Larry Lurex

Larry Lurex fu nu prugettu musicali di l'ingegneri capu ri Trident Studios Robin Geoffrey Cable, ntô 1972. U nomu è nu jocu ri paroli ncapu u nomu d'arti di lu cantanti Gary Glitter e lu Lurez, nu tipu ri fili metallicu.

Cable stava spirimintannu na riedizioni di lu stili “Wall of Sound” criatu ra Phil Spector e rigistrò dui cover di li seguenti canzuni: I Can Hear Music (scritta ra Jeff Barry, Ellie Greenwich e Phil Spector, ca fu na hit pi The Ronettes e The Beach Boys), e Goin' Back (scritta ra Carole King e Gerry Goffin, ca fu na hit ri Dusty Springfield e di The Byrds).

Cable dissi a Freddie Mercury (ca avia appena furmatu cu Brian May e Roger Taylor i Queen e ca stavanu rigistrannu u loru primu album) di cantari i dui canzuni. Mercury purtò poi cu iddu Roger Taylor e Brian May pi agghìunciri percussioni, chitarri e cori a li rigistrazioni.

I tracci vinnìru pubbrocati su vinili 7” da la EMI ntô 1973, ma sìenza trasiri 'n classifica. Stu prugettu priciretti u primissimu album de Queen, Queen I.

I dui canzuni cantati ra Mercury nnà stu prugettu foru misi nnà raccolta nisciuta u 4 di sittèmmiru 2006, Lover of Life, Singer of Songs: The Very Best of Freddie Mercury Solo, mentri a prima strofa di la canzuni Goin' Back è prisenti nnà parti finali di la canzuni Mother Love de Queen, du 1995.

Essennu i dui cover cantati e sunati ra Mercury, Taylor e May, (Deacon, a causa di nu impegnu nun putìu partecipari) ponnu essìri 'n quarchi modu cunsidirati comu i primi incisioni de Queen nisciuti ntô mircatu.