Qin Shi Huang

Qin Shi Huang

Qin Shi Huang 秦始皇^?, pinyin Qín Shǐ Huáng Wade-Giles Ch'in Shih-huang  – letteralmente "Prime 'Mberatore d'a dinastia Qin", nate cu 'u nome de Ying Zhèng 嬴政^? (Handan, 260 n.C. – Shaqiu, 210 n.C.) ète conziderate 'u Prime 'Mberatore d'a Cina, purcè ha state 'u prime sovrane storiche a ausà stu titele, apprisse ca aunificate jndr'à 'u 221 n.C. tutte le regne allore divise sotte 'u dominie sue; 'a stessa parole "Cina" avène fatte generalmende risalì a "Qin" o "Ch'in". Qin Shi Huang ète particolarmende famose pe essere state 'u committende de l'imponende esercite de terracotta e l'accumenzatore d'a muraglia cinese.

Figghie de Yíng Zǐchǔ 嬴子楚^?, nascìe jndr'à 'u mese cinese zhēng 正^?, 'u prime mese de l'anne jndr'à 'u calendarie ca avenève ausate jndr'à chidde timbe e, pe stu fatte avenìe chiamate Zhèng 政^?.

L'epoca quanne nascìe corrisponne a l'urtema fase d'u periode de le state combattende; d'u sbuenne de staterelle addò 'u Paese ere divise, ne sopravvivèvene sulamende 'nu picche, e de chiste 'u regne de Qin ere une de le cchiù putende; pe siglà le alleanze, però,s'ausave lassà 'nu membre d'a famigghia reale in ostagge a 'u state alleate e, Zǐchǔ ere ostagge d'u state de Zhao jndr'à 'u mumende d'a nascita de Zhèng, ca allore nascìe jndr'à capitale straniere, Handan.

Apprisse a 'nu picche de timbe Zǐchǔ fuscìe da Zhao cu l'aijute de 'nu ricche mercande Lü Buwei, satte satte pe addevendà 'u re Zhuangxiang de Qin (pure ca 'u nome Zhuangxiang l'ha avute apprisse a stu fatte); Lü Buwei addevenìe 'u cangelliere sue. Seconde 'a tradizione assaije note Zhèng avera essere figghie de Lü Buwei purcè a mamma soje ere già inginde quanne se 'nzurò cu Zǐchǔ, ma 'a leggende non ge tène fondamende storiche, e è probbabbilmende da attribuì a le oppositore confuciane de l'imberatore.

Zhèng 'nghianò sus a 'u trone jndr'à 'u 247 n.C., ma aveve sulamende dodice anne e mmienze, e allore fu afingate da 'nu reggende, ca da 'a custodia riuscì a libberarse sulamende jndr'à 'u 238 n.C. cu 'nu colpe de state. 'Na vote assunde 'u condrolle d'u state de Qin muvìe le armate sue condre 'u state de Han, sus a 'u quale avìe 'a megghie jndr'à 'u 230 n.C.; seguirene Wei (225 n.C.), Chu (223 n.C.), Zhao e Yan (222 n.C.), e spiaccianne cu Qi (221 n.C.).

Jndr'à 'u 221 n.C., guvernanne ormai l'indere territorie cinese, e desideranne distinguere 'a posiziona soje da quedda de semblice re de Qin, 'nvendò pe jidde stesse 'u titele de huangdi 皇帝^?  – "auguste sovrane", unenne le carattere ca indicavane le Ttre Auguste e Cinghe 'Mberature, sovrane mitologgice d'u Paese aunìte.

Se mettìe sus a 'u stesse piane de le progenitore, evidenzianne 'u fatte ca non g'avere abbesogne d'a tradizione pe legittimà 'u proprie dominie. Siccome ca 'u titele de huangdi ète generalmende tradotte cumme "'mberatore", jidde ète canusciute cumme 'u Prime 'Mberatore (in cinese Shi Huangdi); 'u successore sue avesse pighiate 'u nome de Er Shi Huangdi ('mberatore d'a seconda generazione) e accussì scenne nnande.

