Admiral Graf Spee

La Admiral Graf Spee, (ansema a soe nav binele Deutschland e Admiral Scheer), a l'é stàita 'na nav miltar corassà dla Marin-a militar almàn-a durant la Sconda guèra mondial. La nav a l'era stàita varà dël 30 giugn 1934 ant'ij cantié Marinewerft ëd Wilhelmshaven e a l'era entrà an servissi dël 21 maj 1935.

La Admiral Graf Spee a l'é stàita darmagià dël 15 dzèmber 1939 da lë nav da bataja anglèise HMS Exeter, HMS Aiax e HMNZS Achilles ant l'Océan Atlàntich meridional durant la "Bataja dël Mar de la Plata". Apress la bataja la nav a l'é arfugiasse ant ël pòrt neutral ëd Montevideo për riparassion. Cheich dì apress, dël 17 dzèmber 1939, ël comandant dla Graf Spee, Hans Langsdorff, a l'ha pijà la decision ëd fonghé soa nav davant a Montevideo, sicoma lë riparassion a podio nen basté për combate contra le nav anglèise che la spetavo davant a la còsta dl'Uruguay. La nav a l'era longa 187,9 m, soa larghëssa a l'era ëd 21,6 m, so pescagi a l'era ëd 7,4 m e so dislocament standard a l'era ëd 11.900 t.