Bolivje

Bolivje, offiziell Estado Plurinacional de Bolivia (Pälzisch: Plurinadsionala Schdaad Bolivje) is en Binneschdaad im zendråle Siedåmerika. Benånnd is Bolivje noom siedåmerikånische Fraihaidskämpfa Simón Bolivar. Die offiziell Bezaischnung kummt doheer, dass viele Bevelgarungsgrubbe in Bolivje wohne, sowohl Ur-Velger, als aa Airopäischschdämmische, Mischlinge unn ä klääni Õõzahl an Schwaddse. 10,49 Millione Lait wohne in Bolivje unn es hot ä Fläsch vun 1.098.581 km². Dodemid leewe dorschschniddlisch 9,94 Oiwuhner uff eem km². De jedzische Präsident is de Jeanine Áñez.

Bolivje is als Binneschdaad inmidde vun Siedåmerika geleje unn hot keen Zugong zum Meer. Bolivje liehd zwischem 10. unn 23. Grad Siedlische Braide unn zwischem 68. unn 58 Grad Wesdlische Läng. Noobarschdaade sinn Brasilje im Oschde unn Norde, Paraguay im Siedoschde, Argentinje im Siedweschde, Chile unn Peru im Weschde.

In Bolivje aschdregge sisch mehrere Londschafdsraim. De erschde Londschafdsraum is die Anderegion im siedweschdlische Driddl vun Bolivje. Es Gebirge vun de Ande do hawwe ihr braideschd Schdell unn bilde en Hochbladoo, es sogenånnde Altiplano. Do hemma die Kalttrope, die Temperadure sinn fer tropische Vahäldnis gering, wail die Lufd do owwe ziemlisch dinn is. Do hemma Dorschschniddstemberadure wie in Daitschlond, awwa die Johresschwangunge sinn vahäldnismäßischgering, dodefir sinn die Dag- Nachd-Schwangunge ziemlisch groß. Im Oschde unn Norde herrschd ä tieferi Eewene vor, do dudd