Apprisse ca avère aunite 'a Cina l'mberatore se dedicò a rafforzà 'u dominie sue e l'amministraziona soje, affiangate da 'u ministre sue Li Si; non ge trascurò però l'aspette militare e, conducìe diverse cambagne condre a le popolazziune nomade ca iavetavene le confine de l'imbere sue. Quidde ca osce se chiame Guangdong, a Sud, fu pigghiate da 'a Cina pa prima vote e le Xiongnu a Nord-Ovest furene battute; quest'urtema vittorie non ge fu però definitive e queste, fu una de le cause ca 'u spingerene a collegà le diverse mure 'nzippate duranne 'u periode de le state combattende jndr'à quidde ca addevenìe 'u prime nucleo d'a granne muraglia cinese, pure ca osce, de le mure de quidde timbe no reste quasi ninde.

Seconde 'na note tradizione, quannel'imberatore se fece vicchije addevenìe ossessionate da l'idea de divendà immortale; visitò ttre vote l'isole de Zhifu, addò se diceve ca esisteve 'na mundagne de l'immortalità ('a presenza soje sus a l'isole ète confermate da doje iscriziune), e mannò une de le isolane, Xu Fu, a cercà 'a leggendarie terre de Penglai, addò, se diceve, ca vivèvene le immortale; seconne 'a leggende loro non ge turnarene cchiù da l'imberatore, purcè tenèvene paure pe l'ingazzamende sue, e se ne scerene in Giappone.

Mendre ca ste faceve 'nu viagge pe scè ispezzionà l'efficienze de l'amministrazione 'mberiale, jndr'à 'u 210 n.C., murìe jndr'à 'u palazze sue de Shaqiu; seconne 'a leggende, le dottore sue l'avere confezzionate de le pinnele ca l'averene a fà devendà immortale, ma ste pinnele tenèvene 'u mercurie e 'u facerene avvelenà vote pe vote. Jidde ha state brucate jndr'à 'u mausoleo ca s'avere fatte costruì a Est d'u monde Lishan, osce patrimonie de l'umanità e famose pe l'imbonende esercite de terracotte sepolte cu l'imberatore. Se dice ca jndr'à 'u mausoleo, 'u chiaute ète circondate da 'nu mare de mercurie.

Sembre seconne 'a leggende, 'a morte de l'imberatore ha state tenute scunnute pure a 'a corte pe volondà de Li Si, ca se aspettò de turnà jndr'à capitale Xianyang apprime de fa canoscere 'a notizie. Siccome ca l'imberatore, non g'avere numenate nisciune erede, jndr'à le doje mise ca imbiegarene pe arrivà a Xianyang chidde ca sapevane d'a morte de l'imberatore (ca erene 'u prime ministre Li Si 'u cape eunuche Zhao Gao e 'u figghie sue Huhai), fecere 'nu finde testamende imberiale, e mettèrene sus a 'u trone Huhai (jidde pigghiò 'u titele de Er Shi Huangdi) e accusarene 'u frate maggiore e pretendente a 'u trone, Fusu, ca se suicidò.

Sole 3 anne apprisse 'a morte de l'imberatore 'a Cina recadìe jndr'à 'na uerra civile, e pò apprisse a 5 anne, jndr'à 'u 202 n.C., emergìe ìa dinastia Han; siccome ca le 'mberature nuève ausarene 'u titele de huangdi, Shi Huangdi addevenìe note cumme Qin Shi Huangdi e successivamende Qin Shi Huang. 'u de avenìe eliminate purcè 'u titele ha state assimilate a 'u nome imberiale e generalmende le nome cenise sonde comboste a cchiù de ttre carattere, une pu cognome e une o doje pu nome; pu stesse mutive 'u successore sue Qin Er Shi Huangdi ète osce famose cumme Qin Er Shi.

Qin Shi Huang s'à scapputò a 3 attendate, 'u prime pe mane de 'nu candore ca pruvò de fà esplodere 'a cetra soje, 'u seconne jndr'à 'u mmienze de 'n'imboscate quanne ere de retorne da 'na spedizione jndr'à Mancuria e 'u terze e urteme, quanne avenìe ferite da 'nu rivale polteche sue ca 'u stesse Qin avère invitate a 'a corte.

