Liggi di Newton

Pi liggi di Newton si ntènninu li tri liggi funnamintali dâ dinamica. Foru matimazzati di Isaac Newton e pubbricati ntê sò Principa mathematica ntô 1687.

La prima liggi di Newton o prima liggi dâ dinamica dici ca nu corpu nun suggettu a nudda forza si movi ci manera rittilinia e uniformi ntô vòtu. Pigghia lu nomu di Isaac Newton, puru siddu fu già ntuita di Galileu quarchi dicenniu prima di Newton.

La secunna liggi di Newton discrivi la forza comu dirivata dâ quantità di motu di nu corpu. N formula:

${\displaystyle {\vec {F}}=m{\frac {{\mbox{d}}{\vec {v}}}{{\mbox{d}}t}}=m{\vec {a}}}$

Cu la prima liggi fu sprummintata di Isaac Newton.

La forza si misura n Newton. Perciò Na forza di 24 N appricata a na massa di 3 kg, pruduci n'accilirazzioni di 8m/s².

La terza liggi di Newton o dâ dinamica dici ca siddu supra n corpu aggisci na forza allura esisti n'autru corpu supra cui aggisci n'autra forza dâ stissa ntinsitati e di sensu cuntrariu. Lu principiu è canusciutu puru comu principiu di azzioni e riazzioni.

Lu casu cchiù semprici è chiddu di na pirsuna ca camina. Chê pedi na pirsuna ncugna na forza ntô tirrinu versu narreri, e lu tirrinu pi riazzioni ammutta la pirsuna annavanzi. Lu tirrinu nun si movi pirchì la so massa currispunni â massa dâ Terra e pirciò l'accilirazzioni ncugnata chi diriva dâ secunna liggi di Newton è trascurabbili.