ویلیکی نووگورد

ویلیکی نووگورد
روس دا شہر

یاروسلاو دے دربار دا منظز

جھنڈا	نشان

نووگورد دا محل وقوع
شہر دا دن
سیاسی حثیت
دیس	روس
وفاقی اکائی	نووگورد اوبلاست
انتظامی مرکز	نووگورد اوبلاست دا
میونسپل حثیت
شہری اوکروگ	ویلیکی نووگزرد شہری اوکروگ
میئر	یوری بوبریشیف
عوامی نمائندگی دا ادارہ	شہری دوما
اعداد تے شمار
کل رقبہ	90مربع کلومیٹر
آبادی (2010ء)	2،18،724
آبادی دی گنجانی	2،428لوک فی مربع کلومیٹر
آبادی چ نمبر	85واں
ویلہ	ماسکو ویلہ (یو ٹی سی 4+)
قیام	859ء
سرکاری ویب سائیٹ	http://www.adm.nov.ru/

روس دا ملینیئم (1862ء) سینٹ صوفیہ گرجے نال

سینٹ نیکولس دا گرجا ، جس دی اساری مستیسلاو اول نے اپنے محل (یاروسلاو دا دربار) لاگے کیتی

ویلیکی نووگورد روس دے تریخی شہراں چوں اک تے روس دی وفاقی اکائینووگورد اوبلاست انتظامی مرکز (راجگڑھ) اے . ایہہ ایم10 وفاقی شاہراہ' اتے واقع اے جہڑی ماسکو تے سینٹ پیٹرزبرگ نوں ملاندی اے ۔ شہر دریائے وولخوف دے نال نال ، اسدے جھیل ایلمین توں نکلن دی تھاں توں کجھ اگے واقع اے ۔ شہر دی آبادی سن 2010ء دی مردم شماری موجب 2،18،724 اے تے جدوں کہ 1989ء چ ایہہ 2،29،126 سی ۔

تریخ

نووگورد روس دے پرانے شہراں چوں اک اے ، اسدی نیونہہ 9ویں یاں 10ویں صدی عیسوی چ رکھی گئی سی ۔ صوفیہ پہلی دستاویز' چ اسدا ذکر 859ء چ اے تے نووگورد پہلی دستاویز چ اسدا ذکر سن 862ء چ اے ، جدوں ایہہ بالٹک سمندر دے علاقے توں بازنتیئم دے تجارتی رستے دا اہم پڑاؤ سی ۔ کیویائی روس چ راجواڑے دی حثیت نال

سن 882ء چ رورک دے جانشین نووگورد دے اولگ نے کیف اتے مل مارلیا تے ریاست کیویائی روس دی نیونہہ رکھی ۔ نووگورد دے رقبے تے نال نال اسدے سیاسی ، معاشی تے ثقافتی اثر نے لسنوں کیویائی روس چ دوجا وڈا شہر بنا دتا ۔ اک رواج موجب کیویائی روس دے حکمران دے وڈے پتر نوں نووگورد اتے حکومت کرن لئی بھیجیا جاندا سی ۔

نووگورد جمہوریہ

1136ء چ نووگورد دے باشندےآں نے اپنے شہزادے وسیوولود مستیسلاوچ نوں معتل کر دتا ۔ اس تریخ نوں نووگورد جمہوریہ دے روایتی آعاز دے طور اتے ویکھیا جاندا اے ۔ اگلیاں دو صدیاں تک شہر شہزادےآں نوں حکومت کرن دی دعوت دین تے اینہاں نوں معتل کرن دے قابل رہیا ، پر شہزادے دا حکومتی منصب کدے دی ختم نئیں کیتا گئیا تے طاقتور شہزادےآں نے ، جداں الیگزاندر نیوسکی ، نووگورد دے لوکاں دی مرضی دے خلاف شہر اتے اپنی حکومت قائم رکھی ۔ اس شہری ریاست دی اج دے اسٹونیا توں کوہ یورال تک دے یورپ دے اتلے چڑھدے علاقےآں اتے حکمرانی سی ، اینچ ایہہ قرون وسطی دے یورپ دیاں وڈیاں ریاستاں چوں [اک]] سی ۔

