Sistema MTS
U sistema metru-tunnillata-secunnu (o MTS) eni nu sistema di unitati di misura fisiche. Vinni nvintatu 'n Francia, da cui u nomu di li unitati sthène e pièze, e vinni aduttatu, comu sistema ufficiali, sulu nta l'Unioni Suviètica, ntô 1933, finu a quannu ntô 1955 vinni abulitu. Vinni costruitu cu li stissi principi di lu sistema CGS, ma cu unitati cchìu granni, pi favoriri l'utilizzu ndustriali. U sistema CGS, nveci, vinni studiatu esclusivamenti pi l'utilizzu 'n laboratorio.
Li unitati di basi dû sistema mts eranu:
| Diminsioni | Nomu dì l'unitati | Definizzioni | Rapportu cu li unitati Sistema ntirnazziunali di unitati di misura |
|---|---|---|---|
| lunghizza | metru | 1 m | |
| massa | tunnillata | 1 t | = 103 kg |
| tempu | secunnu | 1 s | |
| forza | sthène | 1 sn = t·m/s² | = 103 N |
| energia | kilujoule | 1 kJ = t·m²/s² | = 103 J |
| potenza | kilowatt | 1 kW = t·m²/s³ | = 103 W |
| prissioni | pièze | 1 pz = 1 t/m·s² | = 103 Pa |