L'attendatore se menò 'nguedde a l'imberatore quanne jidde ste uardave une de le riale offerte da l'ospite, ma senza successem purcè Qin fece 'na mossa veloce veloce e 'u culpì a morte. Pò l'attendatore avenìe giustiziate da le uardie de l'imberatore. Apprisse quidde eppisodie Qin perdìe 'a fiducia cu tutte le cortiggiane sue. Furene mannate a morte cinde e cinde cristiane sole purcè Qin sospettave ca lore 'u vulè ccu accidevane. Cinghe anne apprisse a stu fatte, facìe giustizià tutte le abbitande de 'nu cendre piccinne de l'Henan purcè 'a colpa lore, seconne Qin, ere quedda ca avèrene scritte sus a 'nu meteorite cadute quacche sciurne apprime, frase ingiuriose condre a jidde. Ignorande l'esecutore de ste frase, avenèrene mannate a morte tutte le abbitande d'u villagge, dope ca avère fatte destruggere 'u meteorite.

Apprisse 'a conguiste de le state indipendende d'a Cina jndr'à 'u 221 n.C., jidde avere pigghiate 'u ruole de Re sus a tutte a Cina. Jidde ha 'nvendate 'nu titele nuève Prime 'Mberatore regnande ((ZH)), abbreviate cumme (皇帝).

• 'U carattere (始) - segnifiche prime.^[1] L'ere d'u prime 'mberatore s'averena chiamà "Seconde 'Mberatore", "Terze 'Mberatore" e accussì dicenne.^[2]
• Le carattere (皇帝) - avenene da le ttre regne e cinghe 'mberature mistiche precedende (三皇五帝), addò le doje carattere (皇帝) sonde estratte.^[3]

Aggiungenne stu titele, jidde sperave de pigghià 'nu prestigge e 'nu state divine d'u precedende 'Mberatore Gialle (黃帝)^[4]

Conguistate l'indera Cina, 'u Prime 'Mberatore accumenzò a fà 'nu sbuenne de riforme ca lassarene 'n'imbronde indelebbile sus 'a storia cinese ca avenìe cchiù nnande jndr'à 'u timbe. Jndr'à st'opera se scambiò 'nu belle picche de opinione cu 'u sue Prime Ministre Li Si, 'nu legiste allieve de Xun Zi. 'A teorizzazione legiste servìe da supporte a l'azione decise e spietate d'u guverne Qin.

'U prime decrete 'mberiale signò l'abbolizzione d'u reggime feudale, pe evità 'u reproporse de situazziune cumme a 'u ruète politeche d'u periode de le state combattende; l'imbere avenìe devise jndr'à 36 guvernature 郡^?, pinyin jùn, amministrate ogneune da 'nu governatore civile 守^?, pinyin shōu e da 'nu governatore militare 尉^?, pinyin wèi, tutte e doje de nomena 'mberiale. 'U governatore civile ere superiore a quidde militare, ma avenève assignate a 'n'otre guvernatorate apprisse quacche anne pe prevenìe 'a ricostruzione de 'na base de potere de tipe feudale; e pò jndr'à ogne governatorate avenève nnomenate 'nu ispettore 監^?, pinyin jiàn cu l'ingareche de riferì a l'imberatore sus a l'operate de le doje guvernatore e de resolvere le evenduale 'ngazzaminde 'mbrà lore.

Le guvernatorate erene pò divise jndr'à destritte 县^?, pinyin xiàn, pure chiste rette da funzionarie de nnomena imberiale. Sta strutture amministrative rappresendave, in realtà, 'na cose de cchiù de 'n'estenzione de quedde ca già ere ausate jndr'à 'u state de Qin, addò 'a strutture feudale avère state luate jndr'à 'u IV sechele n.C., ma avìe 'u merite de aunificà politicamende e militarmende le conguiste e cendralizzà 'u potere.

'A capitale addevenìe Xianyang, ca se iacchie vecine a quedde ca osce se chiame Xi'an. Xianyang avère già state capitale de Qin e addà, urdenò a le famigghie riale, de scè vivere, accussì puteve sorveglià tutte le famigghie condre a l'mbruègghie e le ribbelliune.

Le aunità de mesure avenèrene standàrdizzate e in particolare avenìe uniformate 'u scartamende assiale de le carre, accussì chiste putevene essere libbere de circolà aggevolmende jndr'à le strade nuève 'mberiale; avenìe fatte 'na granna rete de strade e canale pe aiutà 'u commercie, ma pure pe aiutà le marce militare verse le provinge cchiù lundane. 'A monete d'u regne de Qin avenìe imboste a tutte l'imbere.

