Schnaus

Schnaus
Fracziun
Vopna
Administraziun
Stadi	Svizra
Chantun	Grischun
District	Surselva
Circul	Foppa
Vischnanca	Ilanz/Glion
Territori
Autezza	720 m s.m.
Surfatscha	2,97 km²
Spessezza	53 ab./km²
Autras infurmaziuns
Numer postal	7130
Preselecziun	081
Lingua tradiziunala	rumantsch
Internet
Lexicon istoric retic

Schnaus era fin ils 31 da december 2013 ina vischnanca politica svizra. Ella appartegneva al circul da la Foppa dal district da la Surselva. Il 1. da schaner 2014 ha ella fusiunà cun las anteriuras vischnancas da Castrisch, Duin, Glion, Ladir, Luven, Pigniu, Pitasch, Riein, Rueun, Ruschein, Sevgein e Siat tar la nova vischnanca Ilanz/Glion.

L'anteriura vischnanca giascha a la riva sanestra dal Rain Anteriur. Ella consista da duas parts. La part inferiura en il sid tanscha dal Rain Anteriur fin si Mulin e d'in'autezza da 700 m fin tar 1220 m. La part superiura en il nord, l'Alp da Schnaus tanscha da 1700 m fin tar il Crest da Tiarms (2412 m s.m.) e consista per gronda part da culms e guaud. Las duas parts eran separadas d'ins strivla da terren ch'appartegneva a la vischnanca da Ruschein.

Da l'entir territori communal da 299 ha èn 174 ha cultivablas. Da quest areal èn 144 ha aclas. Ulteriuras 92 ha èn cuvertas da guaud e bostgaglia e 26 ha èn territori nunproductiv (muntogna). Las restantas set hectaras èn territori d'abitar.

Dals 121 abitants la fin dal 2004 eran 102 (=84,30 %) burgais svizzers. La plipart da la populaziun discurra sursilvan ed è refurmada.

La baselgia refurmada dal vitg stat sut protecziun da monuments. Dad impurtanza istorica è plinavant il Luvratori historic dils fargliuns Giger. Sin l'autra vart da l'aual, ma gia sin il territori da Rueun stat la Caplutta Sontga Maria Madleina.

• Die Gemeinden des Kantons Graubünden. Rüegger, Chur/Zürich 2003, ISBN 3-7253-0741-5.

 Commons: Schnaus – Collecziun da maletgs, videos e datotecas d'audio

• Schnaus en il Lexicon istoric retic

ILANZGLION Castrisch Duin Glion Ladir Luven Pigniu Pitasch Riein Rueun Ruschein Schnaus Sevgein Siat