᱤᱭᱚᱨ (ᱯᱷᱞᱳᱨᱮᱱᱥ ᱨᱮᱱᱟᱜ ᱡᱷᱳᱛᱚ ᱠᱷᱚᱱ ᱥᱮᱬᱟ ᱢᱟᱹᱪᱤ) ᱮ ᱛᱟᱦᱮᱸ ᱠᱟᱱᱟᱭ ᱩᱱᱡᱚᱦᱚ ᱫᱩᱨᱱᱛᱤ ᱟᱨ ᱴᱟᱠᱟ ᱠᱟᱹᱣᱰᱤ ᱦᱟᱱᱛᱮ ᱱᱷᱟᱛᱮ ᱨᱮᱱᱟᱜ ᱫᱚᱥ ᱠᱚ ᱞᱟᱫᱮ ᱦᱟᱫᱮᱭᱟ ᱾ ᱮᱱᱨᱮᱦᱚᱸ ᱯᱳᱯ ᱡᱟᱦᱟᱸᱭ ᱵᱞᱟᱠ ᱜᱩᱞᱮᱯᱷ ᱮ ᱥᱚᱦᱮᱫ ᱮ ᱠᱟᱱ ᱛᱟᱦᱮᱱ ᱟᱡᱟᱜ ᱢᱮᱱᱛᱮ ᱑᱓᱐᱒ ᱫᱷᱟᱹᱵᱤᱡ ᱰᱟᱱᱴᱮ ᱨᱳᱢ ᱨᱮᱜᱮ ᱛᱟᱦᱮᱸ ᱠᱟᱱᱟᱭ ᱾ ᱚᱱᱟ ᱠᱷᱟᱹᱛᱤᱨ ᱰᱟᱱᱴᱮ ᱫᱚ ᱩᱠᱩ ᱦᱟᱠᱟᱱ ᱞᱮᱠᱟ ᱠᱚ ᱫᱳᱥ ᱠᱮᱫᱮᱭᱟ, ᱰᱟᱱᱴᱮ ᱡᱩᱨᱤᱢᱟᱱ ᱦᱚᱸ ᱵᱟᱭ ᱮᱢᱞᱮᱫᱼᱟ ᱪᱮᱫᱟᱜ ᱥᱮ ᱟᱡᱟᱜ ᱢᱮᱱ ᱠᱟᱛᱷᱟ ᱟᱡ ᱟᱵᱭ ᱠᱟᱹᱭ ᱦᱟᱠᱟᱫᱼᱟ ᱿ ᱰᱟᱱᱴᱮ ᱦᱟᱜ ᱥᱟᱱᱟᱢ ᱥᱚᱢᱯᱚᱛᱤ ᱵᱞᱟᱠ ᱜᱩᱞᱮᱯᱷ ᱮ ᱫᱚᱠᱷᱚᱞ ᱠᱮᱫ ᱛᱟᱭᱟ ᱾(᱒᱐᱐᱘ ᱡᱩᱱ ᱟᱡᱟᱜ ᱜᱩᱡᱩᱜ ᱨᱮᱱᱟᱜ ᱗ᱥᱟᱭᱟᱝ ᱛᱟᱭᱚᱢ ᱱᱟᱜᱟᱨ ᱯᱚᱨᱥᱚᱫ ᱟᱡ ᱪᱮᱛᱟᱱ ᱨᱮ ᱞᱟᱫᱮ ᱞᱮᱱ ᱥᱟᱱᱟᱢ ᱫᱚᱥ ᱠᱚ ᱚᱪᱚᱜ ᱨᱩᱣᱟᱹᱲ ᱠᱮᱫᱼᱟ ᱾