Le carattere de scritture ausate jndr'à 'u state de Qin avenèrene cangiate e 'mboste a tutte l'imbere aunificanne pa prima vote 'a scritture cinese; 'u stile, osce a die, è ditte d'u "siggille piccinne" 小篆^?, pinyin xiǎozhuàn, nome coniate duranne 'a dinastia Han quanne oramaje avenève ausate sulamende pe fine decorative, pu distinguere da 'u "siggille granne" 大篆^?, pinyin dàzhuàn, nome ca accocchie tutte le variande reggionale ausate sotte 'a dinastia Zhou: collettivamende sonde famose cu le nome de "siggille d'a scritture" 篆文^?, pinyin zhuànwén.

Jndr'à 'u stile nuève avenèrene scritte editte e documinde ufficiale, pure pe fà canoscere a 'u popole le carattere nuève: in particolare le famose editte d'u monde Taishan, pe annungià a 'u Ciele l'aunificazione d'a Terre sotte a 'nu sole 'mberatore. Le carattere però erene assaije difficile da scrivere e se affermò a levèlle de popole 'na variande informale ca costituisce l'andenate de le carattere de le Han (hanzi).

Jndr'à 'u 213 n.C., sus a conziglie de Li Si, cu l'obbiettive de eliminà ogne tracce de tradizzione ca putesse essere 'na minacce a 'u mandate 'mberiale sue, Qin Shi Huang fece 'u asckuaminde de le libbre e brucamende de le erudite (Cinese: 焚書坑儒; semblificate: 焚书坑儒; trascrizione pinyin: Fénshū Kēngrú), politeche ca durò 'mbonde a 'u 206 n.C.; avenèrene asckuate tutte le teste andiche, a mene de chidde cu argominde tecnice e sciendifiche e pe le annale d'u state de Qin; quiste urteme però avenèrene asckuate inzieme a l'archivije 'mberiale duranne une de le numerose rivolte condre 'u successore sue Qin Er Shi. A 'u fanove de le libbre se accombagnò apprisse 'na persecuziona violende condre a l'indellettuale, soprattutte chidde de matrice confuciane, 460 de le quale avenèrene brucate angore vive. Le stusiuse de osce a die combrondene 'u fanove de le libbre a 'a Rivoluziona culturale de Mao Zedong, viste ca stave 'n'odie comune condre a l'indellettuale de le doje granne personagge d'a storia cinese.

Jndr'à tradiziona cinese 'u prie 'mberatore ète generalmende descritte cumme a 'nu tiranne brutale, superstiziose, ossessionate da l'immortalità e terrorizzate da l'assassine e, spesse pure cumme 'nu regnande mediocre. Non ge se sape quande de ste fatte sonde vere, ma probbabbilmende le giudizie storece andiche sonde offuscate da 'a propagande confuciane, ca condannave l'imberatore pe le persecuziune sue condre de lore e pu supporte sue a 'u legisme, corrende de penziere ca avenìe screditate duranne 'a cunfuciane dinastia Han. Doje teste de propagande confuciane pe stu fatte sonde le Decie crimine de Qin, combilate da storece confuciane e Le colpe de Qin 過秦論^?, de Jia Yi, 'nu teste ammirate cumme esembie de retoreca e penziere confuciane; jndr'à stu teste se sostiene cumme le cause d'u crolle d'a dinastia Qin avèrena essere da attribbuì a 'u combortamende de Qin Shi Huang, ca scìe condre le inzegnaminde de Confucio, ricercanne avidamende 'u potere e danne fastidie e disagge a 'u popole cu legge severe e opere 'mbonende, pa costruzzione de le quale 'nu sbuenne de fatiature scè murèrene. 'U fatte ca 'u confucianesime dominò 'u penziere cinese 'mbonde a l'inizie de l'età condemboranèe renne assaije difficile 'a distinziona 'mbrà verità e leggende.

Apprisse a 'a cadute d'a dinastia Qing 'a storiografije cinese accumenzò a rivalutà 'a figure d'u prime 'mberatore; 'u storeche Xiao Yishan, legate a 'u Kuomintang, facìe tanda comblimende pe avè prutette 'a Cina da le barbare cu cambagne militare e cu 'a costruzione d'a granna muraglia. Jndr'à 'u 1941 Ma Feibai ne pubblecò 'na biografije revisioniste 'ntitolate Qin Shi Huangdi Zhuan 秦始皇帝傳^? addò 'u definive "une de le granne eroi d'a storia cinese" e combrondave Chiang Kai-shek a jidde, speranne ca quiste facesse 'na aunificazziona nove d'a Cina accussì cumme 'u prime 'mberatore avère fatte.