متحدہ روسی ریاست تھلے

نووگورد دی شہری ریاست دا زوال ، اسدا اپنی اینی وڈی آبادی نوں خوراک مہیا کرن چ ناکامی سی ، اس لئی اسنوں اناج لئی ولادیمیر سوزدال راجواڑے اتے انحصار کرنا پیندا سی ۔ اس علاقے دے وڈے شہراں ماسکو تے تویر نے اناج دی اس محتاجی نوں نووگورد اتے مل مارن لئی ورتیا ۔ اس دے نتیجے چ ایوان سوم نے شہر نوں 1478ء چ ماسکوی روس چ ضم کر لیا ۔ اگرچہ 1560ء دے دہاکے دے قحط تک نووگورد تیجا وڈا روسی شہر رہیا (1550ء چ 25 توں 30 ہزار دے آبادی نال) تے ایوان گروزنی نے 1570ء چ شہر نوں تاراج کیتا تے لٹیا تے اسدے ہزاراں شہریاں نوں ذبح کردتا ۔ شہر دے تاجراں تے اشرافیہ نوں ماسکو ، یاروسلاول تے دوجیاں تھانواں ول بے دخل کر دتا ۔

اہم تھانواں

آن جان دے ذری‏عے

سڑک نووگورد ماسکو(531 کلومیٹر) تے سینٹ پیٹرزبرگ (189 کلومیٹر) نال وفاقی شاہراہ ایم 10 راہیں چڑیا ہویا اے ۔ سینٹ پیٹرزبرگ تے دوجے شہراں لئی بساں وی چلدیاں نیں ۔ ریل نووگورد ، ماسکو ، سینٹ پیٹرزبرگ ، منسک (بیلارس) نال سدھا ریلوے رابطہ اے تے اتلے لہندے روس دے اہم شہراں پسکوو تے مورمنسک نال وی اسدا ریل رابطہ اے ۔ ہوائی آواجائی شہر دے ہوائی اڈےآں یوریئوو' تے کریچیوتسی توں 1990ء دے دہاکے دے ادھ توں باضابطہ فلائٹاں نئیں آوندیاں جاندیاں ۔ سبتوں نیڑے سینٹ پیٹرزبرگ دا پلکووو ہوائی اڈا اے ، جہڑا شہر توں 180 کلومیٹر دور اے ۔

مقامی ٹرانسپورٹ مقامی ٹرانسپورٹ بساں تے ٹرالی بساں دے اک نیٹ ورک اتے مشتمل اے ۔

ثقافت تے رہتل

بین القوامی تعلقات

یوسیکاؤپنکی, فن لینڈ
موس ، ناروے, ناروے
نانتیرے (پیرس دا نواحی علاقہ), فرانس

واٹفورڈ, ہرٹفورڈ شائر, انگلینڈ
بیلیفیلڈ, اتلا رین ویسٹفالنیا, جرمنی
روچیسٹر, نیویارک, امریکہ

اعزازات

اک نکا سیارہ 3799 نووگورد سویت فلکیات دان نیکولائی ستیپانووچ چیرنخ نے 1979ء چ دریافت ایتا سی ، کسدا ناں نووگورد دے ناں اتے رکھیا گیا اے ۔

ہور ویکھو

نووگورد جمہوریہ

کتاباں

کرافٹ برومفیلڈ. روسی فن تعمیر دی تریخ (واشنگٹن یونیورسٹی پریس, 2004) ISBN 978-0-295-98394-3

باہرلے جوڑ

وکیمیڈیا کامنز چ مورتاں: ویلیکی نووگورد

باہرلے جوڑ (روسی بولی چ)

سانچہ:روس دے شہر