Ocean Indian

L'ocean Indian^[1] es la tresena massa d'aiga del mond per òrdre d'importància e cobrís a pauc près 20% de la superficia de la tèrra.

Ocean Indian

Tipe	ocean
Eponim	Índia
Part de	ocean mondial
Localizacion
Estat	Divèrses
Limitròf amb	Kismayo Africa Australa Ocean Atlantic Ocean Pacific Ocean Antartic
Bacin idrografic	Bacin de l'ocean Indian
Donadas
Altitud	0 m
Prigondor	maximum: 7 450 m mejana: 3 711 m
Punt mai bas	Fòssa Diamantina
Superfícia	76 174 000 km² 70 560 000 km²
Dimensions	10 000 () km
modificar

Es limitat al nòrd per Asia, a l'oèst per la peninsula Arabica e Africa, a l'èst per la peninsula de Malacca, las Illas de la Sonda e Austràlia, e al sud per l'Antartica. Es separat de l'ocean Atlantic pel meridian 20° èst, al sud d'Africa e de l'ocean Pacific pel meridian 147° èst. Lo punt mai septentrional de l'ocean Indian es situat aproximativament a 30° nòrd de latitud dins lo golf Persic. L'ocean Indian fa a pauc près 10 000 km de long entre Africa e Austràlia; la seuna aira es de 73 556 000 km² en inclusent la mar Roja e lo golf Persic. Lo seu volum d'aiga es estimat a 292 131 000 km³. D'illetas n'en puntilhan las ribas continentalas.

Los estats independents de l'ocean Indian son las Seichèlas, las Maldivas, Maurici, Sri Lanka. Indonesia lo bòrda. L'importància de l'ocean Indian coma rota de transit entre Asia e Africa n'a fach un luòc de conflictes. Encausa de la seuna extension, cap de nacion l'a pas dominat amb succès fins al començament del sègle XIX, quand Anglatèrra contrarotlava la màger part de las tèrras a l'entorn.