Cu 'a sconfitte d'u Kuomintang e 'a 'nghianate a 'u potere d'u Partite Comuniste cinese 'a figura soje avenìe reinderpretate 'n'otra vote, sta vote da 'nu punde de viste marxista; jndr'à Storia comblete d'a Cina, combilate jndr'à 'u 1955, l'opera soje de aunificazione e standàrdizzazzione avenìe giudicate espressione de le inderesse de nobbeltà e de le mercande e 'a cadute d'a dinastia Qin conzeguenze d'a lotte de classe, ca non ge vedìe trionfà le condadine sulamende purcè 'a rivolte s'avère combromesse cu l'elemende d'a classa diriggende. Comungue, quanne a Mao Zedong le dicerene ca avère state combrondate cu 'u prime 'mberatore, jidde decìe ca: «Jidde brucò vive 460 studiuse; nuje 'n'amme brucate vive quarandaseimile... Vuje indellettuale, 'n'accusate de essere de le Qin Shi Huang. Ve stè sbagliate. Nuje amme supranate Qin Shi Huang de cinde vote»^[5].

Jndr'à 'u 1972 però, l'inderpretazione ufficiale cangiò 'n'otra vote: Hong Shidi pubblecò 'na biografije da 'u titele Qin Shi Huang, addò 'u prime 'mberatore avenève descritte cumme 'nu precursore d'a rivoluzione, ca destruggìe le forze ca vulevane 'u paese divise e refiutà 'u passate, senze avè paure de ausà 'a forze pe avè 'a megghije condre a le reazionarie cumme "l'industriale e mercande de schiave" cangelliere Lü Buwei.

Jndr'à 'u 1974 sus 'a riviste Bandiera Rossa Luo Siding condinuò a dà adenze a sta inderpretazione scettanne le colpe d'a cadute d'a dinastia Qin a l'eccessive tolleranze d'u prime 'mberatore, ca non g'avere 'mboste 'a "dittature sus a le reazionarie, arrevanne a 'u punde de permettere a lore de fà strade jndr'à l'organe de autorità politeche futtènne 'mbortande posiziune", cumme 'u cape eunuche Zhao Gao ca se pigghiò 'u potere cu 'u scope de remèttere 'n'otra vote 'u feudalesime.

Qin Shi Huang ere proprie ossessionate da l'immortalità e ere convinde proprie ca mangianne 'u mercurie non g'avesse muerte maje. Pe stu fatte se facìe preparà palle de mercurie da mangià, allore assìe pacce e murì apprime. Apprime de murè, però, se facìe fà 'nu mausolèe ca l'avere arrecurdà pe sembre. Quanne murìe, jndr'à stu mausolèe avenèrene brucate 'nu sbuenne de femmene ca stè fatiavene addà jndre. Se dice ca jndr'à 'u mausolèe ste 'nu mare de mercurie. Urtemamende le scienziate onne pruvate a fà de le bochere sus 'a mundagne ca cuprisce 'u mausolèe pe capì ce stè jndre ma angore no se iacchie a drette.

1. ↑ Wood, Frances. (2008). China's First Emperor and His Terracotta Warriors. Macmillan publishing. ISBN 0-312-38112-3, 9780312381127. pp 23-24, 26.
2. ↑ Hardy, Grant. Kinney, Anne Behnke. (2005). The Establishment of the Han Empire and Imperial China. Greenwood Publishing Group. ISBN 0-313-32588-X, 9780313325885. p 10.
3. ↑ The Great Wall. (1981). Luo, Zhewen Luo. Lo, Che-wen. Wilson, Dick Wilson. Drege, J. P. Contributor Che-wen Lo. McGraw-Hill. ISBN 0-07-070745-6, 9780070707450. pg 23.
4. ↑ Fowler, Jeaneane D. (2005). An Introduction to the Philosophy and Religion of Taoism: Pathways to Immortality. Sussex Academic Press. ISBN 1-84519-086-6, 9781845190866. pg 132.
5. ↑ Mao Zedong sixiang wan sui! (1969), p. 195. Citate jndr'à 'u Governing China (II ed.) de Kenneth Lieberthal (2004)

• Dinastia Qin
• Esercite de terracotte
• Granne muraglia cinese
• 'U prime 'mberatore

• Uicchimedie Commons tène files multimediale sus Qin Shi Huang