Siglo 13
| Siglonan den 2° milenio | ||
|---|---|---|
Imagennan ariba  Wikimedia Commons
|
Siglo 13 (tambe siglo diestres òf siglo XIII) ta kuminsá dia promé di yanüari 1201 i ta kaba dia 31 di desèmber 1300. E ta e di tres siglo di e dos milenio den kalènder gregoriano.
Edat di Oro Islámiko
[editá | editá fuente]Genghis Khan a funda e Imperio Mongoles, ku a ekstende su teritorio for di Ost-Asia te ku Ost-Oropa. E konkistanan di Hulagu Khan i otro invashonnan mongoles a kambia e kurso di e mundu musulmán, mas notabel ta e okupashon militar di Bagdad (1258) i e destrukshon di e biblioteka di Bagdad (Kas di Sabiduria). Otro podernan musulman manera e Imperio di Mali y e Sultanato di Delhi a konkista gran parti di West-Afrika i e supkontinente Indio, mientras ku budismo a presensiá un disminushon dor di e konkista liderá pa Bakhtiyar Khilji. E estado islámiko mas tempran den sur-ost di Asia a forma durante e siglo aki, mas notabel e sultanato Samudera Pasai.[1] E Reinonan di Sukhothai i Hanthawaddy a surgi i sigui pa dominá nan teritorionan rònt di nan.[2]
Oropa
[editá | editá fuente]Oropa a drenta e apogeo di e Edat Media Superior (1000-1300), karakterisá pa un evolushon legal, kultural i religioso rápido i tambe dinamismo ekonómiko. Despues di e di kuater krusada, e krusadanan maske mayoria di nan no a logra di rekristianisá e Tera Santu, tabata inspirá e deseo pa ekspulsá presensia musulman for di Oropa ku a kondusí na e Rekonkista i a solidifiká un sentido di Kristianismo. Na nort, e Orden Teutóniko a kristianisá Prusia, Estonia i Livonia i a dominá nan. Inspirá pa tradukshonnan nobo na latin di obranan klásiko ku a keda konserbá den e mundu islámiko pa mas ku mil aña, Tomas di Aquino a desaroyá skolastisismo, ku a dominá e kuríkulonan di e universidatnan nobo.[3] Na [[Inglatera], Rei Juan a firma e "Magna Carta", kuminsando e tradishon di konseho parlamentario na Inglatera. Esaki ta yuda desaroyá e prinsipio di igualdat bou di lei den hurisprudensia oropeo.[4]
Amérika
[editá | editá fuente]Na Nort Amérika, segun algun kalkulashon di poblashon, e poblashon di Cahokia a krese pa ta komparábel ku e poblashon di London den siglo.[5] Na Peru, e Reino di Cusco a kuminsá den e periodo intermedio lat. Den sivilisashon Maya, e di 13 siglo a marka e komienso di e periodo postklásiko lat.
Afrika
[editá | editá fuente]E Imperio Kanem den loke awor ta Chad a alkansá su kumbre. E dinastia Salomon na Etiopia i e Reino di Zimbabwe a wòrdu fundá.
Mira tambe
[editá | editá fuente]Referensia
|