ᱟᱞᱤᱜᱷᱤᱭᱮᱨᱤ ᱑᱓᱑᱘ ᱥᱟᱞᱨᱮ ᱨᱟᱵᱷᱮᱱᱱᱟ ᱛᱮ ᱪᱷᱟᱞᱟᱜ ᱞᱟᱹᱜᱤᱫ ᱨᱟᱡᱷᱚᱯᱚᱱ ᱜᱩᱭᱰᱚ ᱱᱳᱵᱷᱮᱞᱟ ᱰᱟ ᱯᱳᱞᱮᱱᱴᱟ ᱦᱟᱜ ᱱᱮᱣᱛᱟᱭ ᱦᱟᱛᱟᱣ ᱠᱮᱫᱼᱟ ᱾ ᱟᱡ ᱯᱟᱨᱟᱰᱟᱤᱡᱳ ᱢᱩᱪᱟᱹᱫ ᱠᱮᱫᱼᱟ ᱟᱨ ᱵᱷᱤᱱᱥᱤ ᱠᱷᱚᱱ ᱨᱟᱵᱷᱮᱱᱱᱟ ᱛᱮ ᱨᱩᱣᱟᱹᱲ ᱚᱠᱛᱚ ᱑᱓᱒᱑ ᱥᱟᱞ ᱨᱮ ᱕᱖ ᱩᱢᱮᱨ ᱨᱮ ᱜᱚᱡ ᱮᱱᱟᱭ ᱾ ᱚᱱᱩᱢᱟᱱ ᱢᱮᱞᱮᱨᱤᱭᱟ ᱧᱟᱢ ᱠᱮᱫᱮᱛᱮ ᱜᱚᱡ ᱮᱱᱟᱭ ᱾ ᱟᱡ ᱨᱟᱵᱷᱮᱱᱱᱟ ᱨᱮᱱᱟᱜ ᱪᱚᱨᱪ ᱚᱯᱷ ᱥᱟᱱ ᱯᱤᱭᱮᱨ ᱢᱟᱜᱜᱤᱭᱳᱨ( ᱱᱮᱛᱟᱨ ᱟ ᱥᱟᱱ ᱯᱷᱨᱟᱱᱥᱤᱥᱠᱳ) ᱨᱮᱠᱚ ᱵᱟᱭ ᱠᱮᱫᱮᱼᱟ ᱾ᱵᱷᱤᱱᱥᱤ ᱨᱤᱱᱤᱡ ᱯᱨᱮᱴᱳᱨ , ᱵᱚᱨᱱᱟᱨᱰᱳ ᱵᱮᱢᱵᱳ ᱑᱔᱘᱓ ᱥᱟᱞ ᱨᱮ ᱰᱟᱱᱴᱮ ᱧᱩᱛᱩᱢ ᱛᱮ ᱢᱤᱫ ᱴᱳᱬᱵ ᱮ ᱵᱮᱨᱮᱫ ᱠᱮᱫᱼᱟ

• Works by Dante Alighieri at One More Library (Works in English, Italian, Latin, Arabic, German, French and Spanish)
• The Dante Museum in Florence: his life, his books and a history & literature blog about Dante
• The World of Dante multimedia, texts, maps, gallery, searchable database, music, teacher resources, timeline
• The Princeton Dante Project Archived ᱒᱐᱐᱙-᱐᱖-᱐᱓ at the Wayback Machine. texts and multimedia
• The Dartmouth Dante Project searchable database of commentary
• Dante Online manuscripts of works, images and text transcripts by Società Dantesca Italiana
• Digital Dante – Divine Comedy with commentary, other works, scholars on Dante
• Open Yale Course on Dante by Yale University
• DanteSources project about Dante's primary sources developed by Istituto di Scienza e Tecnologie dell'Informazione|ISTI-National Research Council (Italy)|CNR and the University of Pisa
• Works Italian and Latin texts, concordances and frequency lists by IntraText
• Dante Today Archived ᱒᱐᱑᱘-᱐᱑-᱑᱑ at the Wayback Machine. citings and sightings of Dante in contemporary culture

1. ↑ Bloom, Harold (1994). The Western Canon.
2. ↑ Shaw, Prue (2014). Reading Dante: From Here to Eternity. New York: Liveright Publishign Corporation. pp. Introduction. ISBN 9780871407429.
3. ↑ Chimenz, S.A. Alighieri, Dante. Dizionario Biografico degli Italiani (in Italian). Enciclopedia Italiana. Retrieved 2016-03-07.
4. ↑ Chimenz, S.A. Alighieri, Dante